Регион
Медиуми: Турското обвинителство побарало од САД привремено апсење на Ѓулен
Генералното обвинителство на Истанбул има подготвено барање до американските власти за привремено притворање на исламскиот проповедник Фетулах Ѓулен, соопшти телевизијата CNN Türk.
Ова барање наскоро ќе биде испратено до американското министерство за правда преку турското министерство. Во текстот од писмото се наведува дека на некогашниот имам Фетулах Ѓулен во отсуство „му се суди во Турција за обид за смена на владата, атентат врз претседателот на државата, распуштање на парламентот и попречување на неговите активности, обид за нарушување на уставниот поредок“, како и голем број други кривични дела кои се однесуваат на нанесување штета на владин имот и организирање убиства.
Во согласност со билатералниот договор кои се однесува на прашања за реадмисија и помош во истрагите, Турција побарала од САД „времено да биде притворени Ѓулен пред да биде испратено барањето за негова екстрадиција“. Привремениот притвор е меѓународна полициска практика како превентивна мерка, којашто може да ја побара земјата иницијатор на екстрадиција пред фактичкото барање и регулирање на формалностите за предавање на осомниченото лице.
Претходно во петокот исламскиот проповедник кој од 1999 година живее во доброволен егзил во американската сојузна држава Пенсилванија, Фетулах Ѓулен, кого властите во Анкара го обвинуваат за поттикнување на неуспешниот воен преврат од ноќта од 15-ти кон 16-ти јули, во текстот објавен во францускиот дневен весник Le Monde пишува дека бара „меѓународна истрага“ за обидот за пуч, ветувајќи „целосна соработка“.
„Им упатувам апел на турските власти и ветувам целоста соработка. Барам независна меѓународна комисија да ја спроведе истрагата за обидот за државен удар“, пишува во францускиот дневен весник Фетулах Ѓулен.
Според турските власти, која од САД бараат да им биде предаден Ѓулен, овој исламски проповедник бил осмислувачот на неуспешниот воен удар во кој се убиени 273 цивили, не сметајќи ги стотината загинати пучисти, а повеќе од две илјади беа ранети.
Поранешниот имам и во почетокот голем политички сојузник на турскиот претседател Реџеп Тајип Ердоган, со кој од пред неколку години влегоа во жесток судир, и натаму негира каква и да е своја вмешаност во пучот кој го нарекува „најлош терористички чин“ сторен на турска почва.
„Доколку десетиците обвиненија против мене се покажат основани, ветувам дека ќе се вратам во Турција и ќе се согласам на најтешката казна“, се истакнува во текстот на Ѓулен.
„Меѓутоа, доколку војниците за коишто се тврди дека се приврзаници на Хизмет (движењето на следбениците на Ѓулен – з.р.) се вмешани во овој заговор, го велам тоа без најмала грижа на совеста…, станува збор за престапници кои го доведоа во опасност единството и интегритетот на земјата, лица коишто го предале мојот идеал. Господ нека ги казни“, пишува Ѓулен и додава дека „целиот живот се борам против воените интервенции“./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Двегодишното девојче кое исчезна во Србија се бара насекаде, полицијата врши распити на голем број лица
Потрагата по девојчето Данка Илиќ (2), кое во вторникот исчезна во Бањско поле во Бор, се уште трае и не се знае како е можно девојчето да се изгуби. Полицијата ја проверува секоја информација што ќе дојде до нив, сослушани се неколку лица, повторно се разговараше со родителите, но ниту една информација не укажува на тоа што се случило и каде е Данка, пишува „Нова.рс“
Екипата на порталот денеска беше во Бањско поле каде се уште има голем број полицајци. Властите со багер го чистеа теренот околу куќата во која последен пат била видена Данка. Исто така, на имотот е извршено ископување, а јамите повторно се пребаруваат.
Полицијата ја истражува секоја трага што може да укаже на тоа што се случило со девојчето.
„Полицијата разговараше со голем број луѓе, соседи, познаници, се со цел да ја пронајде Данка. Досега ниту една трага не довела до тоа каде е девојчето или што и се случило“, вели изворот на Нова.рс.
Истрагата се одвива во повеќе правци, а денеска полицијата повторно разговараше со родителите на девојчето.
