Регион
Путин незадоволен од разговорите, помалку гас за Србија
Претседателот на Русија, Владимир Путин одлучи да ја намали испораката на гас за Србија за 28 отсто, а оваа одлука ја донел незадоволен од исходот од разговорите во Белград, јавуваат српските медиуми.
Причина е тоа што српскиот премиер, Александар Вучиќ одбил да го потпише протоколот со којшто се регулира враќањето на долгот од 200 милиони долари за гас до март следната година, пишува весникот „Данас“.Вучиќ одбил да ја потпише гаранцијата дека Србија до март ќе го врати овој долг, бидејќи сметал дека ова барање на Путин било нефер, со оглед на тоа дека Русија преку Нафтената индустрија Србија (НИС) профитира многу од Србија.Тој на Путин како причина за непотпишувањето на документот му го навел тоа што дека Русија зема огромен профит преку НИС, а ова го овозможило штетниот договор за продажба на оваа компанија меѓу Русија и Србија потпишан во 2008 година.Премиерот на Србија, Александар Вучиќ за ова ги известил членовите на Владата на последната седница. Како што пишува „Данас“, премиерот бил лут поради барањето на Путин и рекол дека е разочаран од одлуката на Путин да ја намали испораката на гас за Србија.Министерот за енергетика на Србија, Александар Антиќ поради ова ќе напише протестно писмо до руската компанија задолжена за испорака на гас. /крај/данас
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Регион
Убиен работник од Украина во Славонски Брод
Во центарот на Славонски Брод во попладневните часови е пронајдено машко тело.
Полициската управа Брод-Посавина соопшти дека е приведено едно лице поврзано со инцидентот.
Се работи за млад градежен работник од Украина. Конфликт се случил во стан во центарот на градот каде што биле сместени работниците (родени во 90-тите).
Полицијата соопшти дека телото на мажот е пронајдено во куќата околу 15:17 часот и дека се води истрага, а потоа и кривична истрага која треба да ги расветли сите околности.
Регион
Таткото на осомничениот за убиството на Данка Илиќ го откажал полномошното на адвокатот
Небојша Живановиќ, адвокатот на Радослав Д., таткото на Дејан Д., кој е осомничен за убиството на двегодишното девојче Данка Илиќ, за Танјуг изјави дека неговиот клиент го откажал полномошното.
Радослав Д. е осомничен дека му помогнал на својот син да го премести телото на девојчето од депонијата на засега непозната локација.
Со оглед на тоа што го откажал полномошното на избраниот бранител, сега треба да му се определи бранител по службена должност на Радослав Д.
Биолошкиот брат на осомничениот Дејан Д., Далибор Д., почина на 7 април во Полициската станица во Бор, каде беше осомничен дека му помогнал на својот брат да го скрие телото на двегодишното девојче.
Двегодишната Данка Илиќ исчезна на 26 март во Бањско поле кај Бор, а полицијата по 10-дневна потрага и детални проверки и информации ги уапси Срѓан Ј. и Драган Д. од Бор, кои се осомничени дека го удриле девојчето со автомобил, а потоа нејзиното тело го ставиле во багажникот на автомобилот и го однеле на депонија.
Телото на девојчето се уште не е пронајдено.