Регион
Орбан предупредува на заканата од миграцијата и води во анкетите
Членките на Европската унија ќе бидат принудени да се штитат од заканата којашто ја претставува актуелната масовна миграција доколку не договорат единствен став за овој проблем, изјави во понеделникот унгарскиот премиер Виктор Орбан, чијашто конзервативна партија Фидес води во анкетите.
„Загрозени се нашите граници, нашиот живот втемелен на почитувањето на законите… и цела Европа. Ќе нé прегазат“, изјави премиерот Виктор Орбан во говорот во унгарскиот парламент пред да ги повика пратениците да ја поддржат владината политика и да гласаат за предлогот на владејачката партија за заштитата на унгарските државни граници да биде ангажирана војската.
Истакна, меѓу другото, дека Унгарија со својот пристап кон миграциската криза го штити европското семејство. „Унгарија е ценета членка на големото европско семејство илјада години и нејзината историска и морална должноста е да ја штити Европа. Штитејќи ги своите граници, Унгарија, исто така, ја штити Европа“, рече Орбан, пренесува агенцијата MTI.
Повтори дека квотите за мигрантите коишто ги предлага Брисел не се „европски акциски план“, бидејќи прво треба да се бранат границите и да се запре приливот од имигранти. „Унгарија се бори на два фронта, бидејќи покрај за штитењето на границите мора да се бори и против кусогледите европски полити. Европа не може да ги реши проблемите на целиот свет, не може да си издржува сите економски имигранти“, изјави Орбан, а оваа негова изјава многу потсетува на изјавата на германската канцеларка Ангела Меркел изречена на собир на синдикатите во неделата во Лајпциг, но таа се однесуваше во прв ред на Германија.
Орбановата водечка партија Фидес во изминатите три месеца значителни го зголемила водството пред опозициските партии, веројатно најмногу поради остриот став во справувањето со миграциската криза, покажува истражувањето на јавното мнение спроведено од институтот Ipsos, чии резултати се објавени во понеделникот.
Владата на Орбан подигна 175 километри долга и 4 метри висока ограда кон Србија, крева иста таква долга 41 километар кон Хрватска и најави подготовки за поставување ограда и кон Романија. Според новите унгарски закони, одбиено е барањето на многу од оние кои бараат азил во Унгарија, иако се процентуално минимално застапени во однос на вкупниот број имигранти и бегалци кои преку територијата на оваа земја сакаат да дојдат до богатите западни земји, како Германија или Шведска.
Орбан, исто така, повеќепати предупредува на опасноста со ваквите миграциски бранови муслиманите бројно да станат доминантни над христијаните во Европа, како и дека неговата влада ќе подготви антиимиграциска кампања. Неговата остра политика ја подржува мнозинството во Унгарија, кое смета дека сега цела Европа ја плаќа цената на премногу толерантниот Запад и неодговорната Грција којашто не ги спроведува европските правила за регистрација и задржување на имигрантите и барателите на азил коишто пристигнуваат од Турција.
Според Ipsos, поддршката на јавноста за владејачката Фидес пораснала од јунските 20 на 24 проценти во септември. Втората политичка сила е крајно десничарската Јобик, а нејзиниот рејтинг се намалил 15 на 14 отсто. Социјалистите, исто така, имаат помала поддршка од 10 на 9 отсто.
Шефот на истражувањето на Ipsos, Тибор Завес вели дека не е спроведено одвоено истражување за мислењето на јавноста во поглед на самота имиграција. Меѓутоа, тој додава дека Фидес би можела да добие уште посилна поддршка и да добие уште посилна поддршката и да привлече нови 300.000 приврзаници со својата строга политика на „зачувувањето на редот“.
„Низата мерки кои владата ги спроведе во неколкуте последни месеци во поглед на прашањето на масовната миграција сигурно би можела да привлече 300.000 луѓе“, вели Завес и додава дека „само Фидес покажала силен став во однос на ова прашање, додека другите партии изгледа немаат позла од тоа прашање“./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Двегодишното девојче кое исчезна во Србија се бара насекаде, полицијата врши распити на голем број лица
Потрагата по девојчето Данка Илиќ (2), кое во вторникот исчезна во Бањско поле во Бор, се уште трае и не се знае како е можно девојчето да се изгуби. Полицијата ја проверува секоја информација што ќе дојде до нив, сослушани се неколку лица, повторно се разговараше со родителите, но ниту една информација не укажува на тоа што се случило и каде е Данка, пишува „Нова.рс“
Екипата на порталот денеска беше во Бањско поле каде се уште има голем број полицајци. Властите со багер го чистеа теренот околу куќата во која последен пат била видена Данка. Исто така, на имотот е извршено ископување, а јамите повторно се пребаруваат.
Полицијата ја истражува секоја трага што може да укаже на тоа што се случило со девојчето.
