Регион
Млада жена се самозапали пред кабинетот на бугарскиот претседател
Една 38-годишна жена во понеделникот попладнето се самозапали пред објектот во кој е сместен кабинетот на бугарскиот претседател во центарот на Софија, објави министерството за внатрешни работи што потсетува на неколкуте слични драми во најсиромашната членка на Европската унија од 2013 година.
Една 38-годишна жена во понеделникот попладнето се самозапали пред објектот во кој е сместен кабинетот на бугарскиот претседател во центарот на Софија, објави министерството за внатрешни работи што потсетува на неколкуте слични драми во најсиромашната членка на Европската унија од 2013 година.
Несреќната жена има 90 отсто изгореници, и е во крајно критична состојба но е жива, соопшти началникот на Одделот за изгореници и пластична хирургија во болницата „Пирогов“, Огнјан Хаџијски за бугарските медиуми.Мотивите на жената идентификувана како Лидија Петрова која 15-години се занимавала со фотографија и работела за неколку медиуми, сé уште не се познати, но според првичните информации имала психички проблеми, а според нејзиниот сопруг изјавил дека имала страв за иднината на 10-годишниот син. Уште во понеделникот на Facebook таа ставила постови во кои не се насетува трагедијата.Сепак несреќата потсетува на протестите во Бугарија во периодот меѓу февруари и мај 2013 година кога во екот на протестите против корупцијата меѓу политичките елити и растот на животните трошоци кога шест лица си ги одзедоа животите, исто така, со самозапалување.Во Бугарија просечната плата изнесува 400 евра, и едно од пет семејства живее под прагот на сиромаштијата. Според една неодамнешна анкета, 69 отсто од населението ја оценуваат состојбата на нивната нација како „неподнослива“. Протестите ја бутнаа владата на Бојко Борисов, но по година ипол нестабилност, тој повторно победи на вонредните парламентарни избори на 5-ти октомври и се подготвува да управува со земјата со малцинска коалиција. /крај/мф/сн
Извор: (ФОТО:БГНЕС)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.
Регион
Словенечката опозиција бара истрага за случаите со крадење бебиња во Југославија: „Можеби се продадени повеќе од 20.000 деца“
Опозициските партии во Словенија поднесоа барање за парламентарна истрага за потенцијалното учество и одговорност на јавните службеници во случаите на кражба на деца во таа земја во периодот од 1965 до 1991 година, изјави денеска пратеничката на Словенечката демократска партија (СДС) Аленка Јерај.
„Во таканаречената трговија со бебиња, којашто се случуваше воглавно во 70те и 80те години во поранешна Југославија, повеќе од 20.000 деца можеби се продадени“, рече Јерај и додаде дека се соработува со српските друштва за овие случаи, пренесе СТА.
Овој проблем минатата година словенечкото здружение на родители на украдени деца го презентираше до собраниската Комисија за претставки, човекови права и еднакви можности со пропратна документација, а министерката за внатрешни работи Татјана Бобнар тогаш вети дека надлежните служби ќе направат се во нивната моќ.
Јерај изјави дека надлежните не презеле ништо, наведувајќи дека медицинскиот персонал инволвиран во неколку случаи на кражба на бебиња не бил вклучен во полициската истрага, а полицијата не ја презела документацијата од здружението на родители.
Словенечкиот премиер Роберт Голоб претходно оваа недела истакна дека 45 од 59 случаи на сомнителни кражби на бебиња се веќе затворени.