Регион
Косово во вторник ќе го потпише Договорот за стабилизација и асоцијација со ЕУ
Косово и Европската комисија (ЕК) на 27-ми октомври во Стразбур ќе го потпишат Договорот за стабилизација и асоцијација (ДСА), пренесуваат косовските и европските медиумите, повикувајќи се на дипломатски извори.
На потпишувањето ќе присуствуваат косовскиот премиер Иса Мустафа, еврокомесарот за соседска политика и пристапни преговори Јоханес Хан и високата претставничка за надворешна и безбедносна политика Федерика Могерини, изјавила портпаролката на Комисијата, Маја Коцијанчич, пренесува AFP.
Пет земји членки на Унијата се уште го немаат признаено Косово, па затоа на почетокот на процесот е одлучено ДСА да не биде потпишан од страна на земјите членки, како што беше случај со останатите кандидати од Балканот, туку со Европската унија. Унијата со Лисабонскиот договор доби статус на правно лице, а со тоа и можност да преговара за меѓународни договори.
Зелено светло за потпишување на договорот во четвртокот дале земјите членки на состанокот на претставничкото тело на Советот на ЕУ. Како што наведува Reuters, Србија е загрижена поради потпишувањето на ДСА со Косово, но од страна на ЕУ се подготвени за отстапки.
„Уверен сум дека првите две поглавја со Србија може да бидат отворени до крајот на годината“, изјавил висок европски претставник за Reuters.
Косово не е признаено од страна на пет членки на ЕУ, односно Шпанија, Грција, Кипар, Романија и Словачка. Инаку со ДСА се воспоставува сеопфатен однос со ЕУ и нејзините членки, во кој правата и обврските на договорните страни се јасно дефинирани, како и рамката за следењето, од една страна на економската размена, а од друга страна и на правната држава, човековите права и правосудниот систем, кои треба постепено да се усогласуваат со ЕУ.
Европскиот совет во јуни 2013 година го одобри отворањето на преговорите за ДСА со Косово, а ЕК го усвои Договорот кон крајот на април годинава и го препрати до Советот на министри на ЕУ. Како што наведува еден европски дипломат за AFP, и покрај двогодишните преговори не е постигнат очекуван напредок во Брисел и постои загриженост во областите на владеењето на правото, корупцијата и организираниот криминал.
„Да бидеме искрени, имаше напредок, но не на очекуваното ниво“, рекол тој, додавајќи дека потпишувањето би требало да го поттикне Косово да ги зголеми своите напори./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.