Регион
САД го осуди „воинственото“ однесување на Шешељ
Соединетите Американски Држави (САД) го осудија во средата „воинственото“ однесување на Воислав Шешељ по ослободување од притвор од Хашкиот суд и ги повикаа властите на сите државите од регионот да спречат провокативна реторика која ги враќа во минатото.
„Однесувањето на Шешељ откако беше пуштен на слобода откри некои болни поделби од минатото… Го осудуваме неговото воинствено однесување кое претставува предизвик за помирување во регионот“, изјавид Дејвид Пресман, американски претставник на седницата на Советот за безбедност на ОН посветена на работењето на Хашкиот суд.
Тој ги повика владите на сите држави во регионот да „сторат се за да се избегне провокативната реторика“ и да се обезбеди целосна соработка со Хашкиот суд.
Претставникот на Русија, Евгениј Загајнов не го коментираше однесувањето на Шешељ, туку оцени дека неносењето на пресудата по 12 години судење претставува „неисполнување на правните стандарди“.
Шешељ, кој е обинет за воени злосторства над несрпско население, пуштен е на слобода од притвор на почетокот на ноември, поради здравтсвени причини. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.
Регион
Еден од убијците на Данка бара нов адвокат
Второосомничениот Срѓан Јанковиќ кој цело време се бранеше со молчење во Обвинителството му го откажал полномошното на својот адвокат бидејќи не сака повеќе да го брани.
Јанковиќ побарал да му биде доделен адвокат по службена должност, пренесуваат српските медиуми.
Ова не изненади бидејќи ретко се случува на сред рочиште осомничениот да побара смена на адвокат – велат од обвинителството.
– Понатамошната постапка е таква што следува разговор на новиот адвокат со осомничениот Јанковиќ. Со оглед на текот на рочиштето, апсолутно секој адвокат ќе го советува да престане да се брани со молчење бидејќи подобро е самиот Јанковиќ да каже се што знае. Убедени сме дека е прашање кога Јанковиќ доброволно ќе ја изнесе својата одбрана во обвинителството. Се надеваме дека постои можност да се дознае каде е телото на малата Данка – неофицијално се дознава од надлежните.
Доколку се оствари предвидувањето на обвинителството, се очекуваат нови моменти во истрагата откако Јанковиќ ќе ја каже својата верзија за настаните.