Регион
Новости: ЕК подготвува нов притисок за Србија
Европската комисија (ЕК) бара од Србија да ја усогласи својата надворешна политика со онаа на Европската унија (ЕУ), што би можело да значи и воведување на санкции кон Русија, пишува „Новости“.
Освен за Украина, од Белград се очекува и согласност околу Ирак и Сирија, а покрај веќе постоечкиот притисок околу Косово , ова ќе биде уште еден услов за членството на Србија во ЕУ, пишува српскиот весник.
ЕК подготвила и посебна статисика во која номинативно, одлука по одлука, се гледа колку Белград ја има усогласено својата надворешна политика со онаа на Унијата.
„Србија во овој домен има доста лоши резултати. Во врска со прашањето за усогласеноста со надворешната политика, таа е најлоша на Балканот. Толку низок процент на усогласеност има само Турција“, пишува „Новости“, додавајќи дека како „добар ученик“ во овој поглед се наведува Албанија.
Според изворите на весникот, Србија и Турција дале согласност само за неколку декларации, додека Албанија пак наводно постигнала согланост и до 90 проценти.
Еврокомесарот за соседска политика и пристапни преговори, Јоханес Хан во вторникот изјавил дека Србија ќе може да ги отвори првите поглавја од преговарачкиот процес дури откако ќе го примени сето она што е договорено со Бриселскиот договор.
„Остануваат уште низа работи кои треба да се примена и тоа им го објаснив на властите во Србија по мојата неодамнешна посета на Белград“, рекол Хан.
Еврокомесарот изјавил дека тоа што во Приштина неколку месеци немаше влада, не треба да претставува изговор за одложување на спроведувањето на оние работи кои Србија може сама да ги направи./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Завршено вештачењето на мобилниот телефон на мајката на Данка, биле бришени пораки и повици, објавија српските медиуми
Мобилниот телефон на мајката на Данка Илиќ бил испратен на вештачење по исчезнувањето на девојчето. Неофицијалните податоци говорат дека мајката избришала многу пораки и повици ден пред и на денот на исчезнувањето на Данка, објави српски „Блиц“.
Според неофицијални сознанија од истрагата, вештачењето на мобилниот телефон на Ивана Илиќ покажало дека се избришани многу пораки и податоци за повици, пишува српски „Информер“.
„На ден пред исчезнувањето и на денот на исчезнувањето на Данка Илиќ многу пораки и повици се избришани од телефонот. Ова го утврдиле инспекторите за високотехнолошки криминал. Пораките и повиците може да се избришат од телефонот, но да останат во базата на податоци“, рекол изворот.
Како што се дознава, пред исчезнувањето на Данка Илиќ мајката трипати го фотографирала детето од разни агли.
Да потсетиме, мајката на Данка Илиќ, Ивана, денеска повторно е во полициската станица во Бор, каде што е на распит за околностите на својата исчезната ќерка. Таткото помина на полиграфското тестирање.
Регион
„Клучот е кај родителите, тие мора да одговорат на едно прашање“, вели поранешен шеф на белградската полиција за случајот со исчезнувањето на Данка
Родителите се тие што имаат многу да објаснат. Прво, зошто чекаа да го пријават исчезнувањето? Колку што знам, чекаа два часа. Познато е дека кога ќе исчезне дете, веднаш се пријавува за да се реагира бргу, изјави Марко Ницовиќ, поранешен началник на белградската полиција, за „Телеграф.рс“.
Според Ницовиќ, полицијата оди во добра насока бидејќи ја проверува секоја педа од земјата, но се надеваат и дека темелно се проверуваат граничните премини бидејќи не ја исклучуваат можноста за киднапирање.
„Би можело да биде сè, не е исклучена никаква можност. Ако мајката рече дека го оставила девојчето на минута, го поставуваме прашањето каде би можело да оди двегодишното дете? Колку далеку, без мајка му да го најде? Второ, зошто чекаа два часа? Има простор и за киднапирање, а знаеме дека границата е блиску, но и за многу повеќе. Отворени се многу прашања и останува да се почека истражните органи да си ја завршат работата“, вели Ницовиќ за српски „Телеграф“.
Да потсетиме, потрагата по двегодишната Данка Илиќ влезе во четвртиот ден. Во потрагата од утрово се вклучени уште 18 пожарникари и кучето Зиги.
Багери вчера цел ден копаа и вадеа ѓубре и шут од куќата, а пред куќата каде што последен пат беше видена исчезнатата Данка по која трага цела Србија, пристигна тешка механизација, која ќе продолжи да работи денес за да се расчисти теренот.
Регион
Нов силен земјотрес ја погоди Грција: се стресе на Крит
Нов земјотрес со јачина од 3,7 степени според Рихтеровата скала ја погоди Грција, соопшти ЕМСЦ.
Земјотресот е регистриран на Крит, на 62 километра од Ираклион, на длабочина од 16 километри.
Земјотресот е регистриран во 12.37 часот по локално време.
Засега нема информации за повредени или материјална штета.
Грција утрово ја погоди силен земјотрес со јачина од 5,7 степени според Рихтеровата скала по што следеа афтершокови.