Регион
Македонија и Црна Гора со поддршка за членството на Косово во УНЕСКО
Македонија и Црна Гора се помеѓу 27-те земји кои во Извршниот совет на УНЕСКО гласаа позитивно по албанската иницијатива за приемот на Косово во оваа организација, пренесуваат српските медиуми.
Извршниот совет на УНЕСКО позади затворени врати во средата донесе одлука на Генералната конференција која ќе се одржи во ноември да предложи прием на Косово во организацијата.
Според исходот од гласањето, 27 земји гласале „за“, 14 биле „против, а исто толку земји биле воздржани во однос на албанската иницијатива. Како што соопшти српскиот министер за надворешни работи Ивица Дачиќ, „за“ гласале: Авганистан, Албанија, Австрија, Белизе, Велика Британија, Габон, Гамбија, Гвинеја, Германија, Доминиканска Република, Ел Салвадор, Естонија, Италија, Кувајт, Македонија, Пакистан, Сент Китс и Невинс, САД, Тајланд, Того, Обединетите Арапски Емирати, Франција, Холандија, Црна Гора, Чешка, Чад и Шведска.
Против се изјасниле Аргентина, Ангола, Бразил, Еквадор, Етиопија, Индија, Кина, Куба, Мароко, Мексико, Намибија, Нигерија, Русија и Шпанија. Шефот на српската дипломатија Дачиќ кон овие земји изразил голема благодарност.
Воздржани, пак, биле исто 14 земји: Алжир, Бангладеш, Египет, Индонезија, Јапонија, Јужна Кореја, Маурициус, Малави, Мозамбик, Мали, Непал, Папуа Нова Гвинеја, Тринидад и Тобаго и Уганда. Надвор од салата во моментот на гласањето биле Тунис, Туркменистан и Уганда.
Дачиќ додал дека од почетокот на гласањето се знаело дека „односот на бројот на земји не оди во полза на Србија“, но нагласил дека пет земји се изјасниле како воздржани, иако го имале признаено Косово (Јапонија, Јужна Кореј, Малави, Египет и Папуа Нова Гвинеја“.
На прашањето како тој ги коментира одлуките на Скопје и Подгорица да гласаат „за“, Дачиќ порачал дека „тие секако се разочарани од нивниот став, но не и изненадени“./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Таткото на осомничениот за убиството на Данка Илиќ го откажал полномошното на адвокатот
Небојша Живановиќ, адвокатот на Радослав Д., таткото на Дејан Д., кој е осомничен за убиството на двегодишното девојче Данка Илиќ, за Танјуг изјави дека неговиот клиент го откажал полномошното.
Радослав Д. е осомничен дека му помогнал на својот син да го премести телото на девојчето од депонијата на засега непозната локација.
Со оглед на тоа што го откажал полномошното на избраниот бранител, сега треба да му се определи бранител по службена должност на Радослав Д.
Биолошкиот брат на осомничениот Дејан Д., Далибор Д., почина на 7 април во Полициската станица во Бор, каде беше осомничен дека му помогнал на својот брат да го скрие телото на двегодишното девојче.
Двегодишната Данка Илиќ исчезна на 26 март во Бањско поле кај Бор, а полицијата по 10-дневна потрага и детални проверки и информации ги уапси Срѓан Ј. и Драган Д. од Бор, кои се осомничени дека го удриле девојчето со автомобил, а потоа нејзиното тело го ставиле во багажникот на автомобилот и го однеле на депонија.
Телото на девојчето се уште не е пронајдено.
Регион
Никола Роквиќ тргна пеш на пат долг 1.150 километри на хумана мисија
Никола Роквиќ пеш тргна кон Грција и треба да помине 1.150 километри, а сето тоа во хуманитарна мисија.
Тој и неговата сопруга Бојана неодамна ја основаа „Фондација за семејство“, а за да им помогне на оние на кои им е потребна помош, реши да направи неверојатен чекор достоен за восхит.
Треба да стигне до Егина, каде што ќе се поклони на Свети Нектариј Егински. Пред заминувањето тој со семејството ја посети црквата Свети Сава каде се помоли.
„По овој пат решив да тргнам од љубов кон луѓето и се надевам дека ќе биде за радост на многумина, се надевам дека ќе биде за радост на многумина, се надевам дека ќе биде за помош на многумина. Првенствено да помогнам на многу семејства, на многу деца, но најважно да им помогнам на болните деца, поради што во голема мера го започнав ова патување. Започнавме фондација која ќе му помага на семејството, која ќе помага на талентирани деца, на многудетно семејство, но и на болни деца“, изјави Никола во храмот Свети Сава за „Телеграф“.
Никола последниве месеци се подготвуваше за овој потфат со големи планинарски тури.
Регион
Европскиот парламент одобри визна либерализација за Србите од Косово
Европскиот парламент денеска одобри визна либерализација за имателите на српски пасоши од Косово, кои ги издава Координативната управа на Србија на предлог на европратеникот и известувач за укинување на тие визи, Матјаж Немец.
За извештајот на Немец гласале 406 од 597 европратеници, 97 биле против, а 94 биле воздржани.
По гласањето во ЕП, последниот збор за овој предлог треба да го дадат министрите на Советот на ЕУ.
Претходно овој месец, амбасадорите на земјите членки на ЕУ се согласија со предлогот на ЕП и Советот на ЕУ за измена на регулативата за иматели на српски пасоши издадена од Координативната управа на Србија, со која се доделува визна либерализација на носителите на овие пасоши, пишува српската новинска агенција „Танјуг“.
Претходно, Комитетот за граѓански слободи, правда и внатрешни работи на ЕП на 9 април го усвои нацрт-извештајот за визна либерализација.
Целиот Западен Балкан ќе има ист визен режим за патување во ЕУ
Оваа одлука гарантира целиот регион на Западен Балкан да има ист визен режим за патување во ЕУ, објави тогаш ЕП.
Постои можност одлуката за визна либерализација за имателите на српски пасоши во Косово да почне да се применува до почетокот на летото.
Србите од Косово се единствените од Балканот на кои им е потребна виза за ЕУ
Србите од Косово и Метохија, кои поседуваат пасоши издадени од Координативната управа, која функционира во рамките на Министерството за внатрешни работи на Србија, се единствените на кои им е потребна виза за влез во земјите на ЕУ откога од 1 јануари годинава беа укинати визите за граѓаните на Косово.
Во ноември 2023 година Европската комисија предложи да почне постапка за вклучување на граѓаните на Косово, кои имаат пасоши издадени од Координативната управа на Србија, преку визна либерализација.