Регион
Сириза ја загуби предноста во анкетите
На безмалку три седмици пред одржувањето на предвремените парламентарни избори во Грција, десниот центар првпат оствари блага предност пред радикално левата владејачка Сириза на досегашниот премиер Алексис Ципрас, покажува анкетата која ја објави во средата навечер телевизијата Mega TV, спроведена од 31-ви август до 2-ри септември.
Главната опозициска партија Нова демократија според ова истражување на јавното мнение би добила 25,3 отсто од гласовите, наспроти чисти 25 проценти за Сириза. Според коментаторите, ова е уште еден од показателите дека одлуката да оди на предвремени избори може да има бумеранг ефект за Алексис Ципрас.
Ципрас поднесе оставка на 20-ти август по завршувањето на преговорите со меѓународните доверители при што договарајќи го третиот пакет финансиска помош за Грција мораше да ги погази изборните ветувања благодарејќи на кои дојде на власт со предвремените избори на 25-ти јануари годинава. Одејќи на избори, Ципрас се надеваше дека ќе ги зацврсти позициите на својата влада, откако во Сириза настана бунт и од парламентарната група се одвоија неколку десетици пратеници, со што во прашање беше доведено мнозинството на левицата.
Во споменатата анкета, исто така, првпат се покажува дека челникот на конзервативците, Евангелос Меимаракис со 44,3 отсто е попопуларен од Алексис Ципрас кој во моментов има поддршка од 41,9 отсто од гласачите.
Неонацистите од Златна зора, против чии челници се водат судски спорови а самата партија може да биде прогласена за злосторничко здружение, е на третото место со 5,5 отсто гласови.
Дисидентите од Сириза, кои го формираа евроскептичното движење Народно единство кое сака раскинување на договорот со кредиторите и излегување од еврозоната, а го води сменетиот од Ципрас поранешен министер за енергетика Панајотис Лафазанис, во оваа анкета добиле 4 отсто поддршка.
Мнозинство од испитаниците се изјасниле во полза на коалициона влада, и тоа 58,9, и тоа во периодот кога Ципрас повика избирачите да му дадат „силен мандат, апсолутно мнозинство“./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.
Регион
Словенечката опозиција бара истрага за случаите со крадење бебиња во Југославија: „Можеби се продадени повеќе од 20.000 деца“
Опозициските партии во Словенија поднесоа барање за парламентарна истрага за потенцијалното учество и одговорност на јавните службеници во случаите на кражба на деца во таа земја во периодот од 1965 до 1991 година, изјави денеска пратеничката на Словенечката демократска партија (СДС) Аленка Јерај.
„Во таканаречената трговија со бебиња, којашто се случуваше воглавно во 70те и 80те години во поранешна Југославија, повеќе од 20.000 деца можеби се продадени“, рече Јерај и додаде дека се соработува со српските друштва за овие случаи, пренесе СТА.
Овој проблем минатата година словенечкото здружение на родители на украдени деца го презентираше до собраниската Комисија за претставки, човекови права и еднакви можности со пропратна документација, а министерката за внатрешни работи Татјана Бобнар тогаш вети дека надлежните служби ќе направат се во нивната моќ.
Јерај изјави дека надлежните не презеле ништо, наведувајќи дека медицинскиот персонал инволвиран во неколку случаи на кражба на бебиња не бил вклучен во полициската истрага, а полицијата не ја презела документацијата од здружението на родители.
Словенечкиот премиер Роберт Голоб претходно оваа недела истакна дека 45 од 59 случаи на сомнителни кражби на бебиња се веќе затворени.