Регион
Путин и Пахор предупредија на проблемите на безбедноста и тероризмот
Словенечкиот претседател Борут Пахор кој во саботата му беше домаќин на рускиот колега по должност Владимир Путин, на комеморативната свеченост кај ткн Руска капела на превојот Вршич во Јулиските Алпи, во спомен на загинатите руски и советски војници во текот на Првата и на Втората светска војна, во своите говори алудираа на актуелните безбедносни прашања во Европа и во светот.
Комеморативната свеченост кај дрвената капела која руските воени заробеници ја подигнале во 1916 година во спомен на повеќето стотици другари загинати во снежната лавина при градење на патот, присуствуваше со големи безбедносни мерки речиси целиот словенечки политички врва, гости од економските, политичките и општествени кругови, претставници на Руската и на Српската православна црква, и највисоките претставници на словенечката Католичка црква.
Меѓу околу трите илјади лица беа и словенечкиот премиер Мор Церар, претседателот на парламентот Милан Брглез, министерот за надворешни работи Карл Ергавец и повеќе други министри, повеќе парламентарци, поранешните претседатели Милан Кучан и Данило Турк, еден од кандидатите за нов генерален секретар на Обединетите нации кој, според словенечките медиум, наводно ја има и поддршката на Русија.
Медиумите го регистрираа и присуството на поранешната словенечка премиерка Аленка Братушек, додека некогашниот премиер и челник на опозицијата Јанез Јанша не одговори на поканата да дојде на собирот со рускиот претседател.
Свеченоста започна со руската и словенечката химна, со присуство на почесните стражи на словенечката и руската војска со надгробен споменик за загинатите руски војници, а по комеморацијата се одржа куса програма, и молитва за загинатите во светските војни.
Да се здружат силите против тероризмот и да се надвладее недовербата
Словенечкиот претседател Пахор, споменувајќи ги страшните последици од двете светски војни, изрази стравување дека на светот по двете војни и големите жртви може да му се закани „третата светска војна“ или некоја друга слична закана, особено нагласувајќи ги терористичките закани од коишто повеќе не е поштедена ниту Европа.
Светот се менува и денес е тешко класично да се разликува војна и други облици на закани како тероризам и друг форми на насилства, но против нив треба да се обединат сите сили и да се изнајдат иновативни начини за да им се спротистави, истакна Пахор додавајќи дека современиот тероризам денес им се заканува на Франција и на Германија, кои важеа како сигурни земји, но и на Русија на Блискиот исток и на целиот свет. Против него треба да се здружат сите слободољубиви сили и земји, без оглед на разликите кои постојат меѓу нив.
„Тоа не е, ниту ќе биде лесно, но потребен е постојан дијалог за да се надвладее недовербата“, истакна словенечкиот претседател, додавајќи дека „лудото насилство“ на современиот тероризам оправдано предизвикува огорчување меѓу луѓето, но и „непријатност“ во врска со иднината.
Во својот говор Путин во прв ред изјави дека ѝ се заблагодарува на „пријателска Словенија“, којашто, како што нагласи, секогаш гостољубиво ги прима гостите од Русија и го одржува пријателството на двата народа и историските традиции кои ги поврзуваат.
„Голема благодарност за Словенија и Словенците за сé што сторивте да се зачува споменот на руските жртви од војните и на сé што тие дале“, изјави Путин додавајќи дека руската црквичка на Вршич останува симбол на пријателството меѓу Русија и Словенија и нивните народи, како и на нивните „заеднички тежнеења за мир, благосостојба и просперитет“
Путин додаде дека и споменикот на руските и советските војници на љубљанските гробишта Жале потсетува на одлучувачката улога на Русија во ослободувањето на Европа од нацизмот.
Путин реле и дека Словенија и Русија споделуваат дел од заедничката историја и дека младите луѓе треба да бидат воспитувани и да бидат потсетувани на историските вистини во текот на нивното образование, за кај нив да не преовладуваат историските фалсификати, но и дека треба да бидат улени за потребата од соработка и јакнење на довербата во Европа и во светот.
„Искрена благодарноста на Словенија за грижливот однос кон нашата заедничка историја“, реле Путин кој во текот на својот говор повеќепати беше прекинуван со аплаузи од присутните. .
Словенечката државна телевизија во директен пренос ја следи посетата на Путин, што претходно се има случено само двапати во историјата, и тоа и двата пати при посетата на покојниот папа Јован Павле Втори.
По комеморацијата на љубљанските гробишта Жале, Путин се упати во резиденцијалниот комплекс Брдо крај Крањ, каде има средба „во четири очи“ со словенечкиот домаќин Пахор, а потоа ќе следи прес конференција.
На Брдо крај Крањ, според некои руски медиуми, предвидени се и разговори на државните делегации за билатералните и економски прашања, но според наводите на словенечкиот протокол денешната посета на Путин има приватна и пиетитна природа, па нема да се зборува пошироко за политичките теми, а нема да биде потпишен меѓународен договор.
Доаѓањето на Путин од утрото предизвика големи застои во сообраќајот во Словенија, но и во соседните земји, поради силните безбедносни мерки. Заминувањето на Путин се очекува во вечерните часови, по свечената вечера кој во неговата чест ја приредува Пахор./крај/мф/сн
Извор: STA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Братот на осомничениот за убиството на малата Данка починал од насилство, а не од природна смрт, пишуваат медиуми
Д.Д.(40), брат на еден од осомничените за исчезнувањето и смртта на двегодишното девојче Д.И., починал од насилна смрт на 7 април во раните утрински часови во полициската станица во Бор, констатирано е од стручното мислење на Институтот за судска медицина во Белград, објави Радар.
Во судско-медицинскиот извештај на телото на Д.Д биле констатирани бројни повреди, поради што вештаците констатирале дека се работи за насилна смрт. Наодите на вештачењето се проследени до надлежното Вишо јавно обвинителство Заечар за понатамошно постапување, пишува Радар.
Осомничениот Д.Д од Бор, во саботата на 6 април, во полициската станица во Бор бил задржан до 48 часа поради постоење основи на сомнение дека по извршеното кривично дело му помогнал на својот десетгодишен брат, кој е осомничен за убиството на двегодишната Данка Илиќ.
Истата вечер, три часа по полноќ, полицијата соопшти дека од „природна смрт“ починал Д.Д. Во соопштението на полицијата од 7 април, се наведува дека на осомничениот му се „слошило“ во раните утрински часови и дека „и покрај навремената реакција на полициските службеници и лекарите од Здравствениот дом во Бор, кои се обиделе да извршат реанимација, Д.Д. починал во 3 часот и 10 минути“.
Вештачењето на Институтот за судска медицина во Белград, пак, покажа дека Д.Д. не починал од природна смрт, но од последиците од тепањето, чии траги беа јасно видливи и детално опишани во вештачењето.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.