Регион
Mлад Словенец нарачал оружје преку интернет, планирал масакр врз своите врсници затоа што го исмевале

Дваесетгодишно момче од околината на Крањ е приведено под сомнение дека поради одмазда, подготвувало напад со оружје што го нарачал од САД преку темната мрежа, а требало да дојде на неговата адреса во пакет скриен во микробранова печка, потврди словенечката полиција.
Полицијата во соопштението објави дека во соработка на словенечките и американските безбедносни органи е спречено реализирање на планирани убиства со оружје, без да се соопштат детали.
Оружјето е одземено во САД од страна на Американската служба за домашна безбедност, со што е спречен потенцијален напад со пукање во Словенија, потврди полициската управа на Крањ на прес-конференција во попладневните часови.
Без откривање на идентитетот на осомничениот, полицијата изјавила дека станува збор за лице што досега не било во кривична или прекршочна постапка. Во интерес на понатамошната истрага таа не сакаше да ги потврди тврдењата на медиумите дека станува збор за возрасно лице од областа Крањ по шпекулациите во печатот дека лицето подготвувало убивање со пукање слично на оние што често се случуваат во САД.
[PREPREČILI NAČRTOVANE UMORE] Slovenska Policija je v sodelovanju z ameriškimi varnostnimi organi preprečila množičen…
Posted by Slovenska policija / The Slovenian police on Wednesday, 28 April 2021
Американската служба за домашна безбедност открила пиштол „глок“ и автоматско офанзивно оружје „ремингтон“ со придружни видови муниција во пакетот испратен во Словенија и ги известила словенечките безбедносни органи, кои потоа реагирале. Сè се случи во април годинава, беше наведено на прес-конференција во полициската администрација во Крањ.
Според „24ур“, осомничениот планирал масакр во неколку јавни институции.
Тој имал точен список на локации и имиња на луѓе што сакал да ги убие. Според словенечките медиуми, мотивот бил одмазда. Тој планирал да убие неколку колеги со кои одел во основно училиште, како и неколку вработени во училиштето затоа што го исмевале.
Сите на списокот сега се под полициска заштита.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Џамбаски контра Пендаровски: Дрскоста на бугаромразите во Скопје навистина нема крај

„Дрскоста на бугаромразите во Скопје навистина нема крај и навистина е потсмев. Стотици бугарски граѓани со часови виселе на студ, стотици биле вратени од граница со летечки белешки испечатени од печатачи кои очигледно не работат на струја“ напиша на Фејсбук бугарскиот европратеник Ангел Џамбаски.
Во неговата објава на социјалната мрежа стои: „Властите во Скопје прават црни и забранувачки списоци за бугарските граѓани, новинари, публицисти и политичари.
Како се овие европски вредности? Како е ова право на слободно движење? Како ова не е антибугарска омраза? Каде е револтот на активистите за човекови права во Брисел?“
Ова доаѓа по денешната изјава на македонскиот претседател Стево Пендаровски кој рече:
„Оние кои се обидоа да ја нападнат полицијата, се разбира, заработија прекршочни пријави и депортација од нашата земја. Секоја европска држава го прави тоа на идентичен начин. Нека ни се јави еден граѓанин на Република Бугарија на кој му било одбиено да влезе во Република Северна Македонија да оддаде почит на гробот на Гоце Делчев, се разбира освен оние кои правеа проблеми за што има и видео снимки“.
Регион
(Видео) Вучиќ: Не се плашиме од никого затоа што ништо не сме украле

Претседателот на Србија, Александар Вучиќ, им се обрати на граѓаните и рече дека не барал амнестија за неговото семејство, како што тврди Рада Трајковиќ.
Како што рече, секогаш се борел само за Србија и така ќе продолжи.
„Српски народ, граѓани на Србија. Западниот агент Рада Трајковиќ вели дека барам аболиција за моето семејство, а не спас за српскиот народ на Косово и Метохија. Лаже, лаже како сите оние во Собранието“, рече Вучиќ и додаде:
„Затоа луѓе, само имајте на ум. Моето семејство е тука, тие ќе останат во Србија како мене. Не се плашиме од никого затоа што ништо не сме украле. Ние сме виновни затоа што ја браниме Србија. Ќе ја браниме Србија. Меѓусебно признание, сонувајте! Да живее Србија“, рече тој.
View this post on Instagram
Регион
Радев се гордее со Пендиков кој излезе од болница: Успеа да го одбрани своето бугарско име и покрај насилството

„Му честитам на Христијан Пендиков за храброста да го одбрани своето бугарско име и покрај провокациите, заканите и насилството. Бугарија нема да толерира насилство врз Бугарите во Република Северна Македонија и нејзините граѓани и ќе ги користи сите национални и меѓународни инструменти за заштита на нивните права. Нашите меѓународни партнери беа информирани и за уште една антибугарска кампања во РСМ која ескалира последните денови“ се вели меѓудругото во објавата на Фејсбук на бугарскиот претседател Румен Радев.
Радев наведува дека „ставот на РСМ за злосторствата од омраза врз македонските Бугари е клучен не само за билатералните односи, туку и за европската перспектива на земјата. Институциите во РСМ мора со дела да докажат дека не се сочувствуваат со омразата која со децении се всадува кон Бугарија, која резултираше со палење и пукање во културни клубови и насилство врз македонските Бугари и бугарските граѓани, при што сторителите беа откриени и ефективно казнети. Бугарија ќе ги следи активностите на институциите во ПКМ за да се обезбеди животот и здравјето на своите граѓани, кои и покрај системската репресија продолжуваат да го тврдат својот бугарски национален идентитет“.
„Вклучувањето на Бугарите во уставот на ССМ е залог на нејзината европска перспектива, како и вистински ангажман на институциите во искоренувањето на јазикот на омраза кон Бугарија и Бугарите и спроведувањето на билатералниот договор за добрососедство“ стои во објавата.
Денеска Пендиков е пуштен на домашно лекување, а додека престојуваше во софиската болница, тој поднесе документи за бугарско државјанство, покрај македонското.