„Полицијата разговараше со голем број луѓе, соседи, познаници, се со цел да ја пронајде Данка. Досега ниту една трага не довела до тоа каде е девојчето или што и се случило“, вели изворот на Нова.рс.
Истрагата се одвива во повеќе правци, а денеска полицијата повторно разговараше со родителите на девојчето.
„На вториот ден од нејзиното исчезнување, родителите на девојчето биле во полиција до доцна во ноќта. Тие утрово биле повторно повикани, а исто така цел ден поминале во полициска станица. Не се познати околностите врз основа на кои два дена биле на распит. Извесно е дека родителите вчера имале разговори и со Центарот за социјална работа, а повеќе од тоа не се знае“, додава изворот на „Нова.рс“.
Неофицијално беше објавено и дека полицијата нашла нова трага, односно дупка на местото на кое исчезна девојчето, и дека целото внимание го насочува кон тоа.
Она што е сигурно е дека се проверуваат сите околности и се сослушуваат и сите лица кои можеби имаат сознанија за случајот.
Меѓу нив е и кој бил зад воланот на автомобилот „пунто“ што го снимиле надзорните камери на куќата во Бањско Поље, во моментот на исчезнувањето на малата Данка. Куќата пред која е снимен автомобилот се наоѓа на стотина метри од местото каде исчезна Данка.
На снимката се гледа автомобил кој брза околу 13 часот и 47 минути, а малото девојче исчезнало малку пред тоа, околу 13 часот и 45 минути, како што вели нејзината мајка.
„Ја знам таа жена, ја видов како носи две деца во парк, страшно е што се случи“, велат соседите.
Девојчето Данка Илиќ исчезна во вторникот во Бањско Поље кај Бор. Во средата по 27 часот полицијата ја прекина потрагата и започна друг вид на акција за пронаоѓање на детето. Во ова мало место кај Бор се уште остана одреден број полицајци, а вчера беше блокиран и пристапот до куќата.
Во потрагата по исчезнатото дете се вклучени припадници на Жандармеријата, пожарникари, планинска спасувачка служба, како и голем број доброволци.
Регион
„Само се шалевме“ – уапсените поради тврдењата за исчезнатото девојче се донесени во полиција
Тројцата кои беа уапсени во Босна и Хервеговина, а тврдеа дека имаат информации за исчезнатото девојче од Србија, Данка Илиќ и бараа пари, во полиција рекле дека „само се шегувале“, пренесува Н1 Сараево.
Федералната полициска управа вечерва уапси три лица кои на социјалните мрежи тврдеа дека имаат информации за исчезнувањето на двегодишното девојче од Србија, Данка Илиќ, по коешто трага речиси целиот регион.
Како што јави известувачот на Н1, уапсените биле донесени во зградата на Федералната полициска управа.
Како што се дознава, за време на преносот во живо на „Тик-ток“, тие побарале десетици евра за да ја откријат локацијата на девојчето и тврделе дека ја чуваат во подрумот.
Веднаш по апсењето изјавиле дека „само се шегувале“. Сите уапсени се членови на исто семејство.
Инспекторите на Одделот за компјутерски криминал на Федералната полициска управа преку ИП адресата ги лоцираше лицата кои тврделе дека имаат информации за исчезнувањето на детето.
Вчера на социјалните мрежи се појави видео од надзорната камера на куќа лоцирана во близина на местото каде исчезна Данка Илиќ во 13:45 часот.
На видеото се гледа автомобил кој брза во 13 часот и 47 минути, а малото девојче исчезнало малку пред тоа, односно во 13 часот и 45 минути, како што рекла нејзината мајка.
Регион
Барале 25.000 евра за да дадат информации за исчезнатото девојче: детали за апсењето на три лица во БиХ
Припадниците на полицијата привеле три лица, кои се осомничени дека преку ТикТок објавиле дека се поврзани со исчезнувањето на девојчето Данка Илиќ (2) во Србија.
„Федералната полициска управа, постапувајќи според актот на НЦБ Интерпол Белград, презеде мерки и дејствија од нејзина надлежност, што резултираше со лишување од слобода на три лица на територијата на Хаџиќ, Сараево“, беше потврдено и кои се сомничат дека имале сознанија за исчезнување на малолетно девојче од Србија.
Инспекторите на Одделот за компјутерски криминал на Федералната полициска управа, ги лоцирале по пат на ИП адреса лицата кои тврделе дека имаат информации за исчезнувањето на малолетно девојче, односно барале 25.000 евра за откривање информации.
„Малолетното девојче не е пронајдено на територијата на Хаџиќ, а кривичната истрага за лицата лишени од слобода е во тек“, изјави сојузниот инспектор Ервин Мушиновиќ.
Девојчето Данка Илиќ (2) во вторникот исчезна во Бањско поле кај Бор.
Оттогаш, потрагата по неа трае, а во Србија за прв пат е активиран системот амбер алерт.