Регион
Левицата во Шпанија тврди дека нема да формира влада со Рахој
Двете главни левичарски партии во Шпанија тврдат дека нема да и дозволат на владејачката Народна партија на премиерот Маријано Рахој да формира нова влада.
Социјалистичката партија, која го зазеде второто место на неделните парламентарни избори, соопшти дека ќе гласа против Рахој да формира влада.
Претставникот на социјалистите Цезар Луена рече дека Народната партија, која освои најмногу гласови, ќе има проблеми да формира влада и дека социјалистите нема да и дадат поддршка.
Луена ја исклучи можноста за воспоставување на коалиција без преседан помеѓу двете партии, кои доминираа со децении со шпанската политика.
Пабло Иглесиас, лидерот на шпанската партија Подемос, која го зазеде третото место на вчерашните избори, изјави дека нема да и дозволи на владејачката Народна партија да формира нова влада.
„Да нема сомневање…Подемос нема ниту активно ниту пасивно да дозволи влада да формира Народната партија“, рече Инглесиас.
Тој најави дека наскоро ќе започне разговори со останатите партии за постигнување на евентуален политички договор.
Народната партија освои 124 пратенички места, што не е ни одблизу доволно за формирање на влада. За апсолутно мнозинство се потребни 176 од вкупно 350 места во шпанскиот парламент.
Социјалистичката партија освои 90 пратенички места, а Подемос 69.
Десничарскиот Суидаданос (Граѓани), се најде на четвртото место со 40 освоени места.
Преостанатите места им припаднаа на регионалните партии, кои би можеле да бидат клучни во процесот на формирање на коалициона влада, што би можело да доведе до формирање на левичарска коалиција во која би била вклучени каталонските партии кои се залагаат за независност. /крај/мф/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.
Регион
Се вештачат трагите од предметите пронајдени во автомобилот во кој била убиена малата Данка
Телото на малото девојче Данка Илиќ (2), кое на 26 март годинава беше брутално убиено во Бањско Поле, сè уште не е пронајдено.
Осомничениот Дејан Драгијевиќ (50) во Вишото јавно обвинителство во Заечар ги изнесе деталите за убиството на детето. Сепак, тој не сакаше да открие каде го фрлил телото на Данка.
Срѓан Јанковиќ (50) не сакал да зборува за делото, а вчера побарал да му дозволат адвокат по службена должност. Во притвор е и таткото на Дејан Драгијевиќ, кој исто така се бранеше со молчење на обвинувањата дека му помогнал на синот да се ослободи од телото.
Понатамошни чекори во истрагата за „Телеграф.рс“ најавија од Вишото јавно обвинителство во Заечар.
„Вишото јавно обвинителство во Заечар издаде наредба вештаци да ги прегледаат трагите пронајдени во автомобилот на Јавното претпријатие за комунални дејности ‘Водовод’ од Бор“.
Сослушувањата на сведоците се во тек.
Вчера, во Вишото јавно обвинителство во Заечар дадоа исказ Ивана и Милош Илиќ, родителите на убиената Данка.