Регион
Осомничените терористи во БиХ предадени на обвинителството
Сите единаесет уапсени лица од Босна и Херцеговина за кои постојат сомневања дека биле припадници на џихадистичката Исламска држава или финансиски го поддржувале тероризмот и учествувале во регрутирање борци за војните во Ирак и во Сирија, се предадени на државното обвинителство на БиХ, а нивно процесуирање побара и амбасадата на САД во Сараево, соопштено е во неделата.
Според наводите на државната полициска агенција SIPA, сите единаесет припадници на радикалното движење во саботата навечер му се предадени на државното обвинителство на БиХ. Во четвртокот на државното обвинителство му иле предадени Мехмед Тутмиќ и Селмо Имамовиќ, а во саботата Рамиз Ибрахиовиќ, Фикрет Хаџиќ, Сенад Кљајиќ, Енвер Лилиќ, Кенан Окан, Берин Тахиќ, Халил Гарановиќ, Самир Хаџалиќ и Ахмер Мушановиќ. Тие еба успени во четвртокот во големата полициска акција под кодното име „Дамаск“ во неколку градови во Босна. Државното обвинителство на БиХ по испитувањето ќе одлучи дали на осомничените ќе им одреди притвор. Претходно во септември во истата кација беше уапсен водачот на радикалните исламисти во БиХ, Билал Босниќ. Сите тие се осомничени за учество во борбите на страна на Исламската држава, финансирање на ова сунитско џихадистичко движење, како и за врбување и регрутирање лица за учество во терористички акции.Амбасадата на САД во Сараево ја пофали акцијата на SIPА и повика на процесуирање на припадниците на радикалното движење. „Амбасадата на САД во БиХ апелираше на државното обвинителство на БиХ за ригорозно процесуирање на 11-те лица кои се уапсени под сомневање за учество во терористички активност“, се наведува во соопштението на американската амбасада што го цитираат сараевските медиуми.Упатен е и повик до другите институции во БиХ да ги продолжат напорите во борба против тероризмот и заминувањето на борците на странски боишта, во согласност со меѓународните обврски, вклучително и резолуцијата на Советот за безбедност на ОН:Американската амбасада во БиХ потврди во истото соопштение дека американското министерство за правосудство, со поддршка на Стејт департментот, ќе испрати федерални државни обвинители и повеќе советници во областа на спроведувањето на законот во разни земји низ светот, вклучително и во БиХ, како одговор на барањата на овие земји да им се даде помош во борбата против тероризмот. Како што беше најавено претходно седмицава, американското министерство за правосудство на Балканот ќе именува резидентен правен советник за борба против тероризмот во амбасадата во Тирана, а неговата одговорност во регионот ќе биде да им се даде помош на земјите партнери во јакнењето на законодавствата кои се однесуваат на борците на странските боишта, како и развивање на капацитетите на балканските истражители и државните обвинител според тоа законодавство.„Целта на овие настојувања е партнерската работа со земјите како што е БиХ, на развој на капацитетите, во рамките на законот да се одговори на појавата на борци на странски боишта, така заедно да можеме да ги користиме процесите на крвичното правосудство за да го запреме заминувањето на терористички борци во зоните на судирите, да го запреме бранот на насилство и агресивно да се бориме против насилниот екстремизам“, се наведува уште во соопштението на амбасадата на САД во Сараево./крај/мф/сн
Извор: Hina
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.