Регион
Милион евра мито во аферата Microsoft во Романија
Неколку романски поранешни министри и деловни луѓе осомничени се дека промиле милиони евра мито до дистрибутерот на софтверот на „Microsoft“, според податоците на истрагата којашто ја спроведоа властите во Букурешт, пишуваат во средата локалните медиуми.
Неколку романски поранешни министри и деловни луѓе осомничени се дека промиле милиони евра мито до дистрибутерот на софтверот на „Microsoft“, според податоците на истрагата којашто ја спроведоа властите во Букурешт, пишуваат во средата локалните медиуми.
Девет поранешни министри на Романија се осомничени во споменатата афера, од антикорупциското обвинителство DNA, која во петокот официјално го побара укинувањето на нивниот имунитет за да можат да бидат кривично гонети. Обвинети се за продажба на своето влијание, корупција и за перење пари.
Истрагата на DNA се однесува на договорот за укинување на лиценцата на американската компанија „Microsoft“, којашто во 2004 година го склучи владата на Романија со „Fujitsu Siemens Computers“, компанија којашто тогаш се претставувала како единствен дистрибутер на тие производи.
Сведоците цитирани во извештајот на обвинителите кој е препратен до парламентот детално го изнесуваат движењето на повеќе десетици милиони долари или евра мито исплатени на членовите на владата од 2001 до 2012 година и на деловни луѓе, коишто биле посредници во таа афера.
Министерот за комуникации меѓу 2008 и 2010 година, Габриел Санду, така, примил мито од три милиона евра и барал дополнителни 1,8 милион евра за фаворизирање на две компании. Двајца бизнисмени, Дорин Цоцос и Георге Стефан добиле 13 милиони евра вкупно во 2009 година за интервенцијата кај демократско-либералниот премие Емил Бок и два негови министра во полза на тие компании.
Една од сведоците го наведува името на сегашниот социјалдемократски премиер Виктор Понта кој во 2004 година во својство на шеф на владиното надзорно тело и’ олеснил на „„Fujitsu Siemens Computers“ да склучи договор со министерството за образование. „ Во замена за таа поддршка, ’Fujitsu Siemens Computers’, го снабди со компјутери седиштето на Социјалдемократската младина“, на којашто Понта во тој период бил претседател, тврди сведокот ненаведувајќи дали Понта интервенирал или не во позла на таа компанија. Понта се бранеше од секаква вмешаност во таа афера изразувајќи ја подготвеноста да одговори на прашање на обвинителите доколку биде повикан./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Полицаец од Бор е приведен поради давање информации за исчезнувањето на девојчето
Полицаец од Бор е приведен поради давање информации од истрагата за исчезнувањето на девојчето Данка Илиќ (2).
Не се знае за какви информации станува збор и кому полицаецот ги дал, но се работи за информации од истрагата кои евентуално би можеле да ја загрозат.
Се уште трае потрагата по двегодишното девојче Данка Илиќ од околината на Бор, чие исчезнување беше пријавено во вторникот.
Се претресуваат куќи и населба, се расчистува дворот.
Две специјалистички екипи за спасување од урнатините од Белград и Нови Сад започнаа детално пребарување на просторот околу куќата, соопшти полицијата.
Регион
Детаљно пребарани тунелите, каналите и шахтите, нема траги од Данка: се огласија српските полицајци
Специјалистички екипи за спасување од урнатини на Секторот за вонредни состојби од Белград и Нови Сад заедно со други припадници на МВР од раните утрински часови темелно ги пребаруваа тунелите, подземните канали и шахтите со вкупна должина од 4,5 километри во месноста Бањско Поле до градот Бор и не се пронајдени траги што би укажувале дека таму била двегодишната Данка Илиќ, пренесуваат српските медиуми.
По повеќе од 70 часа детаљно пребарување на теренот во Бањско Поле, припадниците на Министерството за внатрешни работи продолжуваат со интензивно и оперативно пронаоѓање на девојчето и утврдување сите факти и околности за исчезнувањето на детето, според последните извештаи.
Медиумите потсетуваат, од моментот на пријавување на исчезнувањето на 26 март во потрагата по исчезнатото девојче учествуваа стотина припадници на МВР, кои темелно и сеопфатно го прегледаа поширокиот и потесниот простор на ова место со вкупна површина од 10-ина квадратни километри.
Регион
Завршено вештачењето на мобилниот телефон на мајката на Данка, биле бришени пораки и повици, објавија српските медиуми
Мобилниот телефон на мајката на Данка Илиќ бил испратен на вештачење по исчезнувањето на девојчето. Неофицијалните податоци говорат дека мајката избришала многу пораки и повици ден пред и на денот на исчезнувањето на Данка, објави српски „Блиц“.
Според неофицијални сознанија од истрагата, вештачењето на мобилниот телефон на Ивана Илиќ покажало дека се избришани многу пораки и податоци за повици, пишува српски „Информер“.
„На ден пред исчезнувањето и на денот на исчезнувањето на Данка Илиќ многу пораки и повици се избришани од телефонот. Ова го утврдиле инспекторите за високотехнолошки криминал. Пораките и повиците може да се избришат од телефонот, но да останат во базата на податоци“, рекол изворот.
Како што се дознава, пред исчезнувањето на Данка Илиќ мајката трипати го фотографирала детето од разни агли.
Да потсетиме, мајката на Данка Илиќ, Ивана, денеска повторно е во полициската станица во Бор, каде што е на распит за околностите на својата исчезната ќерка. Таткото помина на полиграфското тестирање.