Регион
Рамуш Харадинај уапсен, па ослободен
Претседателот на Алијансата за иднина на Косово (АЗБК), Рамуш Харадинај во среда е уапсен по потерница која по него ја распишала Србија во 2006 година, јавуваат приштинските медиуми.
Како што јавува српски Блиц, Харадинај бил уапсен на аеродромот во Љубљана, при враќање од Брисел. Претходно Харадинај, бил во официјална посета на Германија, а потоа во Брисел, од каде се упатил за Словенија.По приведувањето по потерница на белградската канцеларија на Интерпол и проверката за што се работи, веднаш бил пуштен. Тој за порталот Gazeta express изјавил дека многу брзо ќе се врати во Приштина и дека единствената штета која му била нанесена е тоа што го пропуштил авионот за Приштина.„Јас не сум уапсен, меѓутоа треба време за чистењето на листата со потерници од словенечкиот систем. Со првиот следен авион ќе се вратам во Приштина“, изјавил Харадинај.АЗБК го осуди апењето на нивните лидер и побара веднаш да биде пуштен на слобода. „Ова веќе навистина нема смисла. Харадинај доброволно се предаде во Хаг, каде беше два пати ослободен од сите обвиненија. Србија би требало веќе еднаш да се реши од тие обвиненија за сите времиња. И тоа треба да биде нормализација на односите меѓу Белград и Приштина. Апсењето на лидерите на партиите ги заоструваат односите меѓу двете земји, и тоа прашање треба да се реши со посредство на Вашингтон“, вели за Блиц аналитичарот Фатмир Шехоли. Тој потсетува дека по исти потерници биле апсени, па пуштени Хашим Тачи и Агим Чеку.Хашкиот трибунал два пати го ослободи од вина Харадинај по обвинението за воени злосторства над Србите и другото неалбанско население во Косово. Власите во Белград против него поднеле 108 кривични пријави поради сомнеж дека извршил кривични дела тероризам, здружување заради непријателско делување и убивање на цивили./крај/м/ффс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.
Регион
Словенечката опозиција бара истрага за случаите со крадење бебиња во Југославија: „Можеби се продадени повеќе од 20.000 деца“
Опозициските партии во Словенија поднесоа барање за парламентарна истрага за потенцијалното учество и одговорност на јавните службеници во случаите на кражба на деца во таа земја во периодот од 1965 до 1991 година, изјави денеска пратеничката на Словенечката демократска партија (СДС) Аленка Јерај.
„Во таканаречената трговија со бебиња, којашто се случуваше воглавно во 70те и 80те години во поранешна Југославија, повеќе од 20.000 деца можеби се продадени“, рече Јерај и додаде дека се соработува со српските друштва за овие случаи, пренесе СТА.
Овој проблем минатата година словенечкото здружение на родители на украдени деца го презентираше до собраниската Комисија за претставки, човекови права и еднакви можности со пропратна документација, а министерката за внатрешни работи Татјана Бобнар тогаш вети дека надлежните служби ќе направат се во нивната моќ.
Јерај изјави дека надлежните не презеле ништо, наведувајќи дека медицинскиот персонал инволвиран во неколку случаи на кражба на бебиња не бил вклучен во полициската истрага, а полицијата не ја презела документацијата од здружението на родители.
Словенечкиот премиер Роберт Голоб претходно оваа недела истакна дека 45 од 59 случаи на сомнителни кражби на бебиња се веќе затворени.