Регион
Јанша: За миграциската криза одговорноста е на Германија и ЕУ
Челникот на опозицијата во Словенија и поранешен премиер Јанез Јанша изјави во понеделникот дека за сегашната миграциска криза е одговорна и Германија која со својата политика поттикнала стотици илјади бегалци и имигранти да дојдат во неа, па сега би требало да им помогне на земјите коишто се наоѓаат на ткн „балканска рута“ кои се среќаваат со тешкотиите од бегалскиот бран со тоа што својата граница за имигрантите уште извесно време ќе ја држи отворена.
Од друга страна, и Европската унија би морала да им пружи ефикасна помош на земјите низ коишто имигрантите минуваат, бидејќи во спротивно Унијата „ќе почне да колабира“, изјави Јанез Јанша на прес-конференцијата во Љубљана,
Според него, словенечката влада на премиерот Миро Церар во сегашната ситуација би требало да ја замоли германската влада да ѝ помогне да ја контролира границата со Хрватска, додека Словенија би требало да ѝ помогне на Хрватска да ја штити надворешната граница на ЕУ кон Србија и таму како поддршка да испрати словенечки полицајци.
„Во крајна линија, доколку биде затворена германската граница, ќе биде потребно границите да се штитат со војска и со физички огради, па за тоа уште отсега треба да се подготвува“, смета Јанша.
Неговите минатонеделни тврдења дека Германија веќе нудела помош преку својата полиција на границата со Хрватска, во понеделникот попладнето на прес-конференција ги негираше словенечкиот државен секретар во министерството за внатрешни работи, Боштјан Шефиц. Меѓутоа, Шефиц додаде дека Словенија разговара со некои држави во врска со можната помош во заштита на својата јужна шенгенска граница, доколку тоа биде потребно.
„Владата не размислува за поставување огради на границите, бидејќи тоа самото посебе не значи заштита, доколку зад оградата нема многу војска, а границата со Хрватска е долга 670 километри и со многу малку природни пречки“, рече Шефиц.
Повтори дека е недозволиво тоа што Хрватска доведува преголем и недоговорен број имигранти на границата со Словенија, што го нарече тактика на „пробивање на границите“.
Словенија состојбата на својата јужна граница сé уште добро ја контролира со користење на полицијата, но доколку сегашните трендови на доаѓање на бегалците продолжат, веројатно ќе треба да се активира и војската, смета Шефиц, кој е главен координатор за имигрантскиот бран во меѓуресорската група која ја формираше премиерот Церар.
За претпоставувањата дека Германија во скоро време би ги затворила границите за имигрантите, Шефиц изјави дека станува збор за „апсолутно неофицијални“ информации за кои нема никакви официјални потврди./крај/мф/сн
Извор: Hina
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.
Регион
Словенечката опозиција бара истрага за случаите со крадење бебиња во Југославија: „Можеби се продадени повеќе од 20.000 деца“
Опозициските партии во Словенија поднесоа барање за парламентарна истрага за потенцијалното учество и одговорност на јавните службеници во случаите на кражба на деца во таа земја во периодот од 1965 до 1991 година, изјави денеска пратеничката на Словенечката демократска партија (СДС) Аленка Јерај.
„Во таканаречената трговија со бебиња, којашто се случуваше воглавно во 70те и 80те години во поранешна Југославија, повеќе од 20.000 деца можеби се продадени“, рече Јерај и додаде дека се соработува со српските друштва за овие случаи, пренесе СТА.
Овој проблем минатата година словенечкото здружение на родители на украдени деца го презентираше до собраниската Комисија за претставки, човекови права и еднакви можности со пропратна документација, а министерката за внатрешни работи Татјана Бобнар тогаш вети дека надлежните служби ќе направат се во нивната моќ.
Јерај изјави дека надлежните не презеле ништо, наведувајќи дека медицинскиот персонал инволвиран во неколку случаи на кражба на бебиња не бил вклучен во полициската истрага, а полицијата не ја презела документацијата од здружението на родители.
Словенечкиот премиер Роберт Голоб претходно оваа недела истакна дека 45 од 59 случаи на сомнителни кражби на бебиња се веќе затворени.
Регион
(Видео) Прашина од Африка стигна во Грција: небото над Атина стана портокалово
Небото над Атина, главниот град на Грција, стана портокалово поради огромните облаци од прашина што пристигнаа од Африка.
Грчкото здружение за пулмологија ги предупреди граѓаните дека честичките од пустинската прашина во атмосферата се опасни за луѓето со респираторни проблеми.
🚨#WATCH: As the Saharan dust has turnt the sky of Athens, Greece completely orange.
The Sahara dust is turning the sky into a vibrant orange across Athens, Greece. The wave of dust began yesterday and is forecasted to peak today.
pic.twitter.com/jo7fAwNIv4— R A W S G L 🌎 B A L (@RawsGlobal) April 23, 2024
На луѓето со респираторни и срцеви проблеми им се советуваше да не се занимаваат со активности на отворено, да ги држат прозорците затворени и да користат маски кога се на отворено.
Грчкиот метеоролог Костас Лагувардос објави на „Фејсбук“ дека Атина изгледа како колонија на Марс.
HAPPENING NOW: *Orange sky* – African dust blanketing Greece created an eerie image that made Athens look like a colony on Mars, Greek meteorologist reportedly says pic.twitter.com/qXicm92YPE
— Bruce Snyder (@realBruceSnyder) April 23, 2024
Поради пустинската прашина, намалена е видливоста во центарот на градот и регионот, а грчката метеоролошка служба соопшти дека во северна и западна Грција се очекува дожд од прашина.
In Athens, the sky turned orange due to a large amount of dust brought from the Sahara Desert, pic.twitter.com/Xie3o7Ovku
— S p r i n t e r F a c t o r y (@Sprinterfactory) April 23, 2024