Регион
Потпретседателката на ЕП сака да го види Косово во ОН
Потпретседателката на Европскиот парламент (ЕП), Улрика Луначек, се надева дека Косово наскоро ќе биде примено во разните институции на Обединетите нации (ОН), како и во самата светска организација, истакнувајќи дека преостанатите земји членки на ЕУ треба да ја признаат независноста на Косово.
Таа, во видео порака прикажана на собирот „Мултилатерална дипломатија – можностите и предизвиците за членството на Косово во меѓународните организации“, во Виена, рекла дека за жал постојат проблеми внатре во Косово, наведувајќи дека би сакала веќе да биде формирана влада, бидејќи би било полесно за оние кои го поддржуваат Косово кон полноправно членство во меѓународните организации.
Луначек додала дека постојат и проблеми во врска со ЕУЛЕКС и дека обвинувањата поврзани со корупција се тема и на ЕП. Австриската политичарка се заложила за признавање на независноста на Косово од земјите членки на ЕУ кои досега не го направиле тоа, порачувајќи дека не постои статус на неутралност.
„Се надевам дека ќе дојде до промена на ставот, барем кај некои земји. На аргументот кои некои го користат дека независноста на Косово е против меѓународното право, потсетувам дека постои одлука на Меѓународниот суд според која прогласувањето на независноста не била против меѓународното право“, порачала таа.
Според Луначек, некои земји стравуваат дека нивните малцинства би можеле, исто така, да побараат независност, но дека не треба да се плашат бидејќи ниедна демократска влада во ЕУ не го правела тоа што режимот на Милошевиќ го правел кон косовските Албанци.
„Споредбата е невозможна“, потенцирала Луначек, изразувајќи надеж дека големата бројка земји членки на ОН кои го признале Косово ќе продолжи да расте и дека наскоро оваа „најмлада држава“ во Европа ќе биде примена во различни институции, агенции на ОН, како и во самата светска организација.
„На тоа највеќе работам со повеќе колеги во ЕП“, навела Луначек.
Директорот на Дипломатската академија на Косово, Скендер Дурмиши, истакнал дека Приштина на своите граѓани им нуди уставни гаранции, демократија, мир и толеранција, исто како и сите останати членки на меѓународните организации и дека мултилатералната дипломатија и членството во меѓународните организации е цел на Косово.
Генералниот директор на косовското министерство за надворешни работи, Алберт Пренкај, говорејќи за односите со Белград, оценил дека единственото одржливо решение е потпишување на мировен договор, во кој би се содржело и признавањето на независност од страна на Србија./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Полицајци и пожарникари пристигнуваат пред куќата каде што исчезна Данка
Во Бањско Поле во Србија пристигнуваат уште полициски сили и пожарникари во околината на викендичката на семејството Илиќ во близина на која последен пат била видена малата Данка Илиќ по која веќе трет ден се трага.
Покрај пожарникари и полиција, на самото место има и багер, иако сè уште нема официјални информации зошто. Репортерот на српски „Телеграф“ јавува дека полицијата отвора шахти околу куќата на семејството Илиќ.
Како што објави „Телеграф“, полицијата и работниците од ЈКП од утрово го расчистуваат теренот.
Данка Илиќ исчезна во вторникот во 13.45 часот кога мајка ѝ му давала вода на другото дете.
По девојчето 27 часа трагаа припадници на жандармеријата, полицијата, пожарникари, спасувачи, како и многубројни мештани. По 27 часа, српската полиција го прекина пребарувањето на теренот во Бањско Поле.
Регион
Кризата во Бугарија продолжува: никој не може да формира влада, на повидок се нови избори
Претставниците на партијата Има таков народ, денеска, на бугарскиот претседател Румен Радев му го вратија третиот и последен мандат за состав на влада, со што се отвора патот за закажување вонредни парламентарна избори.
Мандатот што ѝ беше врачен на ИТН беше последна шанса за формирање редовна влада во рамките на сегашното Народно собрание, јавува Бугарското радио. Претседателот Радев сега треба да го одреди датумот на предвремените избори за парламентот откога неисполнети му беа вратени трите мандати за формирање влада.
На изборите во април минатата година ГЕРБ освои 69 пратенички мандати, коалицијата предводена од партијата Продолжуваме со промените освои 64 од вкупно 240 места во бугарскиот парламент, а нивните обиди за формирање влада претходно беа неуспешни.
Првиот мандат Радев ѝ го довери на коалицијата ГЕРБ-СДС, но таа не формира влада, мандатарката Марија Габриел се откажа и го врати мандатот.
Вториот мандат за состав на влада му беше доверен на Николај Денков.
Третиот мандат за состав на влада, според бугарскиот Устав, претседателот го доверува на една од другите парламентарни сили, по негова дискреција, во рок од 7 дена. Според Уставот, доколку не се постигне договор за формирање влада, претседателот по консултација со пратеничките групи назначува преодна влада и распишува нови предвремени избори во рок од 2 месеца.
Регион
Атина во густ облак од прашина и песок од Сахара
Главниот град на Грција, Атина, се најде во облак од прашина и песок од пустината Сахара и Северна Африка, феномен кој е проследен со особено високи температури.
Воздухот во градот треба да се подобри од утре наутро, велат метеоролозите.
„Во пролет март-април, циклоните, кои се движат кон исток по северноафриканскиот брег, носат прашина кон источен Медитеран. Типична песочна бура со дострел од 200 километри носи од 20 до 30 милиони тони прашина, понекогаш и до 100 милиони“, објаснува директорот на Грчката метеоролошка служба, Теодорос Колидас.
Главниот град често се наоѓа на патот на тие песочни бури, но оваа година беше проследен со особено високи температури поради што е речиси невозможно да се дише.
Во центарот на Атина на 27 март беа забележани 25,3 Целзиусови степени, што е рекорд од март 2009 година, а на Крит температурите достигнаа и до 32 степена, истакнаа од Грчката метеоролошка служба.
Сојузот на пулмолозите на Грција препорача најранливите групи население, особено луѓето што страдаат од астма, да избегнуваат „непотребни движења и спортови на отворено кога концентрациите на прашина се највисоки“.
„Африканската прашина носи честички кои може да се интегрираат со полен, бактерии и габи создавајќи многу токсична и опасна смеса за човечкото тело, а особено за респираторниот систем“, предупредува Сојузот.