„На вториот ден од нејзиното исчезнување, родителите на девојчето биле во полиција до доцна во ноќта. Тие утрово биле повторно повикани, а исто така цел ден поминале во полициска станица. Не се познати околностите врз основа на кои два дена биле на распит. Извесно е дека родителите вчера имале разговори и со Центарот за социјална работа, а повеќе од тоа не се знае“, додава изворот на „Нова.рс“.
Неофицијално беше објавено и дека полицијата нашла нова трага, односно дупка на местото на кое исчезна девојчето, и дека целото внимание го насочува кон тоа.
Она што е сигурно е дека се проверуваат сите околности и се сослушуваат и сите лица кои можеби имаат сознанија за случајот.
Меѓу нив е и кој бил зад воланот на автомобилот „пунто“ што го снимиле надзорните камери на куќата во Бањско Поље, во моментот на исчезнувањето на малата Данка. Куќата пред која е снимен автомобилот се наоѓа на стотина метри од местото каде исчезна Данка.
На снимката се гледа автомобил кој брза околу 13 часот и 47 минути, а малото девојче исчезнало малку пред тоа, околу 13 часот и 45 минути, како што вели нејзината мајка.
„Ја знам таа жена, ја видов како носи две деца во парк, страшно е што се случи“, велат соседите.
Девојчето Данка Илиќ исчезна во вторникот во Бањско Поље кај Бор. Во средата по 27 часот полицијата ја прекина потрагата и започна друг вид на акција за пронаоѓање на детето. Во ова мало место кај Бор се уште остана одреден број полицајци, а вчера беше блокиран и пристапот до куќата.
Во потрагата по исчезнатото дете се вклучени припадници на Жандармеријата, пожарникари, планинска спасувачка служба, како и голем број доброволци.
Регион
„Само се шалевме“ – уапсените поради тврдењата за исчезнатото девојче се донесени во полиција
Тројцата кои беа уапсени во Босна и Хервеговина, а тврдеа дека имаат информации за исчезнатото девојче од Србија, Данка Илиќ и бараа пари, во полиција рекле дека „само се шегувале“, пренесува Н1 Сараево.
Федералната полициска управа вечерва уапси три лица кои на социјалните мрежи тврдеа дека имаат информации за исчезнувањето на двегодишното девојче од Србија, Данка Илиќ, по коешто трага речиси целиот регион.
Како што јави известувачот на Н1, уапсените биле донесени во зградата на Федералната полициска управа.
Како што се дознава, за време на преносот во живо на „Тик-ток“, тие побарале десетици евра за да ја откријат локацијата на девојчето и тврделе дека ја чуваат во подрумот.
Веднаш по апсењето изјавиле дека „само се шегувале“. Сите уапсени се членови на исто семејство.
Инспекторите на Одделот за компјутерски криминал на Федералната полициска управа преку ИП адресата ги лоцираше лицата кои тврделе дека имаат информации за исчезнувањето на детето.
Вчера на социјалните мрежи се појави видео од надзорната камера на куќа лоцирана во близина на местото каде исчезна Данка Илиќ во 13:45 часот.
На видеото се гледа автомобил кој брза во 13 часот и 47 минути, а малото девојче исчезнало малку пред тоа, односно во 13 часот и 45 минути, како што рекла нејзината мајка.
Регион
Барале 25.000 евра за да дадат информации за исчезнатото девојче: детали за апсењето на три лица во БиХ
Припадниците на полицијата привеле три лица, кои се осомничени дека преку ТикТок објавиле дека се поврзани со исчезнувањето на девојчето Данка Илиќ (2) во Србија.
„Федералната полициска управа, постапувајќи според актот на НЦБ Интерпол Белград, презеде мерки и дејствија од нејзина надлежност, што резултираше со лишување од слобода на три лица на територијата на Хаџиќ, Сараево“, беше потврдено и кои се сомничат дека имале сознанија за исчезнување на малолетно девојче од Србија.
Инспекторите на Одделот за компјутерски криминал на Федералната полициска управа, ги лоцирале по пат на ИП адреса лицата кои тврделе дека имаат информации за исчезнувањето на малолетно девојче, односно барале 25.000 евра за откривање информации.
„Малолетното девојче не е пронајдено на територијата на Хаџиќ, а кривичната истрага за лицата лишени од слобода е во тек“, изјави сојузниот инспектор Ервин Мушиновиќ.
Девојчето Данка Илиќ (2) во вторникот исчезна во Бањско поле кај Бор.
Оттогаш, потрагата по неа трае, а во Србија за прв пат е активиран системот амбер алерт.