Регион
Сараево: Полицијата трага по убиецот на војниците, се тврди дека е исламист
Бројни полициски сили, вклучително и припадници на специјалните единици, во средата ноќта трагаат по вооружениот напаѓач кој во предградието на Сараево уби двајца припадници на вооружените сили на Босна и Херцеговина, а според последните информации ранети се уште најмалку три лица.
„Две лица смртно настрадаа, а станува збор за припадници на вооружените сили на БиХ“, потврди портпаролот на сараевската кантонална полиција Ирфан Нефиќ во изјава за новинарите што ја пренесуваше федералната телевизија.Покрај припадниците на сараевската полиција во потрагата се вклучени и воените полицајци и специјалниот тим на Државната агенција за истрага и заштита (SIPA), кои е подготвен да ја презема истрагата доколку се утврди дека станува збор за терористички напад, соопшти портпаролката на SIPA, Кристина Јозиќ.Очевидци на полицијата ѝ дале информации дека напаѓачот наводно бил облечен како вехабире, припадниците на радикалното исламистичко движења, со што се поттикнуваат информациите дека станува збор за терористички чин.Меѓутоа, портпаролот Нефиќ изјави дека за тоа не може конкретно да се тврди додека истрагата не биде завршена. Додаде дека напаѓачот по нападот во обложувалницата, отворил оган и врз автобус на градскиот сообраќај, при што од распрсканите стакла биле повредени три лица.Напаѓачот, за кој медиумите објавија дека се вика Енес Омерагиќ, и дека живеел во Сараево, меѓу 19,30 и 20 часот од автоматска пушка пука во обложувалницата во Рајловац каде и ги убиле двајцата војници и ранил уште еден.Во неделата, по петочните терористички напади во Париз, радикалните исламисти чиишто изјави ги пренесува интернет порталот Vijesti ummeta кој пренесува вести на бошњачки јазик, најавија одмазнички походи поради нападите врз целите на терористичката група Исламска држава во Ирак и во Сирија, и ветија уште повеќе жртви во Европа низ којашто „ќе тече крв и ќе се веат знамињата“ на нивната организација, и се заканија на безбедноста на Босна и Херцеговина.Таква закана преку истиот портал за Босна и Херцеговина упати и кон средината на август.Според неофицијални информации, околу 300 државјани на БиХ моментално се борат под знамето на Исламската држава во Сирија и Ирак. Од мината година на сила е законот кој забранува војување на босанските државјани на странски боишта, но дека овој закон се применува докажува тоа што досега нема ниеден уапсен. Токму повратниците од Сирија и Ирак се сметаат за најголема опасност по безбедноста на БиХ./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.
Регион
Се вештачат трагите од предметите пронајдени во автомобилот во кој била убиена малата Данка
Телото на малото девојче Данка Илиќ (2), кое на 26 март годинава беше брутално убиено во Бањско Поле, сè уште не е пронајдено.
Осомничениот Дејан Драгијевиќ (50) во Вишото јавно обвинителство во Заечар ги изнесе деталите за убиството на детето. Сепак, тој не сакаше да открие каде го фрлил телото на Данка.
Срѓан Јанковиќ (50) не сакал да зборува за делото, а вчера побарал да му дозволат адвокат по службена должност. Во притвор е и таткото на Дејан Драгијевиќ, кој исто така се бранеше со молчење на обвинувањата дека му помогнал на синот да се ослободи од телото.
Понатамошни чекори во истрагата за „Телеграф.рс“ најавија од Вишото јавно обвинителство во Заечар.
„Вишото јавно обвинителство во Заечар издаде наредба вештаци да ги прегледаат трагите пронајдени во автомобилот на Јавното претпријатие за комунални дејности ‘Водовод’ од Бор“.
Сослушувањата на сведоците се во тек.
Вчера, во Вишото јавно обвинителство во Заечар дадоа исказ Ивана и Милош Илиќ, родителите на убиената Данка.