Регион
Поради загадувањето на воздухот затворени училиштата во Сараево
Власите на Сараевската жупанија во средата донесоа одлука за прекин на наставата во сите основни и средни училишта во главниот град на Босна и Херцеговина, одговарајќи на критиките на граѓаните и еколошките здруженија поради нивниот пасивен однос кон сé поголемото загадување на воздухот.
„Причината за запирање на наставата е податокот дека е зголемена загаденоста на воздухот во подолг период, според некои информации најдолго во последните децении, и дека таа предизвикала здравствени проблеми кај голем број деца, што со оваа мерка ќе се нарави одби да се стабилизира“, се наведува во соопштението на сараевската жупанија што го цитираа медиумите.
Министерот за образование Елвир Казазовиќ потврди дека одлуката останува на сила додека загадувањето не се намали, односно додека не се променат метеоролошките услови. Изјави и дека загадувањето не е такво дека треба да се прекине наставата, која инаку трае до 31-ви декември, но одлуката била донесена „поради притисокот од родителите“.
На владините интернет страници во средата немаше истакнато никакви податоци за моменталното загадување на воздухот во главниот град, но минатата седмица беа објавени показатели со некои мерни станици во Сараево за алармантните зголемувања на концентрациите од штетните честички.
Концентрацијата во воздухот во Сараево била поголема од 300 микрограми на квадратен метар, а за Сараево важи мерката за квалитетот на воздухот според која за прифатлива се смета концентрацијата од 40 микрограми. Во Европската унија оваа граница 25 микрограми.
Сараевските медиуми истакнуваат дека во градот во зимските месеци загадувањата ги предизвикуваат крутите горива за ложење, со многу високиот број стари автомобили кои не ги задоволуваат минималните еколошки стандарди.
Состојбата на приправност во Сараево поради загадувањето на воздухот во практика не значи ништо, бидејќи тоа се сведува на препораки и совети кои не се обврзувачки за ниеден субјект, забележува јавноста. Така, на граѓаните им се препорачува да не излегуваат од домовите, да не ги отвораат прозорците и да го намалат пушењето, а на полицијата да ги контролира возилата и да утврди кои од нив не ги задоволуваат минималните еколошки стандарди.
Медиумите, забележуваат дека владата директно предизвикала влошување на состојбата дозволувајќи увоз на десетици користени автобуси од Турција наменети за градскиот сообраќај. Тие автобуси имаат мотори на ниво Еуро и чија употреба е одамна забранета, па во Сараево беа направени измени на законот за да можат да се пуштат во сообраќај ваквите, како што велат активистите, „еколошки бомби“.
Експертот за квалитетот на воздухот Мартин Таис предупреди дека состојбата долгорочно ќе се промени само доколку се прекине со непланското градење повеќекатници на правците на струење на воздухот и решавањето на проблемот со сообраќајните метежи во Сараево./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.