Регион
Отфрлена тужбата против шефот на грчкото биро за статистика
Грчките судии ја отфрлија тужбата против директорот на државната агенција за статистика со што ја завршија истрагата по обвиненијата дека вештачки ги пумпал податоците за државниот долг, објавија во неделата судски извори.
Искусниот статистички експерт Андреас Георгиу во 2010 година е именуван за директор на државната грчка агенција за статистика ELSTAT, за да ја врати довербата во оваа институција, неколку месеци пред избувнувањето на големата финансиска криза во Грција. Имено, тогашната социјалистичка влада на Пасок откри дека буџетскиот дефицит бил многу поголем, отколку што покажувале официјалните податоци.
Во 2013 година обвинителството го обвини Георгиу, и уште двајца вработени во ELSTAT, дека ги фалсификувале фискалните податоци за 2009 година. Случајот го пријави поранешен вработен во агенцијата, кој добил отказ, обвинувајќи го Георгиу дека го напумпал дефицитот во рамките на она што грчките функционери го нарекоа „германски заговор“ за да се оправдаат тешките мерки за штедење како услов за добивање на меѓународната финансиска помош.
Георгиу ги отфрли обвиненијата и истакна дека одлуката на Грција да побара помош од меѓународните партнери е заснована на статистичките податоци кои ги изработиле неговите претходници. Но нему, сепак, ќе му се суди, за некои полесни обвинувања, изјавија грчки функционери додавајќи дека тие се однесуваат на еден кус период кога паралелно работел за ММФ и за ELSTAT.
Неверодостојната грчка статистика, со честите менувања на официјалните податоци, се смета за една од причините за избувнувањето на длабоката економска криза во земјата. Откако Георгиу ја презема агенцијата, европската статистичка агенција Eurostat ги прифаќаше податоците во врка со долгот кои ги даваше официјална Атина, додека претходно во врк со тоа изразуваше отворено сомневање./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.
Регион
Се вештачат трагите од предметите пронајдени во автомобилот во кој била убиена малата Данка
Телото на малото девојче Данка Илиќ (2), кое на 26 март годинава беше брутално убиено во Бањско Поле, сè уште не е пронајдено.
Осомничениот Дејан Драгијевиќ (50) во Вишото јавно обвинителство во Заечар ги изнесе деталите за убиството на детето. Сепак, тој не сакаше да открие каде го фрлил телото на Данка.
Срѓан Јанковиќ (50) не сакал да зборува за делото, а вчера побарал да му дозволат адвокат по службена должност. Во притвор е и таткото на Дејан Драгијевиќ, кој исто така се бранеше со молчење на обвинувањата дека му помогнал на синот да се ослободи од телото.
Понатамошни чекори во истрагата за „Телеграф.рс“ најавија од Вишото јавно обвинителство во Заечар.
„Вишото јавно обвинителство во Заечар издаде наредба вештаци да ги прегледаат трагите пронајдени во автомобилот на Јавното претпријатие за комунални дејности ‘Водовод’ од Бор“.
Сослушувањата на сведоците се во тек.
Вчера, во Вишото јавно обвинителство во Заечар дадоа исказ Ивана и Милош Илиќ, родителите на убиената Данка.