Регион
Словенија го врати вториот неработен ден за Нова година

Словенечкиот парламент во вторник вечер со убедливо мнозинство го промени Законот за државни празници, со што повторно се враќаат двата неработни дена за Нова година, што беше укинато пред четири години, како една од мерките на штедење.
За законската измена гласаше 61 пратеник, додека 10 беа против.
Некои претставници на опозицијата сметаат дека владата, која според најновите анкети ужива мала поддршка, со овој „популистички“ потег всушност ја „купува“ наклонетоста на гласачите, што владејачката партија го негира.
Претседателот на парламентот Милан Брглез рече дека укинувањето на вториот неработен ден во новогодишните празници пред четири години и не било толку неопходно и не дало никакви економски ефекти. /крај/он/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Лукашенко испрати писмо со поддршка до Додик

„Претседателот на Република Српска, Милорад Додик, се грижи за својата татковина и народ и ги штити националните интереси и покрај надворешните притисоци“, се вели во писмото на претседателот на Белорусија, Александар Лукашенко, до претседателот на РС.
Лукашенко му изрази искрена благодарност на Додик за топлите и срдечни зборови што претседателот на РС му ги упатил по повод неговиот роденден.
„Многу сум задоволен што ги слушам тие зборови од човек што се грижи и за својата татковина и народ и ги штити националните интереси, без оглед на разните невидени надворешни притисоци“, рекол Лукашенко, пренесува „Срна“.
Лукашенко истакна дека целосно го дели мислењето на Додик за неопходноста од натамошен развој на билатералните односи, како и за постигнување повисоко ниво на квалитет на односите меѓу РС и Белорусија.
Белорускиот претседател ја потврди подготвеноста на Минск да помогне на сите начини.
„Со задоволство се сеќавам на нашата средба и отворен конструктивен дијалог. Задоволство ми е што повторно ќе ве угостиме, почит кон вас“, додал Лукашенко во писмото.
Регион
Жена во Младеновац го претепала својот зет, па ги изгребала и ги гризнала полицајците кога дошле да ја приведат

Полицијата во Младеновац ја уапси Ј. В., која вчера во Младеновац под дејство на алкохол го претепала својот зет З. М.
Таа при приведувањето изгребала и гризнала еден полицаец за раката, а друг за дланката.
Сите повредени мажи се примени во Здравствениот дом во Младеновац, каде што им се констатирани полесни физички повреди.
На Ј. В. за семејно насилство и напад врз службено лице одреден ѝ е полициски притвор до 48 часа.
Истрагата ја води Основното јавно обвинителство Младеновац.
Регион
Ослободени четворица Срби осомничени за вооружен конфликт во Бањска

Специјалното обвинителство на Косово соопшти дека во вторник ослободило четворица осомничени за случајот во Бањска во Звечан бидејќи според нив немало доволно докази за нивната вмешаност во случајот, објави приштинска „Коха“.
Како што соопштија од Обвинителството, осомничените се уапсени далеку од местото на настанот.
„Ве информираме дека четирите лица, кои беа уапсени за време на акцијата на косовската полиција во селото Бањска во општина Звечан, далеку од местото на настанот, вчера беа ослободени од Специјалното обвинителство на Република Косово во отсуство на докази од косовската полиција“, соопшти во средата Обвинителството, пренесува „Коха“.
Косовската полиција уапси осум лица во врска со вооружениот напад што се случи во неделата во Бањска во Звечан, каде што беше убиен наредникот на косовската полиција, Африм Буњаку.