Регион
Медиуми: Навредениот Ердоган порано се враќа од Луисвил
Турскиот претседател Реџеп Тајип Ердоган, кој требаше да присуствува на погребот на боксерската легенда Мохамед Али во американската сојузна држава Кeнтаки, одлучил да ја скрати посетата на Луисвил, навреден од дочекот на организаторите, известуваат турските медиуми.
Според написот на интернет изданието на дневниот весник Hurriyet Daily News, организаторите на погребот на Мохамед Али, церемонијата „џеназа“ во четвртокот се одвиваше според муслиманските обичаи, одбиле да му дозволат на турскиот претседател Реџеп Тајип Ердоган да одржи говор во текот на самата погребна церемонијата во петокот.
Ердоган, според извори од неговото окружување, особено бил навреден од тоа што му било кажано дека нема да може на сандакот на славниот боксер да положи парче црна ткаенина украсена со стихови од светата муслиманска книга Коран.
Но според други извори, Ердоган и претседателот на Дијанетот Мехмет Гормез биле одбиени во барањето за читање на делови од Куранот додека трае погребот.
Инаку, Мухамед Али и неговото семејство го планирале неговиот погреб десет години, за да се осигурат дека ќе биде испочитувана неговата муслиманска вера, но и дека погребот истовремено ќе биде прилагоден на барањата на западната култура, пренесе претходно Reuters.
Турскиот претседател, во друштво на зетот Берат Албајрак, кој е министер за енергетика, присуствуваше во четвртокот на традиционалното бдеење и потоа ненадејно решил да го скрати престојот кој првично бил предвиден до петокот навечер по турско време.
Покрај тоа, телохранителите на турскиот претседател Ердоган и припадниците на американската тајна служба влегле во вербален конфликт наводно поради распоредот при заминувањето на Ердоган, објави новинската агенција Dogan.
Медиумите пишуваат и дека уште пред пристигнувањето во САД, организаторите го отстраниле името на турскиот претседател од листата говорници со образложение дека нема да има доволно време./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Братот на осомничениот за убиството на малата Данка починал од насилство, а не од природна смрт, пишуваат медиуми
Д.Д.(40), брат на еден од осомничените за исчезнувањето и смртта на двегодишното девојче Д.И., починал од насилна смрт на 7 април во раните утрински часови во полициската станица во Бор, констатирано е од стручното мислење на Институтот за судска медицина во Белград, објави Радар.
Во судско-медицинскиот извештај на телото на Д.Д биле констатирани бројни повреди, поради што вештаците констатирале дека се работи за насилна смрт. Наодите на вештачењето се проследени до надлежното Вишо јавно обвинителство Заечар за понатамошно постапување, пишува Радар.
Осомничениот Д.Д од Бор, во саботата на 6 април, во полициската станица во Бор бил задржан до 48 часа поради постоење основи на сомнение дека по извршеното кривично дело му помогнал на својот десетгодишен брат, кој е осомничен за убиството на двегодишната Данка Илиќ.
Истата вечер, три часа по полноќ, полицијата соопшти дека од „природна смрт“ починал Д.Д. Во соопштението на полицијата од 7 април, се наведува дека на осомничениот му се „слошило“ во раните утрински часови и дека „и покрај навремената реакција на полициските службеници и лекарите од Здравствениот дом во Бор, кои се обиделе да извршат реанимација, Д.Д. починал во 3 часот и 10 минути“.
Вештачењето на Институтот за судска медицина во Белград, пак, покажа дека Д.Д. не починал од природна смрт, но од последиците од тепањето, чии траги беа јасно видливи и детално опишани во вештачењето.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.