Регион
САД стави двајца Грци на терористичката листа
– Мазиотис, Ксирос, Рупа
САД стави двајца грчки државјани на списокот од меѓународни терористи, објави Стејт департментот во вторникот.
САД стави двајца грчки државјани на списокот од меѓународни терористи, објави Стејт департментот во вторникот.
Станува збор за Кристодулос Ксирос и Николаос Мазиотис. Во образложението на Стејт департментот се наведува дека Ксирос „беше еден од главните атентатори“ на групата 17-ти Ноември која „беше активна од 1970-те до 2002-те години и изведе напади врз грчките политичари и деловни луѓе, како и врз западните интереси.
Станува збор за организација којашто е обвинета или ја презема одговорноста за убиства на 23 лица во 103 напади врз грчки, американски, британски и турски цели.
Во 2002 сега 56-годишниот Ксирос беше осуден на шест доживотни казни и 25 години тешка робија за учество во 33 терористички напади и шест убиства. Ксирос се смета за главен извршител на „17-ти Ноември“, која беше распуштена во 2002 година, и којашто ја презема одговорноста за вкупно 23 убиства извршени во периодот од 1975 до 2000 година, а особено убиството на шефот на канцеларијата на американската CIA во Атина, Ричард Велч, од вкупно пет жртви на американското дипломатско претставништво. Во 1997 година организацијата „17-ти Ноември“ беше ставена на листата терористички групи на САД, а по бегството на Кирос, американскиот Стејт департмент инсистираше Атина да го пронајде и да го врати терористот во затвор.
На 9-ти јануари 2014 година Кирос не се врати во добро чуваниот атински затвор Коридалос откако беше пуштен на отсуство во текот на божикните празници, а грчките власти објавија награда од милиони евра за информации коишто ќе придонесат за негово пронаоѓање и апсење.
Неколку дена по бегството, на 20-ти јануари минатата година, Кирос објави видео порака во којашто се закануваше со нови терористички напади, меѓу кои и врз политичари, новинари и деловни луѓе. Грчките безбедносни експерти тогаш изброија 250 негови потенцијални цели. Повторно беше уапсен на почетокот од јануари годинава.
Сега 43-годишниот Николаос Мазиотис, пак, беше еден од водачите на милитантната организација Револуцуонерна борба, која повеќе не постои. Мазиотис и неговата животна партнерка Панајиота Рупа, со која имаат петгодишен син, беа осудени на 50 години затвор, секој за голем број кривични дела, меѓу кои и напад врз амбасадата на САД во Атина со ракетен фрлач во 2007 година. Фактички, инаку, според грчкиот закон затворската казна не може да надмине 25 години. Мазиотис и Рупа беа осудени во отсуство, бидејќи исчезнаа во текот на истрагата во 2011 година, кога беа ослободени од затвор на условна слобода, а Мазиотис потоа беше уапсен во јули 2014 година.
Организацијата револуционерна борба се појавила во 2003 година и едно време важеше за најопасно екстремно левичарско движење во Грција. Групата беше откриена во 2010 година, откако еден нејзин припадник беше убиен во престрелка со полицијата. Револуционерна борба беше најсериозната група од таканаречен „нов бран” на екстремизмот на грчката левица во периодот меѓу 2008 и 2010 година, испровоциран од убиството на тинејџер во Атина во судири со полицијата во декември 2008 година по што уследија масовни и жестоки безредија. Револуционерна борба ја презеде одговорноста и за нападот врз полицаец кој беше сериозно повреден и со чудо ја избегна смртта. Покрај тоа, групата го организирала и нападот со автомобил бомба во близина на Атинската берза чија зграда беше тешко оштетена./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.