Регион
Подгорица: Лукшиќ се повлече од трката за генерален секретар на ОН
Кандидатот на Црна Гора за генерален секретар на Обединетите нации, Игор Лукшиќ, ја повлече својата кандидатура, објавија во вторникот вечерта медиумите во Подгорица, цитирајќи го соопштението на министерството за надворешни работи и европски интеграции.
Игор Лукшиќ истакнал дека му претставувало големо задоволство да учествува во процесот во кој добил можноста на транспарентен начин да понуди конкретни мерки и иновации за унапредување на оперативноста на светската организација. Додал дека е задоволен од тоа што платформата која ја претставил била забележана во текот на кампањата и разгледувана со особено внимание, пренесе Телевизија Црна Гора.
Кандидатот за позицијата генерален секретар на ОН, Португалецот Антонио Гутереш досега има најголема поддршка. Веднаш зад него е поранешниот шеф на српската дипломатија Вук Јеремиќ.
Единствената жена меѓу водечките кандидати, според резултатите од вториот круг од гласањето, е аргентинската министерка за надворешни работи Сузана Малкора.
Лукшиќ по вториот круг од гласањето се наоѓаше на крајот од листата со уште неколку кандидати, Наталија Герман од Молдавија и Мирослав Лајчак од Словачка./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Во Хрватска падна снег
На подрачјето на Горски Котар во Хрватска синоќа падна снег, а на места имаше и вистинска снежна покривка.
Снег ја зафати и горанската делница на автопатот А6 Риека – Загреб, но работниците на зимската служба минаа низ снегот и до утрово нема ограничувања во сообраќајот, јавува Н1.
Регион
Вучиќ во ОН: Курти денес не е во Њујорк оти води тајна кампања во Северна Македонија
За време на седницата на Советот за безбедност на Обединетите нации посветена на шестмесечниот извештај на генералниот секретар на ОН Антонио Гутереш за работата на УНМИК, српскиот претседател Александар Вучиќ го обвини лидерот на движењето Самоопределување, Аљбин Курти за мешање во внатрешните работи на Македонија.
Вучиќ истакна дека Курти не бил присутен на седницата во Њујорк бидејќи бил зафатен со водењето на изборната кампања на неговата партија во соседна држава.
Вучиќ изрази изненаденост од тоа што, според него, најпопуларен политичар во Македонија е претседателот на Србија, иако нема кампања во таа земја.
Тој посочи дека како претседател на Србија се извинува за постапките на, како што го нарече, српскиот граѓанин Аљбин Курти и истакна дека мешањето во внатрешните работи на Северна Македонија не е политика на Србија, туку постапка на неодговорен граѓанин.
Регион
Уапсена државјанка на Јужна Африка, осомничена дека ја убилa мајка си во Црна Гора
Јужноафриканска државјанка е уапсена под сомнение дека утрово ја убила својата мајка во Пераст.
Полициската управа соопшти дека медицинскиот персонал на Здравствениот дом во Котор пријавил во полиција дека во станбена зграда во Пераст е пронајдено безживотно тело на жена, а таму била пронајдена и нејзината ќерка Н.Л.Т., пренесува Вијести.
„Полицијата излезе на местото на настанот каде е утврден идентитетот на починатата, а преземени се мерки и дејствија за утврдување на фактите и околностите под кои настапила смртта“, се вели во соопштението на полицијата.
Оттаму додаваат дека увид на лице место е извршено во присуство на обвинител од Вишото државно обвинителство во Подгорица, како и службеник од Центарот за судска медицина.
„По преземени сеопфатни истражни дејствија, припадниците на полицијата дошле до сомнение дека сторител на ова кривично дело е Н.Л.Т. и таа е лишена од слободата.