Регион
Кремљ: Истанбулскиот напад можеби е резултат на игнорирањето на сигналите од Москва
Кремљ во средата соопшти дека верува дека неодамнешниот троен бомбашки напад врз истанбулскиот меѓународен аеродром „Мустафа Кемал Ататурк“ во кој беа убиени 45 луѓе, би можел да биде резултат на тоа што турските и европските безбедносни служби ги игнорирала сигналите од Москва за можни терористи од кавкаската и центаралноазиската област кои се кријат во Турција и во Европа.
„Од пред повеќе години, руската страна ги информираше нашите турски и европски колеги за лица осомничени за поврзаност со тероризам…, коишто наоѓаат засолништа во Турција и во многу други европски земји“, изјави портпаролот на Кремљ Дмитриј Песков на брифинг со новинарите во средата.
„Во повеќето такви случаи сигналите од руска страна не добиваа внимание каква што заслужуваат, ниту каква и да е реакција од нашите колеги. За жал, тие (напади) би можеле да биде последица од таквото игнорирање“, додаде Песков.
Според последните податоци, во нападот од пред една седмица загиналe 45 луѓе, од кои 19 се странски државјани, а 239 луѓе се повредени, и со тоа стана најсмртоносниот терористички акт изведен оваа година на територијата на Турција.
Турските власти во вторникот уапсија уште 17 осомничени од кои 11 се руски а шест се турски државјани, кои се обвинети за вмешаност во тројниот самоубиствен бомбашки напад, за кој турскиот претседател Реџеп Тајип Ердоган изјави дека биле дело на исламистите на Исламската држава од поранешниот Советски сојуз.
Со апсењата од вторникот вкупниот број притворени за нападот се зголеми на 30, откако од претходните триесетина лица уапсени во врска со тројниот бомбашки напад од 28-ми јуни вечерата а 13 беа задржани во притвор. Тројца од уапсените во неделата се странски државјани.
„Тоа се луѓе од Дагестан (немирната муслиманска кавкаска република во Руската Федерација – з.р.), Киргистан и Таџикистан“, додаде Ердоган споменувајќи ја руската севернокавкаска покраина и двете поранешни советски држави во централна Азија.//крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Братот на осомничениот за убиството на малата Данка починал од насилство, а не од природна смрт, пишуваат медиуми
Д.Д.(40), брат на еден од осомничените за исчезнувањето и смртта на двегодишното девојче Д.И., починал од насилна смрт на 7 април во раните утрински часови во полициската станица во Бор, констатирано е од стручното мислење на Институтот за судска медицина во Белград, објави Радар.
Во судско-медицинскиот извештај на телото на Д.Д биле констатирани бројни повреди, поради што вештаците констатирале дека се работи за насилна смрт. Наодите на вештачењето се проследени до надлежното Вишо јавно обвинителство Заечар за понатамошно постапување, пишува Радар.
Осомничениот Д.Д од Бор, во саботата на 6 април, во полициската станица во Бор бил задржан до 48 часа поради постоење основи на сомнение дека по извршеното кривично дело му помогнал на својот десетгодишен брат, кој е осомничен за убиството на двегодишната Данка Илиќ.
Истата вечер, три часа по полноќ, полицијата соопшти дека од „природна смрт“ починал Д.Д. Во соопштението на полицијата од 7 април, се наведува дека на осомничениот му се „слошило“ во раните утрински часови и дека „и покрај навремената реакција на полициските службеници и лекарите од Здравствениот дом во Бор, кои се обиделе да извршат реанимација, Д.Д. починал во 3 часот и 10 минути“.
Вештачењето на Институтот за судска медицина во Белград, пак, покажа дека Д.Д. не починал од природна смрт, но од последиците од тепањето, чии траги беа јасно видливи и детално опишани во вештачењето.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.