Регион
Милановиќ поради Шешељ нема да го посети Белград
Хрватскиот премиер Зоран Милановиќ, незадоволен од односот на српските власти кон Воислав Шешељ, нема да присуствува на претстојниот самит во Белград, пишува хрватски Jutarnji list.
Повикувајќи се на неофицијални извори, весникот пишува дека наместо хрватскиот премиер, во Белград на состанокот на шефовите на владите на Централна и Источна Европа со Кина ќе допатува хрватскиот министер за поморска трговија и инфраструктура Хајдаш Дончиќ, „чија посета во Србија нема да има никаков политички призвук“.
Милановиќ во скоро време нема да се состане нити со српскиот премиер Александар Вучиќ, потврдил за Jutarnji list неименуван извор од хрватската влада.
Тоа значи дека Милановиќ посредно ја отфрлил и идејата на претставникот на српскиот народ во Хрватска, Милорад Пуповац од Самостојната демократска српска партија, кој предложил состанок на Милановиќ и Вучиќ, на кој и двајцата лидери би се обиделе да ги намалат сегашните меѓудржавни тензии.
Хрватските власти сметаат дека Вучиќ и српските власти не реагирале соодветно на изјавите на Шешељ и дека додека не го направат тоа нема да има нити средби на високо ниво.
Загреб од српскиот премиер Вучиќ сака да слушне дека сегашната власт во Србија на никаков начин не ги поддржува изјавите на Шешељ.
Милановиќ последен пат го посети Белград во јануари 2013 година, а три месеци подоцна Вучиќ беше во посета на Загреб, каде се сретна со неговиот хрватски колега, потоа со шефицата на хрватската дипломатија Весна Пусиќ и со хрватскиот претседател Иво Јосиповиќ.
Вучиќ во четвртокот, откако Европскиот парламент ја усвои резолуцијата со која се осудуваат Србија, Хашкиот трибунал и Воислав Шешељ, изјави дека тоа му делува како влегување во предизборна кампања, потенцирајќи дека „Србија е подобар пријател на Хрватска, отколку Хрватска на Србија“.
Европскиот парламент во четвртокот ја усвои резолуцијата за лидерот на Српската радикална партија, Воислав Шешељ во која се критикуваат неговите изјави, потоа Србија, како и Хашкиот трибунал, кого го повикаа да ги преиспита условите за привременото ослободување на Шешељ./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Милорад Додик: Република Српска е под постојани санкции предводени од САД
Република Српска е под постојани санкции предводени од САД, изјави на Меѓународниот состанок на високите претставници задолжени за безбедносни прашања во Санкт Петербург, претседателот на Српска Милорад Додик.
Во својот говор Додик укажа на глобалниот проблем поради политички мотивирани санкции.
„Република Српска е директно изложена на овој вид ризик и е под постојани санкции предводени од САД. Ние правиме се што можеме за да ја заштитиме “, рече Додик, кој беше првиот што зборуваше на Состанокот за безбедност како дел од првата пленарна сесија „Обезбедување информациска безбедност во услови на формирање на полицентричен светски поредок: предизвици и можности“.
Регион
Девојка што исчезна во март во Србија е пронајдена
Тијана Симиќ, која била пријавена за исчезната на 13 март оваа година, и последен пат била видена на Карабурма во Белград, е пронајдена повеќе од еден месец од нејзиното исчезнување.
Засега не се познати детали, а среќните вести ги објави нејзината сестра на „Твитер“.
„Тијана ја пронајдовме, ви благодарам на сите за помошта“, напиша таа.
Tijanu smo pronašli, hvala puno svima na pomoći ♥️
— fifo (@sofoklee) April 24, 2024
Семејството на Тијана молеше за помош или било каква информација за неа, и после повеќе од еден месец е пронајдена.
Регион
Во БиХ уапсени 14 шверцери, превезувале мигранти во Хрватска, заработиле 3 милиони евра
Припадниците на Граничната полиција на Босна и Херцеговина уапсија 14 лица под сомнение дека организирале мрежа на криумчари на илегални мигранти преку границата со Хрватска. Акцијата под кодното име „Пирамида“ координирана од Обвинителството на БиХ беше спроведена на 16 различни локации низ земјата.
Како што беше утврдено во досегашната истрага, уапсените организирале илегално преминување на границата на најмалку 600 лица, од кои стотина се деца.
„Според прелиминарните податоци, оваа меѓународна организирана криминална група во изминатите шест месеци остварила финансиска корист од повеќе од шест милиони конвертибилни марки (три милиони евра)“, се вели во полициското соопштение.
Разбивањето на оваа мрежа на трговци со луѓе беше спроведено заедно со Управата за криминалистичка полиција на МВР на Република Хрватска и Европол и со учество на припадници на Агенцијата за разузнавање и безбедност на Босна и Херцеговина (ОСА).
Граничната полиција на БиХ наведува дека продолжува да презема мерки за спречување на шверцот на луѓе, особено против организираните криминални групи. Потсетуваат дека во првите три месеци од годинава полициски службеници и граничари до обвинителството поднеле 83 пријави против 177 лица поради постоење основи на сомнение дека сториле 110 кривични дела криумчарење луѓе.