Регион
На Харадинај му е вратен пасошот, вечерва ја напушта Словенија
Окружниот суд во Крањ во петокот му го врати пасошот на поранешниот косовски премиер, Рамуш Харадинај, два дена откако беше уапсен во Љубљана, по потерница на Србија од 2004 година.
Словенечкото министерство за надворешни работи во соопштение наведе дека Харадинај веќе го зел пасошот, а амбасадорот на Косово во Љубљана, Неџми Реџепи, изјави дека се очекува Харадинај денеска да ја напушти Словенија.Откако му беше вратен пасошот, Харадинја на својата Facebook страници им се заблагодари на граѓаните за поддршката и најави дека вечерва ќе пристигне во Приштина. Харадинај беше уапсен по потерница на Србија, којашто сé уште била важечка во Словенија, иако во 2012 година Хашкиот трибунал го ослободи од сите обвиненија за воени злосторства извршени во 1998 и 1999 година, наведува словенечката агенција STA.Не е јасно зошто потерницата е се уште важечка во Словенија, наведува агенција, потсетувајќи дека претходно косовската амбасада во Словенија упатила протесна нота до Словенечкото министерство за надворешни работи и побара на Харадинај да му биде вратен пасошот. Во нотата се наведува дека Харадинај, поранешен водач на Ослободителната војска на Косово, а сега лидер на Алијансата за иднина на Косово и пратеник во косовскиот парламент, кој беше премиер на Косово во 2004 и 2005 година, се враќал од специјална дипломатска мисија во странство.Косовската амбасада побара Харадинај да биде пуштен според членот 29 и 42 од Конвенцијата на ОН за специјални мисии и го повика словенечкото Министерство за надворешни работи да помогне во тоа. Според оваа конвенција, претставниците на државата кои се испраќаат во специјална мисија, не можат да бидат приведени и уапсени. Министерството оваа нота ја проследи до судот, изразувајќи мислење дека барањето на Косово е оправдано и побара на Харадинај да му се врати дипломатскиот пасош и да му се овозможи да ја напушти Словенија. Харадинај беше изведен пред суд во Крањ веднаш по неговото апсење во средата. Тој набрзо беше пуштен, но морал да го предаде пасошот и да вети дека ќе остане во Словенија додека судот не ја испита важноста на потерницата и не го разреши случајот. /крај/мф/
Извор: Tanjug
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.
Регион
Словенечката опозиција бара истрага за случаите со крадење бебиња во Југославија: „Можеби се продадени повеќе од 20.000 деца“
Опозициските партии во Словенија поднесоа барање за парламентарна истрага за потенцијалното учество и одговорност на јавните службеници во случаите на кражба на деца во таа земја во периодот од 1965 до 1991 година, изјави денеска пратеничката на Словенечката демократска партија (СДС) Аленка Јерај.
„Во таканаречената трговија со бебиња, којашто се случуваше воглавно во 70те и 80те години во поранешна Југославија, повеќе од 20.000 деца можеби се продадени“, рече Јерај и додаде дека се соработува со српските друштва за овие случаи, пренесе СТА.
Овој проблем минатата година словенечкото здружение на родители на украдени деца го презентираше до собраниската Комисија за претставки, човекови права и еднакви можности со пропратна документација, а министерката за внатрешни работи Татјана Бобнар тогаш вети дека надлежните служби ќе направат се во нивната моќ.
Јерај изјави дека надлежните не презеле ништо, наведувајќи дека медицинскиот персонал инволвиран во неколку случаи на кражба на бебиња не бил вклучен во полициската истрага, а полицијата не ја презела документацијата од здружението на родители.
Словенечкиот премиер Роберт Голоб претходно оваа недела истакна дека 45 од 59 случаи на сомнителни кражби на бебиња се веќе затворени.