Регион
Полицаец и двајца напаѓачи се убиени во нападите во Истанбул – ВИДЕО
Еден полицаец и двајца напаѓачи се убиени, додека најмалку десет се ранети во нападите со автомобил-бомба и со огнено оружје врз полициската станица во истанбулскиот кварт Султанбеј, ноќта кон и рано утрото во понеделникот, пренесуваат турските медиуми.
Во експлозијата на автомобилот бомба којашто одекнала околу 1 часот по полноќ во понеделниот, се повредени седум цивили, двајца полицајци и еден заменик-началник на полициската станица, пренесува телевизија CNNTürk, повикувајќи се на соопштение на полицијата на Истанбул.
Во меѓувреме, делови од трикатната полициска станица се урнаа оштетувајќи ги околните згради и десетици автомобили, кои исто така се оштетени во пожарот што избувнал по експлозијата. Огнот бил брзо ставен под контрола, а жртвите во нападот се хоспитализирани, пренесува агенцијата Cihan.
Иако полициските сили го блокирале приодот кон местото на нападот, околу 6,45 часот напаѓачи повторно отвориле оган врз припадниците на полицијата кои ја спроведувале истрагата. Во извештајот на агенцијата Dogan се истакнува дека престрелката продолжила подолго време, и притоа во судирот бил убиен шефот на тимот за деминирање, Бајазит Чекен. Се додава полицијата ги подигнала телата на застрелани двајца напаѓачи.
Очевидци за медиумите рекле дека непозната група луѓе непосредно пред нападот врз полициската станица, со камења и други предмети го нападнало локалното седиште на Народната демократска партија (HDP).
Неколку часа по експлозијата пред полициската станица, двајца напаѓачи отворија оган врз зградата на конзулатот на САД во Истанбул, и побегнале кога полициското обезбедување на објектот возвратило. Агенцијата Doğan, јави дека во нападот во истанбулската населба Саријер учествувале маж и жена. Жената наводно подоцна била уапсена во куќа близу местото на нападот, во која се криела.
Во овој напад што го потврди и американската амбасада во Анкара, немало повредени, а портпаролот на дипломатската мисија во турската престолнина за AFP изјавил дека „сé уште се работи на утврдување на околностите за нападот“.
Засега нема информации дали двата напада, за кои засега никој не ја презема одговорноста, меѓусебно се поврзани.
Владата на Турција од крајот на јули презема широка операција против забранетата Работничка партија на Курдистан (PKK) и џихадистичката организација Исламска држава, како и против помалите екстремни левичарски групации. Во судирите и терористичките напади со кои возврати PKK, досега се убиени најмалку 25 припадници на турските безбедносни сили./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.
Регион
Словенечката опозиција бара истрага за случаите со крадење бебиња во Југославија: „Можеби се продадени повеќе од 20.000 деца“
Опозициските партии во Словенија поднесоа барање за парламентарна истрага за потенцијалното учество и одговорност на јавните службеници во случаите на кражба на деца во таа земја во периодот од 1965 до 1991 година, изјави денеска пратеничката на Словенечката демократска партија (СДС) Аленка Јерај.
„Во таканаречената трговија со бебиња, којашто се случуваше воглавно во 70те и 80те години во поранешна Југославија, повеќе од 20.000 деца можеби се продадени“, рече Јерај и додаде дека се соработува со српските друштва за овие случаи, пренесе СТА.
Овој проблем минатата година словенечкото здружение на родители на украдени деца го презентираше до собраниската Комисија за претставки, човекови права и еднакви можности со пропратна документација, а министерката за внатрешни работи Татјана Бобнар тогаш вети дека надлежните служби ќе направат се во нивната моќ.
Јерај изјави дека надлежните не презеле ништо, наведувајќи дека медицинскиот персонал инволвиран во неколку случаи на кражба на бебиња не бил вклучен во полициската истрага, а полицијата не ја презела документацијата од здружението на родители.
Словенечкиот премиер Роберт Голоб претходно оваа недела истакна дека 45 од 59 случаи на сомнителни кражби на бебиња се веќе затворени.