Регион
Курдска група ја презема одговорноста за нападот во Анкара
Курдската група Курдистански соколи на слободата (ТАК) ја презема одговорноста за терористичкиот напад од 17-ти февруари вечерта во турската престолнина Анкара врз воени автобуси, во кој загинаа 28 луѓе а 80 беа ранети, објавено е во петокот вечерта на интернет страницата на групата.
Според групата, нападот го извршил со далечински активирана експлозивна направа во автомобил Зинар Раперин (Абдулбаки Сонмез), борец на „Баталјонот на бесмртните“, групација којашто е дел од организцијата Курдистански соколи на слободата (ТАК).
Во соопштението на ТАК се истакнува дека нападот бил одговор за политиката на турските власти и исламско-конзервативната Партија на правдата и развојот (AKP). „Тоа беше одмазда за убиените во Чизре (округ во југоисточната покраина Ширнак, каде што турските безбедносни сили спроведуваат операции против курдските герилци – з.р), беспомошни цивили“, се наведува во соопштението. Исто така, се ветуваат нови напади.
ТАК, којашто се смета за отцепена група на забранетата Работничка партија на Курдистан (PKK), и во минатото преземаше одговорност за голем број напади во Турција, како оној на истанбулскиот аеродром „Сабина Ѓукчен“ во декември кога загина едно лице, а уште едно беше сериозно повредено.
Во нападот во средата навечер во центарот на Анкара загинаа 20 високи офицери и осум цивили. Лицето коешто го управувало возилото полно со експлозив уништило неколку воени автобуси во близина на Генералштабот, и е идентификувано како Салих Нечар кој загинал во експлозијата. Идентификуван е со помош на отпечатоци од прстите кои му биле земени во имиграциските служби при неговото неодамнешно влегување на турска територија како бегалец од Сирија, соопшти истрагата.
Турските власти и истрагата вината за нападот ја префрлуваат врз Партијата на демократскиот сојуз (PYD) на сириските Курди, односно на нејзиното милитантно крило Единиците за заштита на народот (YPG).
Челникот на партијата PYD, Салих Муслим, веднаш во средата изјави дека партијата на сириските Курди, чиишто позиции во покраината Алепо изминатиот викенд ги гранатираше турската артилерија, воопшти не е вмешана во нападот во Анкара. Чемил Бајик, високо позициониран герилец на PKK, пак, изјави дека не знае кој стои зад нападот, но дека тој би можело да биде одмазда./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Братот на осомничениот за убиството на малата Данка починал од насилство, а не од природна смрт, пишуваат медиуми
Д.Д.(40), брат на еден од осомничените за исчезнувањето и смртта на двегодишното девојче Д.И., починал од насилна смрт на 7 април во раните утрински часови во полициската станица во Бор, констатирано е од стручното мислење на Институтот за судска медицина во Белград, објави Радар.
Во судско-медицинскиот извештај на телото на Д.Д биле констатирани бројни повреди, поради што вештаците констатирале дека се работи за насилна смрт. Наодите на вештачењето се проследени до надлежното Вишо јавно обвинителство Заечар за понатамошно постапување, пишува Радар.
Осомничениот Д.Д од Бор, во саботата на 6 април, во полициската станица во Бор бил задржан до 48 часа поради постоење основи на сомнение дека по извршеното кривично дело му помогнал на својот десетгодишен брат, кој е осомничен за убиството на двегодишната Данка Илиќ.
Истата вечер, три часа по полноќ, полицијата соопшти дека од „природна смрт“ починал Д.Д. Во соопштението на полицијата од 7 април, се наведува дека на осомничениот му се „слошило“ во раните утрински часови и дека „и покрај навремената реакција на полициските службеници и лекарите од Здравствениот дом во Бор, кои се обиделе да извршат реанимација, Д.Д. починал во 3 часот и 10 минути“.
Вештачењето на Институтот за судска медицина во Белград, пак, покажа дека Д.Д. не починал од природна смрт, но од последиците од тепањето, чии траги беа јасно видливи и детално опишани во вештачењето.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.