Регион
Пукање во кипарско летувалиште, четворица убиени
Четири лица се убиени а уште две се ранети во пукање во летивалиштето Аја Напа на Кипар, јавуваат локалните медиуми повикувајќи се на локалната полиција.
Четири лица се убиени а уште две се ранети во пукање во летивалиштето Аја Напа на Кипар, јавуваат локалните медиуми повикувајќи се на локалната полиција.
Националното радио јави за четворица убиени, меѓу кои и познат локален бизнисмен Панос Калопсидиотис. Бизнисменот во време на нападот бил придржуван од најмалку еден телохранител.
Полицијата ја отфрла можноста дека станува збор за терористички напад. Според неа, се случила престрелка, најверојатно меѓу членови на локалните криминални групи. Националноста на жртвите не е соопштена.
Порталот CyprusMail, исто така, наведува дека четири лица се убиени во четвртокот ноќта во престрелка во ресторан во Аја Напа. Во извештајот се наведува дека извештаите од полицијата се оскудни, а само е познато дека уште две лица се ранети, кои се пренесени во болница, но не е позната нивната состојба.
Полициски извор на порталот рекол дека една од жртвите можеби е напаѓачот кој ја иницирал престрелката. Според очевидци, наводно еден маж му се приближил на бизнисменот извадил пиштол и почнал да стрела, а телохранителите возвратиле убивајќи го напаѓачот.
Сведоци, исто така, рекле дека една од жртвите била жена, којашто случајно се нашла во близина на месото на пресметката. Подоцна се покажало дека таа е сопруга на полицаец, но не е јасно дали тој и во придружба на бизнисменот. Други извори велат дека двојката била во друштво на бизнисменот и оти се убиени пред нивните две малолетни деца. Но во извештаите се истакнува дека овие информации засега не можат да се проверат.
Медиумите на Кипар истакнуваат дека оваа престрелка се случува токму на годишнината откако на 23-ти јуни 2012 година пет мажи, тројца кипарски Грци и двајца Романци, биле застрелани во една уличка со посетени ноќни клубови во Аја Напа. Во врска со ова повеќекратно убиство двајца Грци се осудени на по пет доживотни затворски казни.
Четири од жртвите работеле во локалите токму на бизнисменот Калопсидиотис за кој полицијата и тогаш и сега верува дека бил главната цел на нападите.
Засега не е потврдено дека тој е меѓу четирите жртви во нападот од четвртокот ноќта. Неговиот татко, Јоанис Теофанус, алијас Калопсидиотис, бил убиен во јуни 2014 година пред прагот на неговиот дом во местото Паралимни./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Двегодишното девојче кое исчезна во Србија се бара насекаде, полицијата врши распити на голем број лица
Потрагата по девојчето Данка Илиќ (2), кое во вторникот исчезна во Бањско поле во Бор, се уште трае и не се знае како е можно девојчето да се изгуби. Полицијата ја проверува секоја информација што ќе дојде до нив, сослушани се неколку лица, повторно се разговараше со родителите, но ниту една информација не укажува на тоа што се случило и каде е Данка, пишува „Нова.рс“
Екипата на порталот денеска беше во Бањско поле каде се уште има голем број полицајци. Властите со багер го чистеа теренот околу куќата во која последен пат била видена Данка. Исто така, на имотот е извршено ископување, а јамите повторно се пребаруваат.
Полицијата ја истражува секоја трага што може да укаже на тоа што се случило со девојчето.
„Полицијата разговараше со голем број луѓе, соседи, познаници, се со цел да ја пронајде Данка. Досега ниту една трага не довела до тоа каде е девојчето или што и се случило“, вели изворот на Нова.рс.
Истрагата се одвива во повеќе правци, а денеска полицијата повторно разговараше со родителите на девојчето.
„На вториот ден од нејзиното исчезнување, родителите на девојчето биле во полиција до доцна во ноќта. Тие утрово биле повторно повикани, а исто така цел ден поминале во полициска станица. Не се познати околностите врз основа на кои два дена биле на распит. Извесно е дека родителите вчера имале разговори и со Центарот за социјална работа, а повеќе од тоа не се знае“, додава изворот на „Нова.рс“.
