Регион
Околу 400 Турци загинале како џихадисти во Сирија и Ирак
Околу 400 Турци кои им се придружиле на џихадистите во Сирија и Ирак биле убиени досега, а уште 900 турски државјани се борат во редовите на Исламската држава, изјавил турски функционер.
Покрај овие 900 лица, уште 200 до 300 турски државјани се борат во редовите на радикалната организација Џебхат ан-Нусра, сириското крило на глобалната терористичка мрежа Ал Каеда, рекол неименуван висок функционер од турското министерство за надворешни работи за дневниот весник Hürriyet.
„Во моментов веруваме дека околу 900 лица се во редовите на Исламската држава, а околу 300 се придружиле на Џебхат ан-Нусра“, рекол одговарајќи на прашањето за бројот на Турците кои заминале да се борат во соседните Сирија и Ирак.
„Се сомневаме дека бројката на лица коишто заминуваат и се враќаат е поголема. Немаме сознанија колку од нив се борат за пари, колкумина се радикални или се таму од чист авантуризам. Но не сме подготвени да им веруваме кога велат дека кусо престојувале таму или оти не учествувале во борби“, рекол соговорникот на весникот додавајќи дека турската дипломатија бара поголема меѓународна координација во напорите да се спречи приливот на странските борци за џихадистичките групи на двете боишта.
Коментирајќи ја неодамнешната ескалација на нападите од страна на герилците на забранетата Работника партија на Курдистан (PKK), прецизирал дека повеќе од половината од досега загинатите 120 полицајци и војници биле жртви на подметнати импровизирани експлозивни направи, а помал број настрадале во директните судири.
„Има само еден или два ‘вистински’ судири во кои има загинати“ полицајци и војници, рекол додавајќи дека PKK го избрал начинот да војува со поставување мини. Истакнал дека ќе биде потребно уште долго време за да се намалат борбените потенцијали на PKK.
Според него, самиот чин на заминување во воени зони или учество во терористичка обука треба да биде криминализирано, предупредувајќи дека многу млади луѓе кои минуваат низ ваква обука обично се враќаат во земјата по три месеца, и со таквите вештини претставуваат опасност за заедницата./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Детаљно пребарани тунелите, каналите и шахтите, нема траги од Данка: се огласија српските полицајци
Специјалистички екипи за спасување од урнатини на Секторот за вонредни состојби од Белград и Нови Сад заедно со други припадници на МВР од раните утрински часови темелно ги пребаруваа тунелите, подземните канали и шахтите со вкупна должина од 4,5 километри во месноста Бањско Поле до градот Бор и не се пронајдени траги што би укажувале дека таму била двегодишната Данка Илиќ, пренесуваат српските медиуми.
По повеќе од 70 часа детаљно пребарување на теренот во Бањско Поле, припадниците на Министерството за внатрешни работи продолжуваат со интензивно и оперативно пронаоѓање на девојчето и утврдување сите факти и околности за исчезнувањето на детето, според последните извештаи.
Медиумите потсетуваат, од моментот на пријавување на исчезнувањето на 26 март во потрагата по исчезнатото девојче учествуваа стотина припадници на МВР, кои темелно и сеопфатно го прегледаа поширокиот и потесниот простор на ова место со вкупна површина од 10-ина квадратни километри.
Регион
Завршено вештачењето на мобилниот телефон на мајката на Данка, биле бришени пораки и повици, објавија српските медиуми
Мобилниот телефон на мајката на Данка Илиќ бил испратен на вештачење по исчезнувањето на девојчето. Неофицијалните податоци говорат дека мајката избришала многу пораки и повици ден пред и на денот на исчезнувањето на Данка, објави српски „Блиц“.
Според неофицијални сознанија од истрагата, вештачењето на мобилниот телефон на Ивана Илиќ покажало дека се избришани многу пораки и податоци за повици, пишува српски „Информер“.
„На ден пред исчезнувањето и на денот на исчезнувањето на Данка Илиќ многу пораки и повици се избришани од телефонот. Ова го утврдиле инспекторите за високотехнолошки криминал. Пораките и повиците може да се избришат од телефонот, но да останат во базата на податоци“, рекол изворот.
Како што се дознава, пред исчезнувањето на Данка Илиќ мајката трипати го фотографирала детето од разни агли.
Да потсетиме, мајката на Данка Илиќ, Ивана, денеска повторно е во полициската станица во Бор, каде што е на распит за околностите на својата исчезната ќерка. Таткото помина на полиграфското тестирање.
Регион
„Клучот е кај родителите, тие мора да одговорат на едно прашање“, вели поранешен шеф на белградската полиција за случајот со исчезнувањето на Данка
Родителите се тие што имаат многу да објаснат. Прво, зошто чекаа да го пријават исчезнувањето? Колку што знам, чекаа два часа. Познато е дека кога ќе исчезне дете, веднаш се пријавува за да се реагира бргу, изјави Марко Ницовиќ, поранешен началник на белградската полиција, за „Телеграф.рс“.
Според Ницовиќ, полицијата оди во добра насока бидејќи ја проверува секоја педа од земјата, но се надеваат и дека темелно се проверуваат граничните премини бидејќи не ја исклучуваат можноста за киднапирање.
„Би можело да биде сè, не е исклучена никаква можност. Ако мајката рече дека го оставила девојчето на минута, го поставуваме прашањето каде би можело да оди двегодишното дете? Колку далеку, без мајка му да го најде? Второ, зошто чекаа два часа? Има простор и за киднапирање, а знаеме дека границата е блиску, но и за многу повеќе. Отворени се многу прашања и останува да се почека истражните органи да си ја завршат работата“, вели Ницовиќ за српски „Телеграф“.
Да потсетиме, потрагата по двегодишната Данка Илиќ влезе во четвртиот ден. Во потрагата од утрово се вклучени уште 18 пожарникари и кучето Зиги.
Багери вчера цел ден копаа и вадеа ѓубре и шут од куќата, а пред куќата каде што последен пат беше видена исчезнатата Данка по која трага цела Србија, пристигна тешка механизација, која ќе продолжи да работи денес за да се расчисти теренот.