Регион
Медиуми: Следбениците на Ѓулен планирале атентат на Ердоган уште во 2012
Следбениците на исламскиот проповедник Фетулах Ѓулен, кој живее во егзил во САД а Анкара го обвинува за неуспешниот обид за воен преврат од средината на јули, се обиделе да го убијат турскиот претседател Реџеп Тајип Ердоган уште во 2012 година за време на хируршка операција, пишува весникот Yeni Safak.
Весникот се повикува на Хусеин Саричичек, кој учествувал во истрагата и предал во обвинителство повеќе од 200 тајни документи за големиот корупциски скандал во 2013 година, за кој исто така беше обвинета „паралелната структура“, како што официјална Анкара ја именува структурата на следбениците на поранешниот имам Фетулах Ѓулен притаени во правосудството, образованието, полицијата, војската и медиумите. Сраичичек раскажал дека слушал разговор меѓу двајца поддржувачи на Ѓулен, кои зборувале за неуспешен обид да се убие тогашниот турски премиер Реџеп Тајип Ердоган.
„Меѓу другото, јас видев како Неџед Ичел (еден од следбениците на Ѓулен) се дереше на полициски комесар и го нападна во градина: ‘Камо можело да не се јави на операцијата? До Бога, кој го предупредил? Како успеал да ѝ избега на смртта?“, го цитира весникот искажувањето на Саричичек.
Според него, Ердоган во последен момент ја откажал операцијата .
Кон средината на декември 2013 година турската полициска спроведе голема операција во борба против корупцијата, во која беа уапсени десетици бизнисмени, високи функционери и министри и членови на нивните семејства под сомневање за местење на тендери, злоупотреби на службените овластувања и корупција.
Турските власти и тогаш и по неуспешниот преврат од ноќта од 15-ти кон 16-ти јули го обвинија Ѓулен и неговото движење „Хизмет“ за обид за уривање на владата. Анкара бара од САД да ѝ биде предаден Ѓулен, кој самиот го осуди обидот за пуч и отфрла свое учество во него./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Државниот хрватски инспекторат повлече KitKat чоколада од продажба
Државниот хрватски инспекторат го повлече од пазарот производот Nestle KIT KAT Mini Waffle поради присуство на минерални масла, извести Хрватската агенција за земјоделство и храна, пренесе Индекс.хр.
Како што објаснуваат во соопштението, станува збор само за Nestle KIT KAT Mini 200 грама во кесичка (производ од вафли прелиен со млечно чоколадо), серија 40580734, со рок на употреба 01.2025 година.
Производител е Nestle Deutschland AG, Франкфурт, Германија, а производот е пласиран на пазарот од Nestle Adriatic d.o.o., Загреб, Хрватска.
Регион
Потрагата по Данка Илиќ продолжува трет ден, се проверуваат телефоните на родителите
И покрај прекинатата теренска потрага по Данка во Бањско Поле и околината, полицијата продолжува со интензивна оперативна работа за утврдување сите факти и околности поврзани со исчезнувањето на детето.
Потрагата по исчезнатото двегодишно девојче Данка Илиќ од Бањско Поље кај Бор продолжува трет ден, а полицијата ќе ги проверува базните станици и ќе ги прегледа мобилните телефони на родителите за да потврди со кого биле во контакт во периодот кога девојчето исчезнало.
Продолжувањето на потрагата ќе се изврши оперативно откога е утврдено дека девојчето не е на 10 квадратни километри од местото на исчезнувањето.
Полицијата ќе ги испрашува и луѓето што биле во близина непосредно пред или по исчезнувањето на девојчето со цел да се утврдат детали, кои можеби биле пропуштени во текот на истрагата, која е во тек.
Исчезнувањето на двегодишното девојче првпат го активира системот „Најди ме“ во Србија, кој е наменет за итно известување на јавноста во случај на исчезнување малолетно лице.
Данка Илиќ (2) има кафеава коса, кафеави очи и е висока околу 85 сантиметри. На денот на исчезнувањето носела виолетови панталони и јакна во маслинесто-зелена боја.
Регион
„Се плашам дека е киднапирана“, рече дедото на исчезнатото девојче Данка
Дедото на исчезнатото девојче Данка Илиќ (2), кое пред повеќе од 27 часа беше изгубено во приградската населба Бањско поле во околината на Бор, за телевизија Блиц изјави дека „низ главата му поминува можноста детето да е киднапирано“.
„Се уште се надевам дека е жива, но неверојатно е никој да не може да ја најде меѓу толку луѓе. Само една опција ми паѓа на ум, дека е киднапирана. Но, не можам да тврдам. Жандармерија, дронови, хеликоптери, цела Србија беше тука и сите ја бараа. Луѓето беа на еден метар еден од друг и никој не може да ја најде“, изјави Милан Илиќ.
Тој рече и дека го плаши фактот што бугарската граница е блиску.
„До бугарската граница преку новиот пат се стигнува за 45 минути, најмногу еден час. Не е точно дека се потребни пет часа, како што кажа некој утринава на телевизија. Кладово е веќе многу подалеку, оддалечено е 150 километри, но Бугарија е многу блиску“, рече тој.