Регион
Могерини: Трагедијата во Сребреница ја испиша најцрната страница на неодамнешната европска историја
Трагедијата во Сребреница ја испиша најцрната страница во неодамнешната историја на Европа и тоа злосторство повика на одлучна одлука за нешто слично никогаш повеќе да се повтори, а за ова е потребно да се зачува единството на Европската унија (ЕУ), порачала високата претставничка на ЕУ за надворешна политика и безбедност, Федерика Могерини во обраќање по повод 20-годишнината од геноцидот во кој беа убиени повеќе од осум илјади Бошњаци.
„Времето и зборовите не можат да ја ублажат болката на мајките кои дури не можеа нити да ги погребаат своите деца. Но времето и зборовите денес можат сите нас да не потсетат што Европа е и што таа треба да биде“, изјавила Могерини во порака, објавена во саботата од страна на делегацијата на ЕУ во Босна и Херцеговина (БиХ).
Могерини истакнала дека во Сребреница, Европа се соочува со својот срам бидејќи таму ги изневерила ветувањата на нејзините основачи и соновите на нивните внуци дека никогаш повеќе нема да има војна во Европа, дека повеќе нема да има убивања поради раси или нации и дека повеќе нема да има геноцид.
„Сребреница е повик на акција. А таа акција значи ова никогаш повеќе да не се повтори“, изјавила Могерини, која морала да го откаже доаѓањето во Сребреница поради продолжувањето на преговорите со Иран околу нуклеарната програма.
Таа предупредила дека Сребреница е и потсетник дека поделбата на европските народи на „ние“ и „тие“ може да предизвика само нови судири.
„Тежнеењето кон „етнички чисти“ држави нема да донесе мир. Мораме да им овозможиме на сите заедници да бидат цели, а не растргнати. Заедничкиот живот е целта на нашата Унија“, порачала Могерини, поддржувајќи ја европската перспектива на БиХ./крај/мф/бс
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Регион
Убиен работник од Украина во Славонски Брод
Во центарот на Славонски Брод во попладневните часови е пронајдено машко тело.
Полициската управа Брод-Посавина соопшти дека е приведено едно лице поврзано со инцидентот.
Се работи за млад градежен работник од Украина. Конфликт се случил во стан во центарот на градот каде што биле сместени работниците (родени во 90-тите).
Полицијата соопшти дека телото на мажот е пронајдено во куќата околу 15:17 часот и дека се води истрага, а потоа и кривична истрага која треба да ги расветли сите околности.
Регион
Таткото на осомничениот за убиството на Данка Илиќ го откажал полномошното на адвокатот
Небојша Живановиќ, адвокатот на Радослав Д., таткото на Дејан Д., кој е осомничен за убиството на двегодишното девојче Данка Илиќ, за Танјуг изјави дека неговиот клиент го откажал полномошното.
Радослав Д. е осомничен дека му помогнал на својот син да го премести телото на девојчето од депонијата на засега непозната локација.
Со оглед на тоа што го откажал полномошното на избраниот бранител, сега треба да му се определи бранител по службена должност на Радослав Д.
Биолошкиот брат на осомничениот Дејан Д., Далибор Д., почина на 7 април во Полициската станица во Бор, каде беше осомничен дека му помогнал на својот брат да го скрие телото на двегодишното девојче.
Двегодишната Данка Илиќ исчезна на 26 март во Бањско поле кај Бор, а полицијата по 10-дневна потрага и детални проверки и информации ги уапси Срѓан Ј. и Драган Д. од Бор, кои се осомничени дека го удриле девојчето со автомобил, а потоа нејзиното тело го ставиле во багажникот на автомобилот и го однеле на депонија.
Телото на девојчето се уште не е пронајдено.