Регион
Јосиповиќ ја повтори опасноста од „усташката змија“
Поранешниот хрватски претседател Иво Јосиповиќ изјавил дека не погрешил кога говорел за антифашистичките вредности и за присуството на „усташката змија“, пренесуваат хрватските медиуми.
Јосиповиќ рекол дека историјата покажува оти фашистичките идеи се појавуваат периодично и таму каде што не се очекуваат, пишува Vecernji list.
„Ме прашаа зошто се бавам со минатото, усташите и партизаните, но расправата за минатото е и расправа за иднината бидејќи и натаму има такви кои ја ревидираат историјата и заговараат квислиншки режим, така што од него сакаат да направат домољубиво движење. Како што некои идеи за фашизмот се пропагираат во книгите, медиумите, на стадионите, морам да речам дека оние кои што ја заговараат другата историја се подобро организирани, очигледни и финансирани од јавните средства. За ова сме криви сите, како и за фактот што денес меѓу нас нема млади кои се подготвени да ја бранат вистината, правдата и иднината“, навел Јосиповиќ.
Поранешниот хрватски председател овој говор го дал на основањето на Антифашистичката лига на Хрватска и навел дека на својот фејсбук профил често добива пораки со усташки песни и содржина која го величи Анте Павелиќ.
За „усташката змија“, Јосиповиќ говореше и на крајот на својот мандат, односно по победата на кандидатката на ХДЗ на претседателските избори, Колинда Грабар Китаровиќ./крај/фм/бс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Милорад Додик: Република Српска е под постојани санкции предводени од САД
Република Српска е под постојани санкции предводени од САД, изјави на Меѓународниот состанок на високите претставници задолжени за безбедносни прашања во Санкт Петербург, претседателот на Српска Милорад Додик.
Во својот говор Додик укажа на глобалниот проблем поради политички мотивирани санкции.
„Република Српска е директно изложена на овој вид ризик и е под постојани санкции предводени од САД. Ние правиме се што можеме за да ја заштитиме “, рече Додик, кој беше првиот што зборуваше на Состанокот за безбедност како дел од првата пленарна сесија „Обезбедување информациска безбедност во услови на формирање на полицентричен светски поредок: предизвици и можности“.
Регион
Девојка која исчезна во март во Србија е пронајдена
Тијана Симиќ, која била пријавена за исчезната на 13 март оваа година, и последен пат била видена на Карабурма во Белград, е пронајдена повеќе од еден месец од нејзиното исчезнување.
Засега не се познати детали, а среќните вести ги објави нејзината сестра на „Твитер“.
„Тијана ја пронајдовме, ви благодарам на сите за помошта“, напиша таа.
Tijanu smo pronašli, hvala puno svima na pomoći ♥️
— fifo (@sofoklee) April 24, 2024
Семејството на Тијана молеше за помош или било каква информација за неа, и после повеќе од еден месец е пронајдена.
Регион
Во БиХ уапсени 14 шверцери, превезувале мигранти во Хрватска, заработиле 3 милиони евра
Припадниците на Граничната полиција на Босна и Херцеговина уапсија 14 лица под сомнение дека организирале мрежа на криумчари на илегални мигранти преку границата со Хрватска. Акцијата под кодното име „Пирамида“ координирана од Обвинителството на БиХ беше спроведена на 16 различни локации низ земјата.
Како што беше утврдено во досегашната истрага, уапсените организирале илегално преминување на границата на најмалку 600 лица, од кои стотина се деца.
„Според прелиминарните податоци, оваа меѓународна организирана криминална група во изминатите шест месеци остварила финансиска корист од повеќе од шест милиони конвертибилни марки (три милиони евра)“, се вели во полициското соопштение.
Разбивањето на оваа мрежа на трговци со луѓе беше спроведено заедно со Управата за криминалистичка полиција на МВР на Република Хрватска и Европол и со учество на припадници на Агенцијата за разузнавање и безбедност на Босна и Херцеговина (ОСА).
Граничната полиција на БиХ наведува дека продолжува да презема мерки за спречување на шверцот на луѓе, особено против организираните криминални групи. Потсетуваат дека во првите три месеци од годинава полициски службеници и граничари до обвинителството поднеле 83 пријави против 177 лица поради постоење основи на сомнение дека сториле 110 кривични дела криумчарење луѓе.