Регион
Шешељ ослободен од сите обвиненија
Хашкиот трибунал, со првостепена пресуда, го ослободи лидерот на Српската радикална странка, Воислав Шешељ, по сите девет точки од обвинението во кое се товари дека со говор на омраза поттикнувал и поддржувал воени злосторства во Хрватска и во Босна и Херцеговина за време на воените судири и протерувањето на Хрватите од Војводина.
Шешељ не присуствуваше на изрекувањето на пресудата, а не ја следеше ни преку видео линк, затоа што бил во „кампања“ и „имал попаметна работа“.По изрекувањето на пресудата, на твитер напиша „Колинда, подготви се, наскоро ти доаѓам во официјална посета“, порака која се однесува на хрватската претседателка Колинда Грабар Китаровиќ.Советот во Хаг соопшти дека Шешељ не е виновен за прогон, убиства, мачење, депортација, пустошење и разорување градови и религиозни објекти, кражба на јавен и приватен имот.„Воислав Шешељ не е виновен“, соопшти советот. „Шешељ по изрекувањето на оваа пресуда е слободен човек“, рече судијата Жан Клод Антоанети.Советот го наведува говорот одржан на пат за Вуковар 1991 година, кога Шешељ рече : „Целиот тој простор наскоро ќе биде исчистен од усташи“ и дека „Ни еден усташ не смее жив да излезе од Вуковар, усташи предајте се, нема повеќе потреба да гинат“.„Нема врска меѓу говорот и злосторствата сторени во 1992 година во Мостар, Зворник и Сараево“, смета Советот, од каде појаснуваат дека Шешељ ги изговорил овие зборови во рамки на противењето на политиката на Србија и дека тие значеле искажување алтернативно политичко гледиште кое не е спроведено.Пресудата е првостепена и на неа хашкото обвинителство има право на жалба.Судијата Жан Клод Антоанети рече дека денеска прочитал сиже од пресудата која вкупно има 100 страници, а на крајот од изрекувањето на пресудата таа ќе им биде поделена на сите учесници во постапката./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.
Регион
Словенечката опозиција бара истрага за случаите со крадење бебиња во Југославија: „Можеби се продадени повеќе од 20.000 деца“
Опозициските партии во Словенија поднесоа барање за парламентарна истрага за потенцијалното учество и одговорност на јавните службеници во случаите на кражба на деца во таа земја во периодот од 1965 до 1991 година, изјави денеска пратеничката на Словенечката демократска партија (СДС) Аленка Јерај.
„Во таканаречената трговија со бебиња, којашто се случуваше воглавно во 70те и 80те години во поранешна Југославија, повеќе од 20.000 деца можеби се продадени“, рече Јерај и додаде дека се соработува со српските друштва за овие случаи, пренесе СТА.
Овој проблем минатата година словенечкото здружение на родители на украдени деца го презентираше до собраниската Комисија за претставки, човекови права и еднакви можности со пропратна документација, а министерката за внатрешни работи Татјана Бобнар тогаш вети дека надлежните служби ќе направат се во нивната моќ.
Јерај изјави дека надлежните не презеле ништо, наведувајќи дека медицинскиот персонал инволвиран во неколку случаи на кражба на бебиња не бил вклучен во полициската истрага, а полицијата не ја презела документацијата од здружението на родители.
Словенечкиот премиер Роберт Голоб претходно оваа недела истакна дека 45 од 59 случаи на сомнителни кражби на бебиња се веќе затворени.