Регион
Непознат напаѓач странец уби словенечки полицаец па се самоуби
Триесетгодишен словенечки полицаец од Брежице почина во болница откако во средата пладнето бил прободен со нож во градите од непознат напаѓач кој потоа извршил самоубиство, објави полицијата,
Управата на словенечката полиција го потврди инцидентот без да наведе поединости, додавајќи дека околностите за злосторството сé уште е истражуваат.
Локалните медиуми пренесуваат дека напаѓачот е странски државјанин, кој од местото на злосторството побегнал пред да пристигне полицијата, а подоцна бил пронајден мртов.
Интернет порталот на дневниот весник Delo пишува дека директорот на полициската управа на Ново Место потврдил дека напаѓачот е 22-годишен германски државјанин.
Додал дека според локалното население во местото на инцидентот бил забележан непознат млад човек кој зборувал англиски јазик и барал работа и оти по пријава полицијата патролирала трагајќи по младиот маж и околу пладнето во средата повторно на повик заминале во местото Чатеж на Сава.
Сега почнатиот полицаец го забележал младиот маж кој седел покрај патот, и кога се упатил кон него овој одненадеж извадил нож и го прободел во градите, нанесувајќи му повреда од којашто починал во болница по два часа.
Во извештаите се потсетува дека нападите врз полицајците во Словенија не се ретки и оти последните години имало повеќе такви случаи.
На почетокот од седмицава на судот во Љубљана беше потврдена пресудата за маж кој лани недалеку од словенечката престолнина нападна полициски автомобил намерно залетувајќи се во него од спротивната насока.
Во овој инцидент еден полицаец загина, а другиот беше потешко повреден. Убиецот Само Трдин, поранешен сопруг на словенечка дипломатка, осуден е на 30 години затвор, максимална казна во Словенија за делото убиство со умисла./крај/мф/сн
Извор: Delo
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.
Регион
Словенечката опозиција бара истрага за случаите со крадење бебиња во Југославија: „Можеби се продадени повеќе од 20.000 деца“
Опозициските партии во Словенија поднесоа барање за парламентарна истрага за потенцијалното учество и одговорност на јавните службеници во случаите на кражба на деца во таа земја во периодот од 1965 до 1991 година, изјави денеска пратеничката на Словенечката демократска партија (СДС) Аленка Јерај.
„Во таканаречената трговија со бебиња, којашто се случуваше воглавно во 70те и 80те години во поранешна Југославија, повеќе од 20.000 деца можеби се продадени“, рече Јерај и додаде дека се соработува со српските друштва за овие случаи, пренесе СТА.
Овој проблем минатата година словенечкото здружение на родители на украдени деца го презентираше до собраниската Комисија за претставки, човекови права и еднакви можности со пропратна документација, а министерката за внатрешни работи Татјана Бобнар тогаш вети дека надлежните служби ќе направат се во нивната моќ.
Јерај изјави дека надлежните не презеле ништо, наведувајќи дека медицинскиот персонал инволвиран во неколку случаи на кражба на бебиња не бил вклучен во полициската истрага, а полицијата не ја презела документацијата од здружението на родители.
Словенечкиот премиер Роберт Голоб претходно оваа недела истакна дека 45 од 59 случаи на сомнителни кражби на бебиња се веќе затворени.