Регион
Несогласувања во хрватскиот политички врв за повлекувањето на амбасадорот од Белград
Хрватската влада не се согласува со мислењето на претседателката Колинда Грабар – Китаровиќ за одлуката околу повлекувањето на хрватскиот амбасадор од Белград, пишуваат хрватските медиумите.
Грабар – Китаровиќ ваквиот потег го нарекла „избрзан“, а поради влошувањето на односите меѓу Хрватска и Србија последниов период добила пораки од нејзиниот српски колега Томислав Николиќ, како и од српскиот премиер Александар Вучиќ во кои тие ја истакнале приврзаноста кон доброседските односи меѓу двете страни.
„Сметам дека повлекувањето на амбасадорот на консултации во Загреб беше избрзано. Требаше да се врачи протестна нота и јасно да се осудат постапките на министерот Вулин и на Војислав Шешељ“, изјавила хрватска претседателска.
Од хрватската влада пак сметаат дека ваквиот став на Грабар – Китаровиќ е „несфатлив“.
„Што се однесува до нас, владата целосно стои зад министерката за надворешни работи Весна Пусиќ, која одлучи да го повлече амбасадорот Горан Маркотиќ на консултации во Загреб“, изјавил висок владин претставник за загрепскиот весник Jutarnji list.
Од хрватската влада појасниле дека повлекувањето на амбасадорот во дипломатска смисла преставува порака до Србија дека нејзините претставници изнеле неприфатливи оценки за Хрватска, односно првенствено испадот на српскиот министер Александар Вулин кој го обвини хрватскиот премиер Зоран Милановиќ дека не се грижи околу злосторствата над Србите, а генералот Анте Готовина пак, го нарекол „усташки злочинец“.
Според пишувањата во Jutarnji list, „претседателката Колинда Грабар – Китароиќ била известена дека владата ќе го повлече хрватскиот амбасадор од Белград“.
„Нема потреба сега и ова прашање до претвораме во судир со претседателската и повторно да создадеме тензии. Во секој случај, амбасадорот Маркотиќ се наоѓа во Загреб и тука ќе остане периодов“, изјавиле од кабинетот на шефицата на хрватската дипломатијата, Весна Пусиќ./крај/мф/бс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Европскиот парламент одобри визна либерализација за Србите од Косово
Европскиот парламент денеска одобри визна либерализација за имателите на српски пасоши од Косово, кои ги издава Координативната управа на Србија на предлог на европратеникот и известувач за укинување на тие визи, Матјаж Немец.
За извештајот на Немец гласале 406 од 597 европратеници, 97 биле против, а 94 биле воздржани.
По гласањето во ЕП, последниот збор за овој предлог треба да го дадат министрите на Советот на ЕУ.
Претходно овој месец, амбасадорите на земјите членки на ЕУ се согласија со предлогот на ЕП и Советот на ЕУ за измена на регулативата за иматели на српски пасоши издадена од Координативната управа на Србија, со која се доделува визна либерализација на носителите на овие пасоши, пишува српската новинска агенција „Танјуг“.
Претходно, Комитетот за граѓански слободи, правда и внатрешни работи на ЕП на 9 април го усвои нацрт-извештајот за визна либерализација.
Целиот Западен Балкан ќе има ист визен режим за патување во ЕУ
Оваа одлука гарантира целиот регион на Западен Балкан да има ист визен режим за патување во ЕУ, објави тогаш ЕП.
Постои можност одлуката за визна либерализација за имателите на српски пасоши во Косово да почне да се применува до почетокот на летото.
Србите од Косово се единствените од Балканот на кои им е потребна виза за ЕУ
Србите од Косово и Метохија, кои поседуваат пасоши издадени од Координативната управа, која функционира во рамките на Министерството за внатрешни работи на Србија, се единствените на кои им е потребна виза за влез во земјите на ЕУ откога од 1 јануари годинава беа укинати визите за граѓаните на Косово.
Во ноември 2023 година Европската комисија предложи да почне постапка за вклучување на граѓаните на Косово, кои имаат пасоши издадени од Координативната управа на Србија, преку визна либерализација.
Регион
Додик повторно во Русија: Имаме притисок, но остануваме посветени на добрите односи со Москва
Лидерот на босанските Срби, Милорад Додик, повторно отпатува во Русија за да ја изрази својата желба за зајакнување на односите со режимот на Владимир Путин, а денеска на средбата со шефот на рускиот Совет за безбедност, Николај Патрушев, тоа го потврди. Додик отпатува за Санкт Петербург, каде што ќе учествува на меѓународниот безбедносен форум организиран од руските власти, а таму го однесе и министерот за безбедност на БиХ, Ненад Нешиќ, со чија партија е во коалиција на државно ниво.
Како што објави јавниот сервис на Република Српска (РТРС), Додик веднаш се сретнал со Патрушев, кој се смета дека е еден од најблиските соработници на Путин. Двајцата разговараа за соработката меѓу РС и Русија, а Патрушев особено ги пофали добрите лични односи меѓу Додик и Путин.
„Вашите одлични лични односи со претседателот на Русија, Владимир Путин, водат до одлични односи меѓу РС и Руската Федерација“, рече Патрушев на средбата додавајќи дека е свесен оти РС е под голем притисок поради тоа.
Додик одговори дека нема да го поколебаат притисоците.
„Ние сме под голем притисок, но остануваме посветени на добрите односи со Русија“, рече Додик.
Актуелниот претседател на РС, кој е под санкции на САД и Велика Британија, отпатува во Русија во време кога Босна и Херцеговина се соочува со сериозна политичка криза. Министерот за надворешни работи на БиХ, Елмедин Конаковиќ, во понеделникот предупреди дека односите во владејачката коалиција се најлоши досега.
Кризата беше предизвикана од барањето на Додик за укинување на техничките измени на изборниот закон, кои беа наметнати во март од високиот претставник за БиХ, Кристијан Шмит, како и противењето на најавеното усвојување на резолуцијата во Обединетите нации, со која би се прогласил 11 јули како ден за сеќавање на жртвите од геноцидот во Сребреница.
Поради оваа причина, Додик ги актуализира своите закани за независност на РС и тоа го стори во пресрет на заминувањето во Русија.
„Не можеме да живееме со оние што работат против нас. Време е секој да тргне по својот пат“, изјави вчера Додик.
Регион
(Видео) Во Хрватска падна снег
На подрачјето на Горски Котар во Хрватска синоќа падна снег, а на места имаше и вистинска снежна покривка.
Снег ја зафати и горанската делница на автопатот А6 Риека – Загреб, но работниците на зимската служба минаа низ снегот и до утрово нема ограничувања во сообраќајот, јавува Н1.