Регион
Нови напади на PKK врз жандармеријата во југоисточна Турција
Герилците на забранетата во Турција Работничка партија на Курдистан (PKK) во понеделникот вечерта со нови напади го продолжија бранот смртоносни напади започнати со нападите во Истанбул, овојпат напаѓајќи ја жандармеријата во два напада во југоисточните покраини Дијарбекир и Тунчели.
Курдските милитанти уште еднаш во нападот во Тунчели употребиле тактика на брз напад, куса престрелка и повлекување, пренесуваат медиумите. По десетминутната размена на огнот, борците на PKK се повлекле. Во истата област бил отворен и митралески оган и врз два борбени хеликоптера на турските воздухопловни сили. И од двата инцидента нема информации за жртви.
Без пријава за жртви и повредени се известува и за нападот на милитантите врз жандармеријата во планинската област Личе во покраината Дијарбекир. Куса размена на огнот избила откако полициските службеници возвратиле на огнот. Началникот на полицијата во Дијарбекир, Халис Богурчу рекол дека нема пријавени жртви во нападот. Додал дека е започната полициска операција за откривање и апсење на напаѓачите.
Овие напади се случиле откако ноќта кон понеделникот забранетата Турска марксистичко-ленинистичка комунистичка партија (TKP/ML) и Организацијата за ослободување на турските работници ((TİKKO), поткрепени од борци на PKK, отвориле митралески оган и ракетни фрлачи во жандармериска станица во покраината Чичекли, пренесува агенцијата Doğan.
Во понеделникот, политичкото крило на PKK, Сојузот на заедниците на Курдистан (HPK) ја повика Анкара да ги обнови мировните преговори во врска со курдското прашање. Партијата ја истакна потребата од „неодложно започнување на новите политички преговори со учество на (затворениот челник на PKK) Абдула Оџалан, кој би можел да ги води од слобода“.
„Неопходно е да се обезбедат потрајни услови за прекинот на огнот, да се ослободат сите кои се затворени од 2013 година (пролетта таа година започнаа мировните преговори –з.м). Исто така, потребно е и да се формира комисија за мониторинг која ќе го следи спроведувањето на мораториумот за вооружената борба“, изјавија од HPK.
Од крајот на јули турската армија во прокламираната владина антитерористичка борба започна со воени операции против PKK со артилериски и воздушни удари врз нејзините засолништа и бази во планинската област на северен Ирак, во автономната курдска покраина. Во тие напади, според турските извори, уништени се десетици бази на PKK, а убиени се 260 и ранети околу 400 курдски герилци, кои тврдат дека нивните загуби се далеку помали. PKK од своја страна возврати со речиси секојдневни герилски напади на турска територија во кои се убиени околу 30 и ранети се неколку десетици припадници на безбедносните сили. Анкара го услови продолжувањето на преговорите, доколку PKK го положи оружјето и сите нејзини борци се повлечат од територијата на Турција, процес кој беше запрен во летото 2014 година, откако Курдите ја обвинија турската влада дека не се придржува до договорот./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Европскиот парламент одобри визна либерализација за Србите од Косово
Европскиот парламент денеска одобри визна либерализација за имателите на српски пасоши од Косово, кои ги издава Координативната управа на Србија на предлог на европратеникот и известувач за укинување на тие визи, Матјаж Немец.
За извештајот на Немец гласале 406 од 597 европратеници, 97 биле против, а 94 биле воздржани.
По гласањето во ЕП, последниот збор за овој предлог треба да го дадат министрите на Советот на ЕУ.
Претходно овој месец, амбасадорите на земјите членки на ЕУ се согласија со предлогот на ЕП и Советот на ЕУ за измена на регулативата за иматели на српски пасоши издадена од Координативната управа на Србија, со која се доделува визна либерализација на носителите на овие пасоши, пишува српската новинска агенција „Танјуг“.
Претходно, Комитетот за граѓански слободи, правда и внатрешни работи на ЕП на 9 април го усвои нацрт-извештајот за визна либерализација.
Целиот Западен Балкан ќе има ист визен режим за патување во ЕУ
Оваа одлука гарантира целиот регион на Западен Балкан да има ист визен режим за патување во ЕУ, објави тогаш ЕП.
Постои можност одлуката за визна либерализација за имателите на српски пасоши во Косово да почне да се применува до почетокот на летото.
Србите од Косово се единствените од Балканот на кои им е потребна виза за ЕУ
Србите од Косово и Метохија, кои поседуваат пасоши издадени од Координативната управа, која функционира во рамките на Министерството за внатрешни работи на Србија, се единствените на кои им е потребна виза за влез во земјите на ЕУ откога од 1 јануари годинава беа укинати визите за граѓаните на Косово.
Во ноември 2023 година Европската комисија предложи да почне постапка за вклучување на граѓаните на Косово, кои имаат пасоши издадени од Координативната управа на Србија, преку визна либерализација.
Регион
Додик повторно во Русија: Имаме притисок, но остануваме посветени на добрите односи со Москва
Лидерот на босанските Срби, Милорад Додик, повторно отпатува во Русија за да ја изрази својата желба за зајакнување на односите со режимот на Владимир Путин, а денеска на средбата со шефот на рускиот Совет за безбедност, Николај Патрушев, тоа го потврди. Додик отпатува за Санкт Петербург, каде што ќе учествува на меѓународниот безбедносен форум организиран од руските власти, а таму го однесе и министерот за безбедност на БиХ, Ненад Нешиќ, со чија партија е во коалиција на државно ниво.
Како што објави јавниот сервис на Република Српска (РТРС), Додик веднаш се сретнал со Патрушев, кој се смета дека е еден од најблиските соработници на Путин. Двајцата разговараа за соработката меѓу РС и Русија, а Патрушев особено ги пофали добрите лични односи меѓу Додик и Путин.
„Вашите одлични лични односи со претседателот на Русија, Владимир Путин, водат до одлични односи меѓу РС и Руската Федерација“, рече Патрушев на средбата додавајќи дека е свесен оти РС е под голем притисок поради тоа.
Додик одговори дека нема да го поколебаат притисоците.
„Ние сме под голем притисок, но остануваме посветени на добрите односи со Русија“, рече Додик.
Актуелниот претседател на РС, кој е под санкции на САД и Велика Британија, отпатува во Русија во време кога Босна и Херцеговина се соочува со сериозна политичка криза. Министерот за надворешни работи на БиХ, Елмедин Конаковиќ, во понеделникот предупреди дека односите во владејачката коалиција се најлоши досега.
Кризата беше предизвикана од барањето на Додик за укинување на техничките измени на изборниот закон, кои беа наметнати во март од високиот претставник за БиХ, Кристијан Шмит, како и противењето на најавеното усвојување на резолуцијата во Обединетите нации, со која би се прогласил 11 јули како ден за сеќавање на жртвите од геноцидот во Сребреница.
Поради оваа причина, Додик ги актуализира своите закани за независност на РС и тоа го стори во пресрет на заминувањето во Русија.
„Не можеме да живееме со оние што работат против нас. Време е секој да тргне по својот пат“, изјави вчера Додик.
Регион
(Видео) Во Хрватска падна снег
На подрачјето на Горски Котар во Хрватска синоќа падна снег, а на места имаше и вистинска снежна покривка.
Снег ја зафати и горанската делница на автопатот А6 Риека – Загреб, но работниците на зимската служба минаа низ снегот и до утрово нема ограничувања во сообраќајот, јавува Н1.