Регион
Пет лица обвинети во Србија за тероризам
Обвинителството за организиран криминал на Србија покрена во вторникот обвинение против пет лица кои се товарат за тероризам-финансирање, организирање и учествување во вооружените судири во Сирија.
Обвинението е подигнато против Абид Подбиќанин (35), Сеад Плојовиќ (31), Тефик Мујовиќ (34) и Изудин Црноврачанин (35) од Нови Пазар, како и Ферат Касумовиќ (30) од Белград, се наведува во соопштението.
Плојовиќ, Црноврачанин и Касумовиќ се наоѓаат во притвор од март годинава, а по покренувањето на обвинениет судот им го продолжи притворот.
Подбиќанин и Мујовиќ се во бегство и за нив е издаден налог за апсење, а предложено е да им се суди во отсуство.
Обвинителството оправдано се сомнева дека Подбиќанин и Мујовиќ на почетокот на 2013 година воспоставиле врска со терористичките организации Исламска држава на Ирак и Левантот (ИС) и Фронтот Ал-Нусра, се вели во соошптението.
Овие организации со одлука на Обединетите нации прогласени се за терористички,а целта им е насилно да ја преземат власта во Сирија.
Постои сомневање дека Подбиќанин и Мујовиќ заедно со Плојовиќ и Црноврачанин од истомисленици во Србија, БиХ, Хрватска, Австрија, Германија и Луксембург континуирано прибирале пари и финансирале повеќе граѓани на Србија и на други држави да заминат во логори за терористичка обука во Сирија, а потоа и на фронт./крај/х
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Завршено вештачењето на мобилниот телефон на мајката на Данка, биле бришени пораки и повици, објавија српските медиуми
Мобилниот телефон на мајката на Данка Илиќ бил испратен на вештачење по исчезнувањето на девојчето. Неофицијалните податоци говорат дека мајката избришала многу пораки и повици ден пред и на денот на исчезнувањето на Данка, објави српски „Блиц“.
Според неофицијални сознанија од истрагата, вештачењето на мобилниот телефон на Ивана Илиќ покажало дека се избришани многу пораки и податоци за повици, пишува српски „Информер“.
„На ден пред исчезнувањето и на денот на исчезнувањето на Данка Илиќ многу пораки и повици се избришани од телефонот. Ова го утврдиле инспекторите за високотехнолошки криминал. Пораките и повиците може да се избришат од телефонот, но да останат во базата на податоци“, рекол изворот.
Како што се дознава, пред исчезнувањето на Данка Илиќ мајката трипати го фотографирала детето од разни агли.
Да потсетиме, мајката на Данка Илиќ, Ивана, денеска повторно е во полициската станица во Бор, каде што е на распит за околностите на својата исчезната ќерка. Таткото помина на полиграфското тестирање.
Регион
„Клучот е кај родителите, тие мора да одговорат на едно прашање“, вели поранешен шеф на белградската полиција за случајот со исчезнувањето на Данка
Родителите се тие што имаат многу да објаснат. Прво, зошто чекаа да го пријават исчезнувањето? Колку што знам, чекаа два часа. Познато е дека кога ќе исчезне дете, веднаш се пријавува за да се реагира бргу, изјави Марко Ницовиќ, поранешен началник на белградската полиција, за „Телеграф.рс“.
Според Ницовиќ, полицијата оди во добра насока бидејќи ја проверува секоја педа од земјата, но се надеваат и дека темелно се проверуваат граничните премини бидејќи не ја исклучуваат можноста за киднапирање.
„Би можело да биде сè, не е исклучена никаква можност. Ако мајката рече дека го оставила девојчето на минута, го поставуваме прашањето каде би можело да оди двегодишното дете? Колку далеку, без мајка му да го најде? Второ, зошто чекаа два часа? Има простор и за киднапирање, а знаеме дека границата е блиску, но и за многу повеќе. Отворени се многу прашања и останува да се почека истражните органи да си ја завршат работата“, вели Ницовиќ за српски „Телеграф“.
Да потсетиме, потрагата по двегодишната Данка Илиќ влезе во четвртиот ден. Во потрагата од утрово се вклучени уште 18 пожарникари и кучето Зиги.
Багери вчера цел ден копаа и вадеа ѓубре и шут од куќата, а пред куќата каде што последен пат беше видена исчезнатата Данка по која трага цела Србија, пристигна тешка механизација, која ќе продолжи да работи денес за да се расчисти теренот.
Регион
Нов силен земјотрес ја погоди Грција: се стресе на Крит
Нов земјотрес со јачина од 3,7 степени според Рихтеровата скала ја погоди Грција, соопшти ЕМСЦ.
Земјотресот е регистриран на Крит, на 62 километра од Ираклион, на длабочина од 16 километри.
Земјотресот е регистриран во 12.37 часот по локално време.
Засега нема информации за повредени или материјална штета.
Грција утрово ја погоди силен земјотрес со јачина од 5,7 степени според Рихтеровата скала по што следеа афтершокови.