Регион
На боиштата во Сирија и во Ирак загинале 43 државјани на БиХ
Разузнавачките податоци со коишто располагаат властите на Босна и Херцеговина покажуваат дека досега на боиштата во Сирија и во Ирак загинале 43 државјани на земјата, кои се побереле во редовите на екстремните исламистички организации како Исламската држава, изјави во четвртокот во Сараево министерот за безбедност Драган Мектиќ.
Одговарајќи на прашања на пратениците во текот на седницата на Претставничкиот дом на парламентот на БиХ, министерот за безбедност Драган Мектиќ изјави дека нема потврда за медиумските тврдења дека во Сирија и во Ирак војуваат повеќе од 600 лица од БиХ, како и дека податоците со коишто располагаат безбедносните служби покажуваат дека во моментов на тие боишта сега има околу 130 босанскохерцеговски државјани.
„Во последните неколку години на овие боишта загинале 43 државјани на БиХ, а во земјата се вратиле 50“, изјави Мектиќ. Сите податоци со коишто располага, властите во Сараево ги разменуваат со Хрватска.
Во БиХ досега се поднесени 19 кривични пријави поради поттикнување и учество во борби на боишта во странство, а подигнати се и 18 обвиненија но сé уште никој не е правосилно осуден.
Мектиќ во парламентот на БиХ потврди и дека тамошните власти преземаат мерки кои би се соочиле со можниот прилив на бегалци кои од арапските и африканските земји се обидуваат да стасаат до Европската унија. Според него, очигледно станува збор за голеа криза, бидејќи се проценува дека по рутите се движат во моментов милион до два ипол милиона бегалци.
Власите во БиХ сметаат дека рестриктивните мерки коишто ги презема Унгарија при прифаќањето на беглаците може да доведе до тоа дел од нив до ЕУ да се обидат да минат преку други правци.
„До крајот на седмицата ќе донесеме акциски план во којшто ќе биде направена процена на сите мерки за безбедноста и пружањето на најосновните хуманитарни потреби. Сето тоа го планиравме со меѓународните организации“, рече министерот за безбедност на безбедност на БиХ./крај/мф/сн
Извор: Hina
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Братот на осомничениот за убиството на малата Данка починал од насилство, а не од природна смрт, пишуваат медиуми
Д.Д.(40), брат на еден од осомничените за исчезнувањето и смртта на двегодишното девојче Д.И., починал од насилна смрт на 7 април во раните утрински часови во полициската станица во Бор, констатирано е од стручното мислење на Институтот за судска медицина во Белград, објави Радар.
Во судско-медицинскиот извештај на телото на Д.Д биле констатирани бројни повреди, поради што вештаците констатирале дека се работи за насилна смрт. Наодите на вештачењето се проследени до надлежното Вишо јавно обвинителство Заечар за понатамошно постапување, пишува Радар.
Осомничениот Д.Д од Бор, во саботата на 6 април, во полициската станица во Бор бил задржан до 48 часа поради постоење основи на сомнение дека по извршеното кривично дело му помогнал на својот десетгодишен брат, кој е осомничен за убиството на двегодишната Данка Илиќ.
Истата вечер, три часа по полноќ, полицијата соопшти дека од „природна смрт“ починал Д.Д. Во соопштението на полицијата од 7 април, се наведува дека на осомничениот му се „слошило“ во раните утрински часови и дека „и покрај навремената реакција на полициските службеници и лекарите од Здравствениот дом во Бор, кои се обиделе да извршат реанимација, Д.Д. починал во 3 часот и 10 минути“.
Вештачењето на Институтот за судска медицина во Белград, пак, покажа дека Д.Д. не починал од природна смрт, но од последиците од тепањето, чии траги беа јасно видливи и детално опишани во вештачењето.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.