Регион
Орешковиќ се сретна со Грабар Китаровиќ, сé уште нема решение за политичката криза
Хрватскиот премиер Тихомир Орешковиќ во понеделникот оствари средба со претседателката Колинда Грабар Китаровиќ, во обид да се придвижат работите околу политичкатак риза во земјата, пренесуваат хрватските медиуми.
Хрватскиот премиер Тихомир Орешковиќ во понеделникот оствари средба со претседателката Колинда Грабар Китаровиќ, во обид да се придвижат работите околу политичкатак риза во земјата, пренесуваат хрватските медиуми.
Според пишувањата на Jutarnji list, хрватската претседателка поради кризата ги одложила патувањата предвидени за оваа недела. На средбата со Орешковиќ станало збор за состојбата во државата, откако земјата се најде во сериозна политичка криза поради нарушените односи меѓу лидерите на партиите кои ја сочинуваат владејачката коалиција, Томислав Карамарко и Божо Петров.
Орешковиќ минатата недела ги повика лидерот на ХДЗ, Карамарко и на Независната листа Мост, Петров да поднесат оставки поради нарушените односи. Петров одговорил дека е подготвен да се повлече доколку така одлучат од Мост, додека пак Карамарко ја отфрлил таквата можност, соопштувајќи дека Орешковиќ и Мост веќе не ја уживаат довербата на ХДЗ, најголемата партија во коалицијата.
Карамарко најавил дека ХДЗ ќе се обиде да состави ново мнозинство без Мост, а доколку не успее во тоа, тогаш ќе оди на нови избори. Се претпоставува дека до решение би можело да се дјде пред 18-ти јуни, кога е последниот рок за гласањето во Саборот за предологот на опозицијата за отповикување на Карамарко поради аферата „Консултант“.
Предлогот на опозициската Социјалдемократска партија за гласање недоверба на Карамарко ќе биде поддржан и од Мост, поради тоа што сметаат дека Карамарко е политички одговорен за аферата „Консултант“, во која што е вмешана неговата сопруга Ана./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Потрагата по Данка Илиќ продолжува трет ден, се проверуваат телефоните на родителите
И покрај прекинатата теренска потрага по Данка во Бањско Поле и околината, полицијата продолжува со интензивна оперативна работа за утврдување на сите факти и околности поврзани со исчезнувањето на детето
Потрагата по исчезнатото двегодишно девојче Данка Илиќ од Бањско Поље, кај Бор, продолжува трет ден, а полицијата ќе ги проверува базните станици и ќе ги прегледа мобилните телефони на родителите, за да потврди со кого биле во контакт во периодот кога девојчето исчезнало.
Продолжувањето на потрагата ќе се изврши оперативно, откако е утврдено дека девојчето не е на 10 квадратни километри од местото на исчезнувањето.
Полицијата ќе ги испрашува и луѓето кои биле во близина непосредно пред или по исчезнувањето на девојчето, со цел да се утврдат детали кои можеби биле пропуштени во текот на истрагата која е во тек.
Исчезнувањето на двегодишното девојче за првпат го активира системот „Најди ме“ во Србија кој е наменет за итно известување на јавноста во случај на исчезнување на малолетно лице.,
Данка Илиќ (2) има кафеава коса, кафеави очи и е висока околу 85 сантиметри. На денот на исчезнувањето носела виолетови панталони и јакна во маслинесто зелена боја.
Регион
„Се плашам дека е киднапирана“, рече дедото на исчезнатото девојче Данка
Дедото на исчезнатото девојче Данка Илиќ (2), кое пред повеќе од 27 часа беше изгубено во приградската населба Бањско поле во околината на Бор, за телевизија Блиц изјави дека „низ главата му поминува можноста детето да е киднапирано“.
„Се уште се надевам дека е жива, но неверојатно е никој да не може да ја најде меѓу толку луѓе. Само една опција ми паѓа на ум, дека е киднапирана. Но, не можам да тврдам. Жандармерија, дронови, хеликоптери, цела Србија беше тука и сите ја бараа. Луѓето беа на еден метар еден од друг и никој не може да ја најде“, изјави Милан Илиќ.
Тој рече и дека го плаши фактот што бугарската граница е блиску.
„До бугарската граница преку новиот пат се стигнува за 45 минути, најмногу еден час. Не е точно дека се потребни пет часа, како што кажа некој утринава на телевизија. Кладово е веќе многу подалеку, оддалечено е 150 километри, но Бугарија е многу блиску“, рече тој.
Регион
Полицијата го прекина пребарувањето на теренот: „Јасно е дека Данка не е на ова подрачје“
Припадниците на српската полиција по 27 часа детално пребарување на теренот во потрага по двегодишната Данка Илиќ во приградската населба Бањско Поље и Брестовачка бања, ги прекинаа понатамошните претреси, со оглед дека сите досегашни резултати укажуваат дека девојчето не е на овој простор од околу 10 квадратни километри, пренесува српски Телеграф.
Полицијата продолжува со интензивна оперативна работа за утврдување на сите факти и околности поврзани со исчезнувањето на детето, за што јавноста ќе биде навремено информирана, соопшти полицијата.
Според неофицијални информации на порталот Нова.рс, српската полиција има индиции кои ја одвеле истрагата надвор од местото на исчезнувањето на девојчето, а кон тие траги се упатени полициските единици.