Регион
Нападнати три пекарници на Албанци во Војводина
Три пекарници во сопственост на Албанци се уништени или оштетени ноќта кон четвртокот во Сомбор, Нови Сад и Стара Пазова, пренесуваат во четвртокот војводинските медиуми.
Три пекарници во сопственост на Албанци се уништени или оштетени ноќта кон четвртокот во Сомбор, Нови Сад и Стара Пазова, пренесуваат во четвртокот војводинските медиуми.
Непознати извршители во текот на изминатата ноќ ја запалиле реклама на пекарницата „Два брата“ во Сомбор, чиј сопственик е Албанец, јави Радио-телевизија војводина (РТВ), во чиј извештај се додава дека во пожарот подметнат околу два часот по полноќ изгорел целиот инвентар. Во Градската управа на Сомбор на новинарите им изјавиле дека најостро го осудуваат инцидентот и дека се во постојан контакт со сопственикот на пекарницата и претставниците на градската полициска управа. Пекарницата во Сомбор била и претходно пред една седмица цел на вандали кога бил скршен излогот, а телевизијата наведува и дека дури во неколку наврати во градот на жителите им бил делен бесплатен леб за да не купуваат од пекарницата чиј сопственик е Албанец.Во Стара Пазова, пак, рано утрото во четвртокот била фрлена бомба врз пекарницата „Милениум“, чиј сопственик е Албанецот Албон Балај. Претходно врз дуќанот било пукано од автомобил во движење, пренесуваат локалните медиуми и додаваат дека локалната полиција отворила истрага која е во тек.Пекарницата „Војвоѓанка“ во Нови Сад, чиј сопственик исто така е Албанец, била нападната со камења во средата доцна вечерта. Сопствениците потврдиле за порталот 021.rs дека дошла полициска патрола, но дека им било речено дека нема да покренат постапка бидејќи станува збор за минимална штета и дека можат самите да поднесат кривична пријава до обвинителството. Вработен во пекарницата, Љубомир Живковиќ изјави дека на сите им е јасно дека камењата биле фрлени поради тоа што сопственикот е Албанец, како и дека во изминатите 20 години колку што работела пекарницата немало никакви инциденти.Претседателот на Скупштината на Автономната покраина Војводина, Иштван Пастор најостро ги осудил овие напади врз пекарниците. „Инсистирам на тоа меродавните државни тела да посветат итно и целосно внимание на овој случај и во најбрз можен рок да ги утврдат сите околности и сторители на оваа загрижувачка појава“, истакнал Пастор. Нагласил дека инцидентите за коишто „основано се сомнева“ дека се поврзани со етнички мотивирана омраза, апсолутно се недозволиви и мораат решително да се спречат и уште порешително да бидат санкционирани.Покраинскиот народен правобранител во соопштение изразува стравување дека овие настани може да се доведат во поврзаноста со случувањата на квалификацискиот меч за пласман на Европското фудбалско првенство 2016-та меѓу Србија и Албанија. Натпреварот меѓу двете национални селекции одигран на стадионот во Белград на 14-ти октомври беше прекинат и откажан поради меѓунационален инцидент предизвикан со појавата над теренот на дрон со знамето на Голема Албанија што беше повод за инциденти меѓу играчите и навивачите./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.
Регион
Еден од убијците на Данка бара нов адвокат
Второосомничениот Срѓан Јанковиќ кој цело време се бранеше со молчење во Обвинителството му го откажал полномошното на својот адвокат бидејќи не сака повеќе да го брани.
Јанковиќ побарал да му биде доделен адвокат по службена должност, пренесуваат српските медиуми.
Ова не изненади бидејќи ретко се случува на сред рочиште осомничениот да побара смена на адвокат – велат од обвинителството.
– Понатамошната постапка е таква што следува разговор на новиот адвокат со осомничениот Јанковиќ. Со оглед на текот на рочиштето, апсолутно секој адвокат ќе го советува да престане да се брани со молчење бидејќи подобро е самиот Јанковиќ да каже се што знае. Убедени сме дека е прашање кога Јанковиќ доброволно ќе ја изнесе својата одбрана во обвинителството. Се надеваме дека постои можност да се дознае каде е телото на малата Данка – неофицијално се дознава од надлежните.
Доколку се оствари предвидувањето на обвинителството, се очекуваат нови моменти во истрагата откако Јанковиќ ќе ја каже својата верзија за настаните.