Регион
Плавшиќ: Клинтон ги нареди злосторствата во Сребреница
Поранешната претседателка на Република Српска, Биљана Плавшиќ изјавила за Спутник дека некогашниот американски претседател Бил Клинтон е виновен за злосторствата во Сребреница.
Плавшиќ, која по признавањето на вината, од страна на Хашкиот трибунал беше осудена на 11 години затвор поради воени злосторства, изјавила дека е неоспорно оти луѓето во Сребеница страдале, но како што навела, тоа било по нечиј друг налог.
„Клинтон нареди. Тој рече `Америка ќе дојде на ваша страна, на муслимаската страна во војната, ќе ги бомбардира Србите доколку дозволите четниците да влезат во Сребреница. И не смее да има помалку од пет илјади масакрирани“, навела Плавшиќ.
Таа тврди дека Клинтон ова му го рекол на Алија Изетбеговиќ, тогашниот воен лидер на босанските муслимани и член на претседателството на Босна и Херцеговина (БиХ).
„Тој ова му го кажа на Алија Изетбеговиќ, а потоа Изетбеговиќ ова го пренесе до военото претседателство, јас го читав записникот. Тој Хрват во Хаг ми го даде записникот, а мојот адвокат не можеше да стигне до него. Ми рекоа дека записникот вреди 20 илјади марки и јас само го разгледав стенограмот каде што пишуваше кој што кажал. Изетбеговиќ рекол дека `Клинтон го тера`. Сега, после неколку години, во една книга на Американец кој работел во Сараево стои истото“, навела поранешната претседателка на Република Српска.
Според нејзе, Изетбеговиќ ова му го соопштил на Претседателството, а член на военото претседателство тогаш бил Сефер Халиловиќ, кој на ова одговорил со „Алија, па ти си полудел“.
„Но тоа сепак се случи, а во составот на групата која го изврши тоа, не беа само Срби. Ердемовиќ – Хрват, а имаше и еден Словенец, но не се занимавав со тоа, а доколку се анализира, ќе се види дека е местенка“, објаснила Плавшиќ./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Милорад Додик: Република Српска е под постојани санкции предводени од САД
Република Српска е под постојани санкции предводени од САД, изјави на Меѓународниот состанок на високите претставници задолжени за безбедносни прашања во Санкт Петербург, претседателот на Српска Милорад Додик.
Во својот говор Додик укажа на глобалниот проблем поради политички мотивирани санкции.
„Република Српска е директно изложена на овој вид ризик и е под постојани санкции предводени од САД. Ние правиме се што можеме за да ја заштитиме “, рече Додик, кој беше првиот што зборуваше на Состанокот за безбедност како дел од првата пленарна сесија „Обезбедување информациска безбедност во услови на формирање на полицентричен светски поредок: предизвици и можности“.
Регион
Девојка што исчезна во март во Србија е пронајдена
Тијана Симиќ, која била пријавена за исчезната на 13 март оваа година, и последен пат била видена на Карабурма во Белград, е пронајдена повеќе од еден месец од нејзиното исчезнување.
Засега не се познати детали, а среќните вести ги објави нејзината сестра на „Твитер“.
„Тијана ја пронајдовме, ви благодарам на сите за помошта“, напиша таа.
Tijanu smo pronašli, hvala puno svima na pomoći ♥️
— fifo (@sofoklee) April 24, 2024
Семејството на Тијана молеше за помош или било каква информација за неа, и после повеќе од еден месец е пронајдена.
Регион
Во БиХ уапсени 14 шверцери, превезувале мигранти во Хрватска, заработиле 3 милиони евра
Припадниците на Граничната полиција на Босна и Херцеговина уапсија 14 лица под сомнение дека организирале мрежа на криумчари на илегални мигранти преку границата со Хрватска. Акцијата под кодното име „Пирамида“ координирана од Обвинителството на БиХ беше спроведена на 16 различни локации низ земјата.
Како што беше утврдено во досегашната истрага, уапсените организирале илегално преминување на границата на најмалку 600 лица, од кои стотина се деца.
„Според прелиминарните податоци, оваа меѓународна организирана криминална група во изминатите шест месеци остварила финансиска корист од повеќе од шест милиони конвертибилни марки (три милиони евра)“, се вели во полициското соопштение.
Разбивањето на оваа мрежа на трговци со луѓе беше спроведено заедно со Управата за криминалистичка полиција на МВР на Република Хрватска и Европол и со учество на припадници на Агенцијата за разузнавање и безбедност на Босна и Херцеговина (ОСА).
Граничната полиција на БиХ наведува дека продолжува да презема мерки за спречување на шверцот на луѓе, особено против организираните криминални групи. Потсетуваат дека во првите три месеци од годинава полициски службеници и граничари до обвинителството поднеле 83 пријави против 177 лица поради постоење основи на сомнение дека сториле 110 кривични дела криумчарење луѓе.