Регион
Најмалку тројца имигранти загинаа во бродолом крај Грција
Во бродолом на пловило кој превезувал имигранти од Турција во Грција загинале најмалку три лица, една ена и две деца, додека петнаесет лица се сметаат за исчезнати во близина на егејскиот остров Лезбос, објави грчката крајбрежна стража.
Бродот кој превезувал вкупно 60 луѓе, во мугрите удрил во карпи во близина на источниот брег на Лезбос, кое е првото европско пристаниште за бегалците од Блискиот исток.Повеќе од петнаесет лица се нашле во водата, повеќето имигранти од Авганистан, кои не знаеле да пливаат а биле опремени со елеци за спасување со сомнителен квалитет, истакна крајбрежната стража на Грција. Во потрагата на патролен чамец и хеликоптер на Фронтекс, утрово биле пронајдени телата на една жена и на двете деца.Втората потрага која е покрената ден порано во надеж дека ќе биде спасен двогодишен Авганистанец кој излегол од контрола на неговите родители и паднал во морето меѓу турскиот брег и Лезбос, и во неделата не даде резултати. И покрај лошото време кое преоѓањата од Турција ги прават уште поопасни, околу 48.000 имигранти и бегалци стигнаа изминатава седмица во Грција, повеќето на Лезбос, што е рекордна бројка, објави во петокот во Женева Меѓународната оранизација за миграција/крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Вучиќ во ОН: Курти денес не е во Њујорк оти води тајна кампања во Северна Македонија
За време на седницата на Советот за безбедност на Обединетите нации посветена на шестмесечниот извештај на генералниот секретар на ОН Антонио Гутереш за работата на УНМИК, српскиот претседател Александар Вучиќ го обвини лидерот на движењето Самоопределување, Аљбин Курти за мешање во внатрешните работи на Македонија.
Вучиќ истакна дека Курти не бил присутен на седницата во Њујорк бидејќи бил зафатен со водењето на изборната кампања на неговата партија во соседна држава.
Вучиќ изрази изненаденост од тоа што, според него, најпопуларен политичар во Македонија е претседателот на Србија, иако нема кампања во таа земја.
Тој посочи дека како претседател на Србија се извинува за постапките на, како што го нарече, српскиот граѓанин Аљбин Курти и истакна дека мешањето во внатрешните работи на Северна Македонија не е политика на Србија, туку постапка на неодговорен граѓанин.
Регион
Уапсена државјанка на Јужна Африка, осомничена дека ја убилa мајка си во Црна Гора
Јужноафриканска државјанка е уапсена под сомнение дека утрово ја убила својата мајка во Пераст.
Полициската управа соопшти дека медицинскиот персонал на Здравствениот дом во Котор пријавил во полиција дека во станбена зграда во Пераст е пронајдено безживотно тело на жена, а таму била пронајдена и нејзината ќерка Н.Л.Т., пренесува Вијести.
„Полицијата излезе на местото на настанот каде е утврден идентитетот на починатата, а преземени се мерки и дејствија за утврдување на фактите и околностите под кои настапила смртта“, се вели во соопштението на полицијата.
Оттаму додаваат дека увид на лице место е извршено во присуство на обвинител од Вишото државно обвинителство во Подгорица, како и службеник од Центарот за судска медицина.
„По преземени сеопфатни истражни дејствија, припадниците на полицијата дошле до сомнение дека сторител на ова кривично дело е Н.Л.Т. и таа е лишена од слободата.
Регион
Османи: Белград ја спречува интеграцијата на Србите во институциите на Косово
Косовската претседателка Вјоса Османи упати низа обвинувања за Србија на седницата на Советот за безбедност (СБ) на Обединетите Нации (ОН) посветена на Косово.
Османи обвини дека Белград ја спречува интеграцијата на Србите во институциите на Косово.
Таа изјави дека Србија ја заплашува српската заедница на северот на Косово, а како пример го наведе неодамнешното апсење на косовски полицајци во Србија, пренесува „Радио Слободна Европа“.
Османи обвини и оти Србија претходните денови на граница задржувала автобуси со патници од албанска националност.
Владата на Косово претходно овие постапки ги оцени како одмазда на Србија за поддршката дадена од Парламентарното собрание на Советот на Европа за членството на Косово во оваа организација.
„Србите во Косово се под притисок, но од страна на властите во Србија“, рече Османи.