Неофицијално беше објавено и дека полицијата нашла нова трага, односно дупка на местото на кое исчезна девојчето, и дека целото внимание го насочува кон тоа.
Она што е сигурно е дека се проверуваат сите околности и се сослушуваат и сите лица кои можеби имаат сознанија за случајот.
Меѓу нив е и кој бил зад воланот на автомобилот „пунто“ што го снимиле надзорните камери на куќата во Бањско Поље, во моментот на исчезнувањето на малата Данка. Куќата пред која е снимен автомобилот се наоѓа на стотина метри од местото каде исчезна Данка.
На снимката се гледа автомобил кој брза околу 13 часот и 47 минути, а малото девојче исчезнало малку пред тоа, околу 13 часот и 45 минути, како што вели нејзината мајка.
„Ја знам таа жена, ја видов како носи две деца во парк, страшно е што се случи“, велат соседите.
Девојчето Данка Илиќ исчезна во вторникот во Бањско Поље кај Бор. Во средата по 27 часот полицијата ја прекина потрагата и започна друг вид на акција за пронаоѓање на детето. Во ова мало место кај Бор се уште остана одреден број полицајци, а вчера беше блокиран и пристапот до куќата.
Во потрагата по исчезнатото дете се вклучени припадници на Жандармеријата, пожарникари, планинска спасувачка служба, како и голем број доброволци.
Регион
„Само се шалевме“ – уапсените поради тврдењата за исчезнатото девојче се донесени во полиција
Тројцата кои беа уапсени во Босна и Хервеговина, а тврдеа дека имаат информации за исчезнатото девојче од Србија, Данка Илиќ и бараа пари, во полиција рекле дека „само се шегувале“, пренесува Н1 Сараево.
Федералната полициска управа вечерва уапси три лица кои на социјалните мрежи тврдеа дека имаат информации за исчезнувањето на двегодишното девојче од Србија, Данка Илиќ, по коешто трага речиси целиот регион.
Како што јави известувачот на Н1, уапсените биле донесени во зградата на Федералната полициска управа.
Како што се дознава, за време на преносот во живо на „Тик-ток“, тие побарале десетици евра за да ја откријат локацијата на девојчето и тврделе дека ја чуваат во подрумот.
Веднаш по апсењето изјавиле дека „само се шегувале“. Сите уапсени се членови на исто семејство.
Инспекторите на Одделот за компјутерски криминал на Федералната полициска управа преку ИП адресата ги лоцираше лицата кои тврделе дека имаат информации за исчезнувањето на детето.
Вчера на социјалните мрежи се појави видео од надзорната камера на куќа лоцирана во близина на местото каде исчезна Данка Илиќ во 13:45 часот.
На видеото се гледа автомобил кој брза во 13 часот и 47 минути, а малото девојче исчезнало малку пред тоа, односно во 13 часот и 45 минути, како што рекла нејзината мајка.
Регион
Барале 25.000 евра за да дадат информации за исчезнатото девојче: детали за апсењето на три лица во БиХ
Припадниците на полицијата привеле три лица, кои се осомничени дека преку ТикТок објавиле дека се поврзани со исчезнувањето на девојчето Данка Илиќ (2) во Србија.
„Федералната полициска управа, постапувајќи според актот на НЦБ Интерпол Белград, презеде мерки и дејствија од нејзина надлежност, што резултираше со лишување од слобода на три лица на територијата на Хаџиќ, Сараево“, беше потврдено и кои се сомничат дека имале сознанија за исчезнување на малолетно девојче од Србија.
Инспекторите на Одделот за компјутерски криминал на Федералната полициска управа, ги лоцирале по пат на ИП адреса лицата кои тврделе дека имаат информации за исчезнувањето на малолетно девојче, односно барале 25.000 евра за откривање информации.
„Малолетното девојче не е пронајдено на територијата на Хаџиќ, а кривичната истрага за лицата лишени од слобода е во тек“, изјави сојузниот инспектор Ервин Мушиновиќ.
Девојчето Данка Илиќ (2) во вторникот исчезна во Бањско поле кај Бор.
Оттогаш, потрагата по неа трае, а во Србија за прв пат е активиран системот амбер алерт.