Регион
Мигрантите на Киос ја пробија оградата и излегоа од кампот
Стотици мигранти и бегалци на грчкиот остров Киос ја пробија во петокот бодликавата жива околу бегалскиот центар и во знак на протест тргнале кон пристаништето, пренесуваат медиуми.
Според договорот меѓу Европската унија и Турција, мигрантите коишто ќе пристигнат во Грција по 20-ти март ќе бидат задржани во центрите за прифаќање на пет грчки острови во Егејското море, и тоа Киос, Самос, Лезбос, Кос и Лерос, ќе бидат вратени во Турција доколку им биде одбиено барањето за азил.
Процесот на враќањето на мигрантите и бегалците треба да започне на 4-ти април, иако се оценува дека ниту Грција ниту Турција не се сосема подготвени, а неизвесно е и колку луѓе ќе бидат вратени и како ќе нивните барања ќе се процесуираат.
Околу 1.500 мигранти и бегалци кои пристигнале на Киос до 20-ти март до петокот утрото биле сместени во кампот.
Според видеоснимките објавени на грчките портали, се гледа како десетици бегалци и мигранти, меѓу кои има многу жени и деца, со своите работи пеш одат до пристаништето.
Според портпаролот на островската полиција, од центарот излегле околу 300 лица, и додаде дека полицијата ја надгледува ситуацијата. „Велат дека не сакаат назад во Турција, како и дека ставуваат за својата безбедност по вчерашните судири“, вели.
Пред договорот ЕУ – Турција, оние кои пристигнуваа на островот можеа слободно да го напуштат центарот и со траект да пристигнат до грчкото копно, а потоа преку ткн балканска рута го продолжуваат патешествието до западна Европа./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Регион
Убиен работник од Украина во Славонски Брод
Во центарот на Славонски Брод во попладневните часови е пронајдено машко тело.
Полициската управа Брод-Посавина соопшти дека е приведено едно лице поврзано со инцидентот.
Се работи за млад градежен работник од Украина. Конфликт се случил во стан во центарот на градот каде што биле сместени работниците (родени во 90-тите).
Полицијата соопшти дека телото на мажот е пронајдено во куќата околу 15:17 часот и дека се води истрага, а потоа и кривична истрага која треба да ги расветли сите околности.
Регион
Таткото на осомничениот за убиството на Данка Илиќ го откажал полномошното на адвокатот
Небојша Живановиќ, адвокатот на Радослав Д., таткото на Дејан Д., кој е осомничен за убиството на двегодишното девојче Данка Илиќ, за Танјуг изјави дека неговиот клиент го откажал полномошното.
Радослав Д. е осомничен дека му помогнал на својот син да го премести телото на девојчето од депонијата на засега непозната локација.
Со оглед на тоа што го откажал полномошното на избраниот бранител, сега треба да му се определи бранител по службена должност на Радослав Д.
Биолошкиот брат на осомничениот Дејан Д., Далибор Д., почина на 7 април во Полициската станица во Бор, каде беше осомничен дека му помогнал на својот брат да го скрие телото на двегодишното девојче.
Двегодишната Данка Илиќ исчезна на 26 март во Бањско поле кај Бор, а полицијата по 10-дневна потрага и детални проверки и информации ги уапси Срѓан Ј. и Драган Д. од Бор, кои се осомничени дека го удриле девојчето со автомобил, а потоа нејзиното тело го ставиле во багажникот на автомобилот и го однеле на депонија.
Телото на девојчето се уште не е пронајдено.