Регион
Кандидатот за претседател на Грција ќе биде познат во вторник
Грчкиот премиер Алексис Ципрас во понеделник навечер веднаш по средбата со еврогрупата ќе одлучи кого ќе го кандидира за претседател на земјата, соопшти портпарол на владата, Габриел Сакеларидис.
„Во вторник ќе се одржи состанок на парламентарната група, и ќе биде објавено името на кандидат за претседател. Гласањето ќе се одржи во четврток“, изјави владиниот портпарол.
Претседателот на Грција се избира во парламентот. Во претходниот состав конзервативната влада на Антонис Самарас не успеа да обезбеди поддршка од 180 пратеници ниту во четвртиот круг од гласање, што предизвика распуштање на парламентот и одржување на 25-ти јануари на предвремените парламентарни избори на коишто победи коалицијата на радикалната левица Сириза. Симарас се одлучи порано да го стави на гласање наследникот на претседателот Каролос Папуљас, кому мандатот му истекува во март, токму како тестирање на поддршката во парламентот и јавноста за потпишувањето на нов аранжман со „тројката“ меѓународни доверители на Грција, бидејќи актуелниот истекува на 28-ми февруари.
Грчките медиуми сметаат дека најверојатен кандидат за нов претседател е Димитрис Аврамопулос, поранешен министер за надворешни работи, одбрана, здравство, како и поранешен еврокомесар за имиграција и внатрешни работи.
Сепак, во медиумските написи се истакнува дека против номинацијата на Аврамопулос е „левото крило“ на коалицијата на радикалната левица, коешто го обвинува дека тој се изјаснил за сите точки од актуелниот договор со кредиторите, коишто ја вовеле земјата во бедна ситуација.
Во неделата во резиденцијата на премиерот, Палатата Максим, се одржале неколку консултации на коишто учествувале челникот на „левото крило“, министерот за енергија и индустриски реформи, Панајотис Лафазанис и министерот за одбрана Панос Каменос, челникот на помалиот коалициски партнер, крајно десната националистичка партија Независни Грци, пишуваат атинските медиуми./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Братот на осомничениот за убиството на малата Данка починал од насилство, а не од природна смрт, пишуваат медиуми
Д.Д.(40), брат на еден од осомничените за исчезнувањето и смртта на двегодишното девојче Д.И., починал од насилна смрт на 7 април во раните утрински часови во полициската станица во Бор, констатирано е од стручното мислење на Институтот за судска медицина во Белград, објави Радар.
Во судско-медицинскиот извештај на телото на Д.Д биле констатирани бројни повреди, поради што вештаците констатирале дека се работи за насилна смрт. Наодите на вештачењето се проследени до надлежното Вишо јавно обвинителство Заечар за понатамошно постапување, пишува Радар.
Осомничениот Д.Д од Бор, во саботата на 6 април, во полициската станица во Бор бил задржан до 48 часа поради постоење основи на сомнение дека по извршеното кривично дело му помогнал на својот десетгодишен брат, кој е осомничен за убиството на двегодишната Данка Илиќ.
Истата вечер, три часа по полноќ, полицијата соопшти дека од „природна смрт“ починал Д.Д. Во соопштението на полицијата од 7 април, се наведува дека на осомничениот му се „слошило“ во раните утрински часови и дека „и покрај навремената реакција на полициските службеници и лекарите од Здравствениот дом во Бор, кои се обиделе да извршат реанимација, Д.Д. починал во 3 часот и 10 минути“.
Вештачењето на Институтот за судска медицина во Белград, пак, покажа дека Д.Д. не починал од природна смрт, но од последиците од тепањето, чии траги беа јасно видливи и детално опишани во вештачењето.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.