Регион
Кери ја повика косовската опозиција да не фрла солзавец во парламентот
Американскиот државен секретар Џон Кери ги повика во средата во Приштина пратениците на косовската опозиција да престане да растура солзавец во парламентот, а младите ги повика на борба против корупцијата, исламскиот радикализам и етничките поделби.
Во посета на Приштина американскиот државен секретар Џон Кери се задржа кусо време, за да ја изрази загриженоста на западните земји поради бавноста на демократските процеси на Косово, кое минува низ длабока политичка криза со одбивањето, особено на опозицијата, да се почитува договорот за нормализација на односите со Србија, посебно во делот на договорената Заедница на српски општини, чиј покровител е Европската унија. Исто така, голем проблем за властите во Приштина е корупцијата, како и безредијата и опструкцијата на работата на парламентот од страна на опозицијата која на пленарните седници неколкупати фрла солзавец.Опозицијата не го прифаќа договорот од Брисел во кој им се даваат одредени овластувања на косовските општини во кои мнозинство е српското население и право на финансиска помош од Србија, и толкуваат дека тоа ја загрозува независноста на Косово. Албанските власти во поранешната јужна српска покраина Косово и Метохија во 2008 година со поддршка на САД и главните земји членки на Европската унија еднострано прогласија независност која Србија не ја признава, а договорот за нормализација на односите меѓу Белград и Приштина со посредство на Брисел се смета за значаен фактор во стабилизацијата на регионот.„Парламентот треба да биде светилиште на демократијата, место на почитувањата, тоа не е место за солзавец и не е место за заплашување. Сите страни треба да се откажат од насилството во јавниот живот и да се обврзат на мирна и конструктивна соработка“, изјави Кери по средбата со косовскиот премиер Иса Мустафа.Американскиот државен секретар притоа го пофали договорот меѓу Белград и Приштина. „Не се залажувајте: нема да поддржиме договор кој би му се заканувал на суверенитетот или безбедноста или независноста на Косово“, порача Кери.Американскиот државен секретар изрази и голема загриженост поради радикализирањето на младите и невработените на Косово од кои, според некои податоци, најмалку 200 ѝ се приклучиле на терористичката организација Исламската држава во Сирија и во Ирак. „Сите мораме да сториме повеќе“, рече Кери алудирајќи на косовската влада, која сепак ја пофали во напорите против радикализацијата./крај/мф/мн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Братот на осомничениот за убиството на малата Данка починал од насилство, а не од природна смрт, пишуваат медиуми
Д.Д.(40), брат на еден од осомничените за исчезнувањето и смртта на двегодишното девојче Д.И., починал од насилна смрт на 7 април во раните утрински часови во полициската станица во Бор, констатирано е од стручното мислење на Институтот за судска медицина во Белград, објави Радар.
Во судско-медицинскиот извештај на телото на Д.Д биле констатирани бројни повреди, поради што вештаците констатирале дека се работи за насилна смрт. Наодите на вештачењето се проследени до надлежното Вишо јавно обвинителство Заечар за понатамошно постапување, пишува Радар.
Осомничениот Д.Д од Бор, во саботата на 6 април, во полициската станица во Бор бил задржан до 48 часа поради постоење основи на сомнение дека по извршеното кривично дело му помогнал на својот десетгодишен брат, кој е осомничен за убиството на двегодишната Данка Илиќ.
Истата вечер, три часа по полноќ, полицијата соопшти дека од „природна смрт“ починал Д.Д. Во соопштението на полицијата од 7 април, се наведува дека на осомничениот му се „слошило“ во раните утрински часови и дека „и покрај навремената реакција на полициските службеници и лекарите од Здравствениот дом во Бор, кои се обиделе да извршат реанимација, Д.Д. починал во 3 часот и 10 минути“.
Вештачењето на Институтот за судска медицина во Белград, пак, покажа дека Д.Д. не починал од природна смрт, но од последиците од тепањето, чии траги беа јасно видливи и детално опишани во вештачењето.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.