Регион
Словенија: Екс директор на агенцијата за безбедност во сообраќајот под истрага за фалсификувана возачка
На поранешниот директор на словенечката агенција за безбедност во сообраќајот му се заканува казна до три години затвор поради фалсификување на документите со кои повторно дошол на возачка дозвола, откако таа двапати претходно му е одземана поради низа прекршоци, меѓу другото и за возење под влијание на алкохол.
Полицијата потврдила дека против Франц Појбич води истрага за фалсификување на потврда дека го минал курсот за безбедно возење. Станува збор за курс задолжителен за сите возачи на коишто дозволата поради тешки прекршоци во сообраќајот им е одземена. Досегашните резултати од истрагата покажуваат дека Појбич никогаш не го минал споменатиот курс на кој се исправува однесувањето на возачите, пишуваат словенечките медиуми.Осомничениот во разговорот за телевизијата POP TV изјавил дека полицијата сѐ уште не го известила дека покренала истрага, како и дека се смета за невин и жртва на политичка кампања бидејќи избувнувањето на аферата доаѓа во период која тој се кандидира за градоначалник на Постојна.На функцијата директор на агенцијата за безбедност во сообраќајот Појбич беше шест месеци, во време кога веќе имал голем број казнени поени за прекршоци во сообраќајот, па и за возење во пијана состојба. Сменет е во август минатата година.Во меѓувреме во Словенија започна акција на поинтензивна проверка на документите кои ги издаваат автошколите и школите за безбедно возење во којашто се утврдени низа неправилности и сомнежи за корупција при издавање на документите. Окружниот суд во Љубљана кон крајот на минатата година поради измами и продавање возачки дозволи осуди група до 12 службеници во авто-школите. Провообвинетата во таа група, инструкторка за возење, е осудена на пет години затвори и парична глоба од 10 илјади долари./крај/мф/сн
Извор: Hina
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Братот на осомничениот за убиството на малата Данка починал од насилство, а не од природна смрт, пишуваат медиуми
Д.Д.(40), брат на еден од осомничените за исчезнувањето и смртта на двегодишното девојче Д.И., починал од насилна смрт на 7 април во раните утрински часови во полициската станица во Бор, констатирано е од стручното мислење на Институтот за судска медицина во Белград, објави Радар.
Во судско-медицинскиот извештај на телото на Д.Д биле констатирани бројни повреди, поради што вештаците констатирале дека се работи за насилна смрт. Наодите на вештачењето се проследени до надлежното Вишо јавно обвинителство Заечар за понатамошно постапување, пишува Радар.
Осомничениот Д.Д од Бор, во саботата на 6 април, во полициската станица во Бор бил задржан до 48 часа поради постоење основи на сомнение дека по извршеното кривично дело му помогнал на својот десетгодишен брат, кој е осомничен за убиството на двегодишната Данка Илиќ.
Истата вечер, три часа по полноќ, полицијата соопшти дека од „природна смрт“ починал Д.Д. Во соопштението на полицијата од 7 април, се наведува дека на осомничениот му се „слошило“ во раните утрински часови и дека „и покрај навремената реакција на полициските службеници и лекарите од Здравствениот дом во Бор, кои се обиделе да извршат реанимација, Д.Д. починал во 3 часот и 10 минути“.
Вештачењето на Институтот за судска медицина во Белград, пак, покажа дека Д.Д. не починал од природна смрт, но од последиците од тепањето, чии траги беа јасно видливи и детално опишани во вештачењето.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.