Регион
Обама за Грција: Да не се притискаат земјите во длабока депресија
Американскиот претседател Барак Обама зборувајќи за кризата во Грција, изјави дека „не може да се продолжи да се врши притисок врз земјите коишто се длабока депресија“, во интервјуто коешто во неделата беше емитувано на CNN.
„Не можеме да продолжиме да вршиме притисок врз земјите коишто се во длабока депресија. Во дадениот момент потребна е стратегија на растот за да може да вратат долговите“, изјави американскиот претседател Барак Обама, во моментите кога новата грчка влада предводена од радикалната левица Сириза ги загрижува меѓународните доверители тврдејќи дека сака повторно да преговара за долгот на земјата.
Обама призна дека на Грција „неопходно и’ се потребни“ реформи, меѓутоа дека „многу тешко е да се започнат промените доколку нивото на животот на луѓето паднало за 25 отсто. Долгорочно, политичкиот систем, општеството тоа повеќе не може да го трпи“.
Бруто домашниот производ (БДП) во Грција падна за околу 25 отсто во периодот меѓу 2009 и почетокот на 2014 година, а потоа порасна во вториот и во третиот квартал од 2014-та, по годините рецесија.
Американскиот претседател додаде оти се надева дека Грција ќе остане во еврозоната, но дека тоа би барало „компромиси од сите страни“. Обама во разговорот за CNN воопшто изрази загриженоста поради слабите стапки на раст во Европа./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Се вештачат трагите од предметите пронајдени во автомобилот во кој била убиена малата Данка
Телото на малото девојче Данка Илиќ (2), кое на 26 март годинава беше брутално убиено во Бањско Поле, сè уште не е пронајдено.
Осомничениот Дејан Драгијевиќ (50) во Вишото јавно обвинителство во Заечар ги изнесе деталите за убиството на детето. Сепак, тој не сакаше да открие каде го фрлил телото на Данка.
Срѓан Јанковиќ (50) не сакал да зборува за делото, а вчера побарал да му дозволат адвокат по службена должност. Во притвор е и таткото на Дејан Драгијевиќ, кој исто така се бранеше со молчење на обвинувањата дека му помогнал на синот да се ослободи од телото.
Понатамошни чекори во истрагата за „Телеграф.рс“ најавија од Вишото јавно обвинителство во Заечар.
„Вишото јавно обвинителство во Заечар издаде наредба вештаци да ги прегледаат трагите пронајдени во автомобилот на Јавното претпријатие за комунални дејности ‘Водовод’ од Бор“.
Сослушувањата на сведоците се во тек.
Вчера, во Вишото јавно обвинителство во Заечар дадоа исказ Ивана и Милош Илиќ, родителите на убиената Данка.
Регион
Пленковиќ по победата на изборите во Хрватска: Набргу ќе дознаете со кого ќе имаме мнозинство
Актуелниот премиер на Хрватска, Андреј Пленковиќ, чија партија ХДЗ победи на парламентарните избори во Хрватска, објави дека набргу ќе се знае со кого ќе формираат влада.
„Одлично е чувството, трета победа во низа и убедлива, тоа никој не успеа да го направи пред нас. Презадоволни сме, урнат е митот дека високиот одѕив не ѝ одговара на ХДЗ“, изјави Пленковиќ.
„Многу набргу ќе дознаете со кого ќе формираме ново мнозинство во Собранието. Разговаравме со некои наши колеги уште синоќа, а денеска ги продолжуваме разговорите. Сè оди добро, победниците ќе ја водат владата и во третиот мандат“, порача Пленковиќ.
Неофицијалните резултати по обработката на речиси сите избирачки места, според пресметките, покажуваат дека ХДЗ убедливо победува на парламентарните избори и освојува 61 мандат, а Риека правде на СДП добива 42 мандата.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.