Регион
Изгласана новата словенечка влада, Церар вети излез од кризата
Словенечкиот парламент ја потврди во четвртокот доцна вечерта новата коалициска влада на премиерот Миро Церар, по што 16-те министри од неговиот кабинет положија свечена обврска, а премиерот вети излегување на Словенија од повеќегодишната криза.
За доверба на новата влада на Словенија гласаа 54, а против 25 пратеници. Против владата на премиерот Миро Церар гласаа пратениците на Словенечката демократска партија (SDS) на Јанез Јанша, демохристијанската Нова Словенија (NSI) на Људмил Новак и Здружена левица (ZL).Во обраќањето пред парламентот пред гласањето и по повеќечасовната расправа, Церар изјави дека Словенија е во тешка ситуација, но дека нејзините проблеми се „премостливи“, како и дека е убеден оти со својата влада, државата може да биде извлечена од повеќегодишната криза. „Нашата ситуација е сериозна, но ситуацијата може да се контролира и да се премости. Земјата може да се извлече од кризата, за тоа имаме план, визија и волја“, изјави Церар, пренесоа словенечките електронски медиуми.Неговата партија на парламентарните избори во јули доби 35 отсто од гласовите, а Церар склучи коалиција со Демократската партија на пензионерите (DESUS) и со Социјалните демократи, формирајќи така парламентарно мнозинство од 52 мандати во 90-члениот парламент на Словенија.Отфрлајќи ги коментарите дека неговата коалиција тешко ќе го издржи целиот четиригодишен мандат и дека веќе дејствува како „раштимуван оркестар“, Церар рече дека цел му е политичка стабилноста и влада којашто за разлика од претходните ќе издржи четири години, иако е свесен дека имајќи ги предвид очекувањата на избирачите пред него е тешка задача.Шефот на словенечката дипломатија Карл Ерјавец изјави во името на DЕSUS, партијата којашто ја предводи, дека неговата партија спротивно на оцените дека е лабилен член на владата, ќе биде „најсилната алка“, но дека ќе инсистира на исполнувањето на одредбите од коалицискиот договор за растот на пензиите.Церар како главни задачи на својата влада ги наведе подигнувањето на етичките стандарди во политиката, додека на економски план ќе води рестриктивна политика на намалување на јавните давачки, за Словенија да ги исполни барањата на Европската комисија за намалување на буџетскиот дефицит и јавниот долг, и повторно да го стабилизира финансискиот и фискалниот систем.Во текот на повеќечасовното испрашување во парламентот, Церар се определи и за статусот на своите претходница, поранешниот премиер Јанез Јанша и неговата претходничка Аленка Братушек.На тврдењата на опозицијата дека неговата влада би требало веднаш официјално да ја отповика Аленка Братушек којашто претседателот на Европската комисија, Жан-Клод Јункер ја именуваше како кандидат за член на новата Европска комисија, Церат изјави дека на постапката повеќе не може да влијае, бидејќи тоа е работа на одлука на Европскиот парламент, како и дека треба да се уважи фактот дека на досегашната премиерка ѝ е ветено важно место на потпретседателка на ЕК, задолжена за енергетската унија и координација на повеќе ресори, како и дека ги повикува сите да се откажат од штетното политизирање на тој случај.Кога станува збор за Јанша, кој на парламентарните заседанија доаѓа од затвор каде издржува долгогодишна казна, бидејќи е осуден поради корупција во случајот „Патриа“, односно набавување на оклопни возила за словенечката армија, новиот премиер Миро Церар изјави дека проблемот на партијата на Јанша е што го кандидирала за член на парламентарната комисија за контрола на тајните служби, на што владејачката коалиција не може да се согласи, како и дека се чека дали на Јанша поради правосилната пресуда ќе му биде одземен пратеничкиот мандат.„Проблемот е во тоа што Јанша во овој момент е правосудно осудено лице. Осуден е за многу сериозно кривично дело, па е тешко да се очекува дека може да биде именуван за член во толку чувствителна комисија“, изјави Церар.Церар најави и дека неговата влада веднаш ќе се занимава со прашањето за можниот ребаланс на годинешниот буџет, но дека за тоа треба да се причека да го добие деталниот увид во состојбата на државните финансии, како и најновата процена на владините служби за тоа колку пораснал бруто домашниот производ (БДП) во досегашниот дел од годината./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.